(೧೨೫) ೧೦. ಸತ್ತಮಭವಿಕಕಥಾ

೬೫೩. ನ ವತ್ತಬ್ಬಂ ‘‘ಸತ್ತಮಭವಿಕಸ್ಸ ಪುಗ್ಗಲಸ್ಸ ಪಹೀನಾ ದುಗ್ಗತೀ’’ತಿ? ಆಮನ್ತಾ. ಸತ್ತಮಭವಿಕೋ ಪುಗ್ಗಲೋ ನಿರಯಂ ಉಪಪಜ್ಜೇಯ್ಯ, ತಿರಚ್ಛಾನಯೋನಿಂ ಉಪಪಜ್ಜೇಯ್ಯ, ಪೇತ್ತಿವಿಸಯಂ ಉಪಪಜ್ಜೇಯ್ಯಾತಿ? ನ ಹೇವಂ ವತ್ತಬ್ಬೇ. ತೇನ ಹಿ ಸತ್ತಮಭವಿಕಸ್ಸ ಪುಗ್ಗಲಸ್ಸ ಪಹೀನಾ ದುಗ್ಗತೀತಿ.

ಸತ್ತಮಭವಿಕಕಥಾ ನಿಟ್ಠಿತಾ.

ದ್ವಾದಸಮವಗ್ಗೋ.

ತಸ್ಸುದ್ದಾನಂ –

ಸಂವರೋ ಕಮ್ಮಂ ತಥೇವ ಅಸಂವರೋ, ಸಬ್ಬಕಮ್ಮಂ ಸವಿಪಾಕಂ, ಸದ್ದೋ ವಿಪಾಕೋ, ಸಳಾಯತನಂ ವಿಪಾಕೋ, ಸತ್ತಕ್ಖತ್ತುಪರಮೋ ಪುಗ್ಗಲೋ ಸತ್ತಕ್ಖತ್ತುಪರಮತಾನಿಯತೋ, ಕೋಲಙ್ಕೋಲಪುಗ್ಗಲೋ ಕೋಲಙ್ಕೋಲತಾನಿಯತೋ, ಏಕಬೀಜೀ ಪುಗ್ಗಲೋ ಏಕಬೀಜಿತಾನಿಯತೋ, ದಿಟ್ಠಿಸಮ್ಪನ್ನೋ ಪುಗ್ಗಲೋ ಸಞ್ಚಿಚ್ಚ ಪಾಣಂ ಜೀವಿತಾ ವೋರೋಪೇಯ್ಯ, ದಿಟ್ಠಿಸಮ್ಪನ್ನಸ್ಸ ಪುಗ್ಗಲಸ್ಸ ಪಹೀನಾ ದುಗ್ಗತಿ, ತಥೇವ ಸತ್ತಮಭವಿಕಸ್ಸಾತಿ.