೨. ಸಙ್ಖ್ಯಾವಾರೋ

ಸುದ್ಧಂ

೧೨೦. ಹೇತುಯಾ ಸತ್ತ, ಆರಮ್ಮಣೇ ನವ, ಅಧಿಪತಿಯಾ ದಸ, ಅನನ್ತರೇ ಸತ್ತ, ಸಮನನ್ತರೇ ಸತ್ತ, ಸಹಜಾತೇ ಏಕಾದಸ, ಅಞ್ಞಮಞ್ಞೇ ಸತ್ತ, ನಿಸ್ಸಯೇ ತೇರಸ, ಉಪನಿಸ್ಸಯೇ ನವ, ಪುರೇಜಾತೇ ತೀಣಿ, ಪಚ್ಛಾಜಾತೇ ತೀಣಿ, ಆಸೇವನೇ ದ್ವೇ, ಕಮ್ಮೇ ನವ, ವಿಪಾಕೇ ತೀಣಿ, ಆಹಾರೇ ಸತ್ತ, ಇನ್ದ್ರಿಯೇ ನವ, ಝಾನೇ ಸತ್ತ, ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ಪಞ್ಚ, ಅತ್ಥಿಯಾ ತೇರಸ, ನತ್ಥಿಯಾ ಸತ್ತ, ವಿಗತೇ ಸತ್ತ, ಅವಿಗತೇ ತೇರಸ.

ಸಭಾಗಂ

ಹೇತುಪಚ್ಚಯಾ ಅಧಿಪತಿಯಾ ಸತ್ತ, ಸಹಜಾತೇ ಸತ್ತ, ಅಞ್ಞಮಞ್ಞೇ ಪಞ್ಚ, ನಿಸ್ಸಯೇ ಸತ್ತ, ವಿಪಾಕೇ ತೀಣಿ, ಇನ್ದ್ರಿಯೇ ಸತ್ತ, ಮಗ್ಗೇ ಸತ್ತ, ಸಮ್ಪಯುತ್ತೇ ತೀಣಿ, ವಿಪ್ಪಯುತ್ತೇ ತೀಣಿ, ಅತ್ಥಿಯಾ ಸತ್ತ, ಅವಿಗತೇ ಸತ್ತ.

(ಯಥಾ ಕುಸಲತ್ತಿಕೇ ಪಞ್ಹಾವಾರಸ್ಸ ಅನುಲೋಮಗಣನಾ ಗಣಿತಾ, ಏವಂ ವಿತ್ಥಾರೇತಬ್ಬಾ.)

ಅನುಲೋಮಂ

ಪಚ್ಚನೀಯುದ್ಧಾರೋ

೧೨೧. ವಿಪಾಕೋ ಧಮ್ಮೋ ವಿಪಾಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ವಿಪಾಕೋ ಧಮ್ಮೋ ವಿಪಾಕಧಮ್ಮಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೨)

ವಿಪಾಕೋ ಧಮ್ಮೋ ನೇವವಿಪಾಕನವಿಪಾಕಧಮ್ಮಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ. (೩)

ವಿಪಾಕೋ ಧಮ್ಮೋ ವಿಪಾಕಸ್ಸ ಚ ನೇವವಿಪಾಕನವಿಪಾಕಧಮ್ಮಧಮ್ಮಸ್ಸ ಚ ಸಹಜಾತಪಚ್ಚಯೇನ ಪಚ್ಚಯೋ. (೪)

ವಿಪಾಕಧಮ್ಮಧಮ್ಮೋ ವಿಪಾಕಧಮ್ಮಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ. (೧)

ವಿಪಾಕಧಮ್ಮಧಮ್ಮೋ ವಿಪಾಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೨)

ವಿಪಾಕಧಮ್ಮಧಮ್ಮೋ ನೇವವಿಪಾಕನವಿಪಾಕಧಮ್ಮಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಕಮ್ಮಪಚ್ಚಯೇನ ಪಚ್ಚಯೋ. (೩)

ವಿಪಾಕಧಮ್ಮಧಮ್ಮೋ ವಿಪಾಕಸ್ಸ ಚ ನೇವವಿಪಾಕನವಿಪಾಕಧಮ್ಮಧಮ್ಮಸ್ಸ ಚ ಕಮ್ಮಪಚ್ಚಯೇನ ಪಚ್ಚಯೋ. (೪)

ವಿಪಾಕಧಮ್ಮಧಮ್ಮೋ ವಿಪಾಕಧಮ್ಮಧಮ್ಮಸ್ಸ ಚ ನೇವವಿಪಾಕನವಿಪಾಕಧಮ್ಮಧಮ್ಮಸ್ಸ ಚ ಸಹಜಾತಪಚ್ಚಯೇನ ಪಚ್ಚಯೋ. (೫)

ನೇವವಿಪಾಕನವಿಪಾಕಧಮ್ಮಧಮ್ಮೋ ನೇವವಿಪಾಕನವಿಪಾಕಧಮ್ಮಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ… ಪಚ್ಛಾಜಾತಪಚ್ಚಯೇನ ಪಚ್ಚಯೋ… ಆಹಾರಪಚ್ಚಯೇನ ಪಚ್ಚಯೋ… ಇನ್ದ್ರಿಯಪಚ್ಚಯೇನ ಪಚ್ಚಯೋ. (೧)

ನೇವವಿಪಾಕನವಿಪಾಕಧಮ್ಮಧಮ್ಮೋ ವಿಪಾಕಸ್ಸ ಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಸಹಜಾತಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೨)

ನೇವವಿಪಾಕನವಿಪಾಕಧಮ್ಮಧಮ್ಮೋ ವಿಪಾಕಧಮ್ಮಧಮ್ಮಸ್ಸ ಆರಮ್ಮಣಪಚ್ಚಯೇನ ಪಚ್ಚಯೋ… ಉಪನಿಸ್ಸಯಪಚ್ಚಯೇನ ಪಚ್ಚಯೋ… ಪುರೇಜಾತಪಚ್ಚಯೇನ ಪಚ್ಚಯೋ. (೩)

ವಿಪಾಕೋ ಚ ನೇವವಿಪಾಕನವಿಪಾಕಧಮ್ಮಧಮ್ಮೋ ಚ ಧಮ್ಮಾ ವಿಪಾಕಸ್ಸ ಧಮ್ಮಸ್ಸ ಸಹಜಾತಂ… ಪುರೇಜಾತಂ. (೧)

ವಿಪಾಕೋ ಚ ನೇವವಿಪಾಕನವಿಪಾಕಧಮ್ಮಧಮ್ಮೋ ಚ ಧಮ್ಮಾ ನೇವವಿಪಾಕನವಿಪಾಕಧಮ್ಮಧಮ್ಮಸ್ಸ ಸಹಜಾತಂ… ಪಚ್ಛಾಜಾತಂ… ಆಹಾರಂ… ಇನ್ದ್ರಿಯಂ. (೨)

ವಿಪಾಕಧಮ್ಮಧಮ್ಮೋ ಚ ನೇವವಿಪಾಕನವಿಪಾಕಧಮ್ಮಧಮ್ಮೋ ಚ ಧಮ್ಮಾ ವಿಪಾಕಧಮ್ಮಧಮ್ಮಸ್ಸ ಸಹಜಾತಂ… ಪುರೇಜಾತಂ. (೧)

ವಿಪಾಕಧಮ್ಮಧಮ್ಮೋ ಚ ನೇವವಿಪಾಕನವಿಪಾಕಧಮ್ಮಧಮ್ಮೋ ಚ ಧಮ್ಮಾ ನೇವವಿಪಾಕನವಿಪಾಕಧಮ್ಮಧಮ್ಮಸ್ಸ ಸಹಜಾತಂ… ಪಚ್ಛಾಜಾತಂ… ಆಹಾರಂ… ಇನ್ದ್ರಿಯಂ. (೨)