(೨೧೮) ೧. ಏಕಾಧಿಪ್ಪಾಯಕಥಾ

೯೦೮. ಏಕಾಧಿಪ್ಪಾಯೇನ ಮೇಥುನೋ ಧಮ್ಮೋ ಪಟಿಸೇವಿತಬ್ಬೋತಿ? ಆಮನ್ತಾ. ಏಕಾಧಿಪ್ಪಾಯೇನ ಅಸ್ಸಮಣೇನ ಹೋತಬ್ಬಂ, ಅಭಿಕ್ಖುನಾ ಹೋತಬ್ಬಂ, ಛಿನ್ನಮೂಲೇನ ಹೋತಬ್ಬಂ ಪಾರಾಜಿಕೇನ ಹೋತಬ್ಬನ್ತಿ? ನ ಹೇವಂ ವತ್ತಬ್ಬೇ…ಪೇ… ಏಕಾಧಿಪ್ಪಾಯೇನ ಮೇಥುನೋ ಧಮ್ಮೋ ಪಟಿಸೇವಿತಬ್ಬೋತಿ? ಆಮನ್ತಾ. ಏಕಾಧಿಪ್ಪಾಯೇನ ಪಾಣೋ ಹನ್ತಬ್ಬೋ, ಅದಿನ್ನಂ ಆದಿಯಿತಬ್ಬಂ, ಮುಸಾ ಭಣಿತಬ್ಬಾ, ಪಿಸುಣಂ ಭಣಿತಬ್ಬಂ, ಫರುಸಂ ಭಣಿತಬ್ಬಂ, ಸಮ್ಫಂ ಪಲಪಿತಬ್ಬಂ, ಸನ್ಧಿ ಛೇದಿತಬ್ಬೋ, ನಿಲ್ಲೋಪಂ ಹಾತಬ್ಬಂ, ಏಕಾಗಾರಿಕಂ ಕಾತಬ್ಬಂ, ಪರಿಪನ್ಥೇ ಠಾತಬ್ಬಂ, ಪರದಾರೋ ಗನ್ತಬ್ಬೋ, ಗಾಮಘಾತಕೋ ಕಾತಬ್ಬೋ, ನಿಗಮಘಾತಕೋ ಕಾತಬ್ಬೋತಿ? ನ ಹೇವಂ ವತ್ತಬ್ಬೇ…ಪೇ….

ಏಕಾಧಿಪ್ಪಾಯಕಥಾ ನಿಟ್ಠಿತಾ.