ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ

ಅಭಿಧಮ್ಮಪಿಟಕೇ

ಧಮ್ಮಸಙ್ಗಣೀಪಾಳಿ

ಮಾತಿಕಾ

೧. ತಿಕಮಾತಿಕಾ

೧. (ಕ) ಕುಸಲಾ ಧಮ್ಮಾ.

(ಖ) ಅಕುಸಲಾ ಧಮ್ಮಾ.

(ಗ) ಅಬ್ಯಾಕತಾ ಧಮ್ಮಾ.

೨. (ಕ) ಸುಖಾಯ ವೇದನಾಯ ಸಮ್ಪಯುತ್ತಾ ಧಮ್ಮಾ.

(ಖ) ದುಕ್ಖಾಯ ವೇದನಾಯ ಸಮ್ಪಯುತ್ತಾ ಧಮ್ಮಾ.

(ಗ) ಅದುಕ್ಖಮಸುಖಾಯ ವೇದನಾಯ ಸಮ್ಪಯುತ್ತಾ ಧಮ್ಮಾ.

೩. (ಕ) ವಿಪಾಕಾ ಧಮ್ಮಾ.

(ಖ) ವಿಪಾಕಧಮ್ಮಧಮ್ಮಾ.

(ಗ) ನೇವವಿಪಾಕನವಿಪಾಕಧಮ್ಮಧಮ್ಮಾ.

೪. (ಕ) ಉಪಾದಿಣ್ಣುಪಾದಾನಿಯಾ [ಉಪಾದಿನ್ನುಪಾದಾನಿಯಾ (ಸ್ಯಾ.)] ಧಮ್ಮಾ.

(ಖ) ಅನುಪಾದಿಣ್ಣುಪಾದಾನಿಯಾ ಧಮ್ಮಾ.

(ಗ) ಅನುಪಾದಿಣ್ಣಅನುಪಾದಾನಿಯಾ [ಅನುಪಾದಿನ್ನಾನುಪಾದಾನಿಯಾ (ಸ್ಯಾ.)] ಧಮ್ಮಾ.

೫. (ಕ) ಸಂಕಿಲಿಟ್ಠಸಂಕಿಲೇಸಿಕಾ ಧಮ್ಮಾ.

(ಖ) ಅಸಂಕಿಲಿಟ್ಠಸಂಕಿಲೇಸಿಕಾ ಧಮ್ಮಾ.

(ಗ) ಅಸಂಕಿಲಿಟ್ಠಅಸಂಕಿಲೇಸಿಕಾ [ಅಸಂಕಿಲಿಟ್ಠಾಸಂಕಿಲೇಸಿಕಾ (ಸ್ಯಾ.)] ಧಮ್ಮಾ.

೬. (ಕ) ಸವಿತಕ್ಕಸವಿಚಾರಾ ಧಮ್ಮಾ.

(ಖ) ಅವಿತಕ್ಕವಿಚಾರಮತ್ತಾ ಧಮ್ಮಾ.

(ಗ) ಅವಿತಕ್ಕಅವಿಚಾರಾ [ಅವಿತಕ್ಕಾವಿಚಾರಾ (ಸ್ಯಾ.)] ಧಮ್ಮಾ.

೭. (ಕ) ಪೀತಿಸಹಗತಾ ಧಮ್ಮಾ.

(ಖ) ಸುಖಸಹಗತಾ ಧಮ್ಮಾ.

(ಗ) ಉಪೇಕ್ಖಾಸಹಗತಾ ಧಮ್ಮಾ.

೮. (ಕ) ದಸ್ಸನೇನ ಪಹಾತಬ್ಬಾ ಧಮ್ಮಾ.

(ಖ) ಭಾವನಾಯ ಪಹಾತಬ್ಬಾ ಧಮ್ಮಾ.

(ಗ) ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಾ ಧಮ್ಮಾ.

೯. (ಕ) ದಸ್ಸನೇನ ಪಹಾತಬ್ಬಹೇತುಕಾ ಧಮ್ಮಾ.

(ಖ) ಭಾವನಾಯ ಪಹಾತಬ್ಬಹೇತುಕಾ ಧಮ್ಮಾ.

(ಗ) ನೇವ ದಸ್ಸನೇನ ನ ಭಾವನಾಯ ಪಹಾತಬ್ಬಹೇತುಕಾ ಧಮ್ಮಾ.

೧೦. (ಕ) ಆಚಯಗಾಮಿನೋ ಧಮ್ಮಾ.

(ಖ) ಅಪಚಯಗಾಮಿನೋ ಧಮ್ಮಾ.

(ಗ) ನೇವಾಚಯಗಾಮಿನಾಪಚಯಗಾಮಿನೋ [ನೇವಾಚಯಗಾಮಿನೋ ನಾಪಚಯಗಾಮಿನೋ (ಸ್ಯಾ.)] ಧಮ್ಮಾ.

೧೧. (ಕ) ಸೇಕ್ಖಾ ಧಮ್ಮಾ.

(ಖ) ಅಸೇಕ್ಖಾ ಧಮ್ಮಾ.

(ಗ) ನೇವಸೇಕ್ಖನಾಸೇಕ್ಖಾ [ನೇವಸೇಕ್ಖಾನಾಸೇಕ್ಖಾ (ಸೀ. ಸ್ಯಾ.)] ಧಮ್ಮಾ.

೧೨. (ಕ) ಪರಿತ್ತಾ ಧಮ್ಮಾ.

(ಖ) ಮಹಗ್ಗತಾ ಧಮ್ಮಾ.

(ಗ) ಅಪ್ಪಮಾಣಾ ಧಮ್ಮಾ.

೧೩. (ಕ) ಪರಿತ್ತಾರಮ್ಮಣಾ ಧಮ್ಮಾ.

(ಖ) ಮಹಗ್ಗತಾರಮ್ಮಣಾ ಧಮ್ಮಾ.

(ಗ) ಅಪ್ಪಮಾಣಾರಮ್ಮಣಾ ಧಮ್ಮಾ.

೧೪. (ಕ) ಹೀನಾ ಧಮ್ಮಾ.

(ಖ) ಮಜ್ಝಿಮಾ ಧಮ್ಮಾ.

(ಗ) ಪಣೀತಾ ಧಮ್ಮಾ.

೧೫. (ಕ) ಮಿಚ್ಛತ್ತನಿಯತಾ ಧಮ್ಮಾ.

(ಖ) ಸಮ್ಮತ್ತನಿಯತಾ ಧಮ್ಮಾ.

(ಗ) ಅನಿಯತಾ ಧಮ್ಮಾ.

೧೬. (ಕ) ಮಗ್ಗಾರಮ್ಮಣಾ ಧಮ್ಮಾ.

(ಖ) ಮಗ್ಗಹೇತುಕಾ ಧಮ್ಮಾ.

(ಗ) ಮಗ್ಗಾಧಿಪತಿನೋ ಧಮ್ಮಾ.

೧೭. (ಕ) ಉಪ್ಪನ್ನಾ ಧಮ್ಮಾ.

(ಖ) ಅನುಪ್ಪನ್ನಾ ಧಮ್ಮಾ.

(ಗ) ಉಪ್ಪಾದಿನೋ ಧಮ್ಮಾ.

೧೮. (ಕ) ಅತೀತಾ ಧಮ್ಮಾ.

(ಖ) ಅನಾಗತಾ ಧಮ್ಮಾ.

(ಗ) ಪಚ್ಚುಪ್ಪನ್ನಾ ಧಮ್ಮಾ.

೧೯. (ಕ) ಅತೀತಾರಮ್ಮಣಾ ಧಮ್ಮಾ.

(ಖ) ಅನಾಗತಾರಮ್ಮಣಾ ಧಮ್ಮಾ.

(ಗ) ಪಚ್ಚುಪ್ಪನ್ನಾರಮ್ಮಣಾ ಧಮ್ಮಾ.

೨೦. (ಕ) ಅಜ್ಝತ್ತಾ ಧಮ್ಮಾ.

(ಖ) ಬಹಿದ್ಧಾ ಧಮ್ಮಾ.

(ಗ) ಅಜ್ಝತ್ತಬಹಿದ್ಧಾ ಧಮ್ಮಾ.

೨೧. (ಕ) ಅಜ್ಝತ್ತಾರಮ್ಮಣಾ ಧಮ್ಮಾ.

(ಖ) ಬಹಿದ್ಧಾರಮ್ಮಣಾ ಧಮ್ಮಾ.

(ಗ) ಅಜ್ಝತ್ತಬಹಿದ್ಧಾರಮ್ಮಣಾ ಧಮ್ಮಾ.

೨೨. (ಕ) ಸನಿದಸ್ಸನಸಪ್ಪಟಿಘಾ ಧಮ್ಮಾ.

(ಖ) ಅನಿದಸ್ಸನಸಪ್ಪಟಿಘಾ ಧಮ್ಮಾ.

(ಗ) ಅನಿದಸ್ಸನಅಪ್ಪಟಿಘಾ [ಅನಿದಸ್ಸನಾಪ್ಪಟಿಘಾ (ಸ್ಯಾ.)] ಧಮ್ಮಾ.

ತಿಕಮಾತಿಕಾ.

೨. ದುಕಮಾತಿಕಾ

ಹೇತುಗೋಚ್ಛಕಂ

೧. (ಕ) ಹೇತೂ ಧಮ್ಮಾ.

(ಖ) ನ ಹೇತೂ ಧಮ್ಮಾ.

೨. (ಕ) ಸಹೇತುಕಾ ಧಮ್ಮಾ.

(ಖ) ಅಹೇತುಕಾ ಧಮ್ಮಾ.

೩. (ಕ) ಹೇತುಸಮ್ಪಯುತ್ತಾ ಧಮ್ಮಾ.

(ಖ) ಹೇತುವಿಪ್ಪಯುತ್ತಾ ಧಮ್ಮಾ.

೪. (ಕ) ಹೇತೂ ಚೇವ ಧಮ್ಮಾ ಸಹೇತುಕಾ ಚ.

(ಖ) ಸಹೇತುಕಾ ಚೇವ ಧಮ್ಮಾ ನ ಚ ಹೇತೂ.

೫. (ಕ) ಹೇತೂ ಚೇವ ಧಮ್ಮಾ ಹೇತುಸಮ್ಪಯುತ್ತಾ ಚ.

(ಖ) ಹೇತುಸಮ್ಪಯುತ್ತಾ ಚೇವ ಧಮ್ಮಾ ನ ಚ ಹೇತೂ.

೬. (ಕ) ನ ಹೇತೂ ಖೋ ಪನ ಧಮ್ಮಾ ಸಹೇತುಕಾಪಿ.

(ಖ) ಅಹೇತುಕಾಪಿ.

ಹೇತುಗೋಚ್ಛಕಂ.

ಚೂಳನ್ತರದುಕಂ

೭. (ಕ) ಸಪ್ಪಚ್ಚಯಾ ಧಮ್ಮಾ.

(ಖ) ಅಪ್ಪಚ್ಚಯಾ ಧಮ್ಮಾ.

೮. (ಕ) ಸಙ್ಖತಾ ಧಮ್ಮಾ.

(ಖ) ಅಸಙ್ಖತಾ ಧಮ್ಮಾ.

೯. (ಕ) ಸನಿದಸ್ಸನಾ ಧಮ್ಮಾ.

(ಖ) ಅನಿದಸ್ಸನಾ ಧಮ್ಮಾ.

೧೦. (ಕ) ಸಪ್ಪಟಿಘಾ ಧಮ್ಮಾ.

(ಖ) ಅಪ್ಪಟಿಘಾ ಧಮ್ಮಾ.

೧೧. (ಕ) ರೂಪಿನೋ ಧಮ್ಮಾ.

(ಖ) ಅರೂಪಿನೋ ಧಮ್ಮಾ.

೧೨. (ಕ) ಲೋಕಿಯಾ ಧಮ್ಮಾ.

(ಖ) ಲೋಕುತ್ತರಾ ಧಮ್ಮಾ.

೧೩. (ಕ) ಕೇನಚಿ ವಿಞ್ಞೇಯ್ಯಾ ಧಮ್ಮಾ.

(ಖ) ಕೇನಚಿ ನ ವಿಞ್ಞೇಯ್ಯಾ ಧಮ್ಮಾ.

ಚೂಳನ್ತರದುಕಂ.

ಆಸವಗೋಚ್ಛಕಂ

೧೪. (ಕ) ಆಸವಾ ಧಮ್ಮಾ.

(ಖ) ನೋ ಆಸವಾ ಧಮ್ಮಾ.

೧೫. (ಕ) ಸಾಸವಾ ಧಮ್ಮಾ.

(ಖ) ಅನಾಸವಾ ಧಮ್ಮಾ.

೧೬. (ಕ) ಆಸವಸಮ್ಪಯುತ್ತಾ ಧಮ್ಮಾ.

(ಖ) ಆಸವವಿಪ್ಪಯುತ್ತಾ ಧಮ್ಮಾ.

೧೭. (ಕ) ಆಸವಾ ಚೇವ ಧಮ್ಮಾ ಸಾಸವಾ ಚ.

(ಖ) ಸಾಸವಾ ಚೇವ ಧಮ್ಮಾ ನೋ ಚ ಆಸವಾ.

೧೮. (ಕ) ಆಸವಾ ಚೇವ ಧಮ್ಮಾ ಆಸವಸಮ್ಪಯುತ್ತಾ ಚ.

(ಖ) ಆಸವಸಮ್ಪಯುತ್ತಾ ಚೇವ ಧಮ್ಮಾ ನೋ ಚ ಆಸವಾ.

೧೯. (ಕ) ಆಸವವಿಪ್ಪಯುತ್ತಾ ಖೋ ಪನ ಧಮ್ಮಾ ಸಾಸವಾಪಿ.

(ಖ) ಅನಾಸವಾಪಿ.

ಆಸವಗೋಚ್ಛಕಂ.

ಸಂಯೋಜನಗೋಚ್ಛಕಂ

೨೦. (ಕ) ಸಂಯೋಜನಾ ಧಮ್ಮಾ.

(ಖ) ನೋ ಸಂಯೋಜನಾ ಧಮ್ಮಾ.

೨೧. (ಕ) ಸಂಯೋಜನಿಯಾ ಧಮ್ಮಾ.

(ಖ) ಅಸಂಯೋಜನಿಯಾ ಧಮ್ಮಾ.

೨೨. (ಕ) ಸಂಯೋಜನಸಮ್ಪಯುತ್ತಾ ಧಮ್ಮಾ.

(ಖ) ಸಂಯೋಜನವಿಪ್ಪಯುತ್ತಾ ಧಮ್ಮಾ.

೨೩. (ಕ) ಸಂಯೋಜನಾ ಚೇವ ಧಮ್ಮಾ ಸಂಯೋಜನಿಯಾ ಚ.

(ಖ) ಸಂಯೋಜನಿಯಾ ಚೇವ ಧಮ್ಮಾ ನೋ ಚ ಸಂಯೋಜನಾ.

೨೪. (ಕ) ಸಂಯೋಜನಾ ಚೇವ ಧಮ್ಮಾ ಸಂಯೋಜನಸಮ್ಪಯುತ್ತಾ ಚ.

(ಖ) ಸಂಯೋಜನಸಮ್ಪಯುತ್ತಾ ಚೇವ ಧಮ್ಮಾ ನೋ ಚ ಸಂಯೋಜನಾ.

೨೫. (ಕ) ಸಂಯೋಜನವಿಪ್ಪಯುತ್ತಾ ಖೋ ಪನ ಧಮ್ಮಾ ಸಂಯೋಜನಿಯಾಪಿ.

(ಖ) ಅಸಂಯೋಜನಿಯಾಪಿ.

ಸಂಯೋಜನಗೋಚ್ಛಕಂ.

ಗನ್ಥಗೋಚ್ಛಕಂ

೨೬. (ಕ) ಗನ್ಥಾ ಧಮ್ಮಾ.

(ಖ) ನೋ ಗನ್ಥಾ ಧಮ್ಮಾ.

೨೭. (ಕ) ಗನ್ಥನಿಯಾ ಧಮ್ಮಾ.

(ಖ) ಅಗನ್ಥನಿಯಾ ಧಮ್ಮಾ.

೨೮. (ಕ) ಗನ್ಥಸಮ್ಪಯುತ್ತಾ ಧಮ್ಮಾ.

(ಖ) ಗನ್ಥವಿಪ್ಪಯುತ್ತಾ ಧಮ್ಮಾ.

೨೯. (ಕ) ಗನ್ಥಾ ಚೇವ ಧಮ್ಮಾ ಗನ್ಥನಿಯಾ ಚ.

(ಖ) ಗನ್ಥನಿಯಾ ಚೇವ ಧಮ್ಮಾ ನೋ ಚ ಗನ್ಥಾ.

೩೦. (ಕ) ಗನ್ಥಾ ಚೇವ ಧಮ್ಮಾ ಗನ್ಥಸಮ್ಪಯುತ್ತಾ ಚ.

(ಖ) ಗನ್ಥಸಮ್ಪಯುತ್ತಾ ಚೇವ ಧಮ್ಮಾ ನೋ ಚ ಗನ್ಥಾ.

೩೧. (ಕ) ಗನ್ಥವಿಪ್ಪಯುತ್ತಾ ಖೋ ಪನ ಧಮ್ಮಾ ಗನ್ಥನಿಯಾಪಿ.

(ಖ) ಅಗನ್ಥನಿಯಾಪಿ.

ಗನ್ಥಗೋಚ್ಛಕಂ.

ಓಘಗೋಚ್ಛಕಂ

೩೨. (ಕ) ಓಘಾ ಧಮ್ಮಾ.

(ಖ) ನೋ ಓಘಾ ಧಮ್ಮಾ.

೩೩. (ಕ) ಓಘನಿಯಾ ಧಮ್ಮಾ.

(ಖ) ಅನೋಘನಿಯಾ ಧಮ್ಮಾ.