೧. ಖನ್ಧೋ

೨೨೮. ರೂಪಕ್ಖನ್ಧೋ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಮ್ಪಯುತ್ತೋತಿ? ನತ್ಥಿ. ಕತಿಹಿ ವಿಪ್ಪಯುತ್ತೋ? ಚತೂಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ವಿಪ್ಪಯುತ್ತೋ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತೋ.

೨೨೯. ವೇದನಾಕ್ಖನ್ಧೋ… ಸಞ್ಞಾಕ್ಖನ್ಧೋ… ಸಙ್ಖಾರಕ್ಖನ್ಧೋ ತೀಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಸಮ್ಪಯುತ್ತೋ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತೋ. ಕತಿಹಿ ವಿಪ್ಪಯುತ್ತೋ? ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ವಿಪ್ಪಯುತ್ತೋ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತೋ.

೨೩೦. ವಿಞ್ಞಾಣಕ್ಖನ್ಧೋ ತೀಹಿ ಖನ್ಧೇಹಿ ಸಮ್ಪಯುತ್ತೋ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ಸಮ್ಪಯುತ್ತೋ. ಕತಿಹಿ ವಿಪ್ಪಯುತ್ತೋ? ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ವಿಪ್ಪಯುತ್ತೋ; ಏಕೇನಾಯತನೇನ ಏಕಾಯ ಧಾತುಯಾ ಕೇಹಿಚಿ ವಿಪ್ಪಯುತ್ತೋ.