೨. ದುತಿಯನಯೋ

೨. ಸಙ್ಗಹಿತೇನಅಸಙ್ಗಹಿತಪದನಿದ್ದೇಸೋ

೧೭೧. ಚಕ್ಖಾಯತನೇನ ಯೇ ಧಮ್ಮಾ… ಫೋಟ್ಠಬ್ಬಾಯತನೇನ ಯೇ ಧಮ್ಮಾ… ಚಕ್ಖುಧಾತುಯಾ ಯೇ ಧಮ್ಮಾ… ಫೋಟ್ಠಬ್ಬಧಾತುಯಾ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಅಸಙ್ಗಹಿತಾ? ತೇ ಧಮ್ಮಾ ಚತೂಹಿ ಖನ್ಧೇಹಿ ದ್ವೀಹಾಯತನೇಹಿ ಅಟ್ಠಹಿ ಧಾತೂಹಿ ಅಸಙ್ಗಹಿತಾ.

೧೭೨. ಚಕ್ಖುವಿಞ್ಞಾಣಧಾತುಯಾ ಯೇ ಧಮ್ಮಾ… ಸೋತವಿಞ್ಞಾಣಧಾತುಯಾ ಯೇ ಧಮ್ಮಾ… ಘಾನವಿಞ್ಞಾಣಧಾತುಯಾ ಯೇ ಧಮ್ಮಾ… ಜಿವ್ಹಾವಿಞ್ಞಾಣಧಾತುಯಾ ಯೇ ಧಮ್ಮಾ… ಕಾಯವಿಞ್ಞಾಣಧಾತುಯಾ ಯೇ ಧಮ್ಮಾ… ಮನೋಧಾತುಯಾ ಯೇ ಧಮ್ಮಾ… ಮನೋವಿಞ್ಞಾಣಧಾತುಯಾ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ…ಪೇ… ತೇ ಧಮ್ಮಾ ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ದ್ವಾದಸಹಿ ಧಾತೂಹಿ ಅಸಙ್ಗಹಿತಾ.

೧೭೩. ಚಕ್ಖುನ್ದ್ರಿಯೇನ ಯೇ ಧಮ್ಮಾ… ಸೋತಿನ್ದ್ರಿಯೇನ ಯೇ ಧಮ್ಮಾ… ಘಾನಿನ್ದ್ರಿಯೇನ ಯೇ ಧಮ್ಮಾ… ಜಿವ್ಹಿನ್ದ್ರಿಯೇನ ಯೇ ಧಮ್ಮಾ… ಕಾಯಿನ್ದ್ರಿಯೇನ ಯೇ ಧಮ್ಮಾ… ಇತ್ಥಿನ್ದ್ರಿಯೇನ ಯೇ ಧಮ್ಮಾ… ಪುರಿಸಿನ್ದ್ರಿಯೇನ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ…ಪೇ… ತೇ ಧಮ್ಮಾ ಚತೂಹಿ ಖನ್ಧೇಹಿ ದ್ವೀಹಾಯತನೇಹಿ ಅಟ್ಠಹಿ ಧಾತೂಹಿ ಅಸಙ್ಗಹಿತಾ.

೧೭೪. ಅಸಞ್ಞಾಭವೇನ ಯೇ ಧಮ್ಮಾ… ಏಕವೋಕಾರಭವೇನ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ…ಪೇ… ತೇ ಧಮ್ಮಾ ಚತೂಹಿ ಖನ್ಧೇಹಿ ತೀಹಾಯತನೇಹಿ ನವಹಿ ಧಾತೂಹಿ ಅಸಙ್ಗಹಿತಾ.

೧೭೫. ಪರಿದೇವೇನ ಯೇ ಧಮ್ಮಾ… ಸನಿದಸ್ಸನಸಪ್ಪಟಿಘೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ…ಪೇ… ತೇ ಧಮ್ಮಾ ಚತೂಹಿ ಖನ್ಧೇಹಿ ದ್ವೀಹಾಯತನೇಹಿ ಅಟ್ಠಹಿ ಧಾತೂಹಿ ಅಸಙ್ಗಹಿತಾ.

೧೭೬. ಅನಿದಸ್ಸನಸಪ್ಪಟಿಘೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ…ಪೇ… ತೇ ಧಮ್ಮಾ ಚತೂಹಿ ಖನ್ಧೇಹಿ ದಸಹಾಯತನೇಹಿ ಸೋಳಸಹಿ ಧಾತೂಹಿ ಅಸಙ್ಗಹಿತಾ.

೧೭೭. ಸನಿದಸ್ಸನೇಹಿ ಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ…ಪೇ… ತೇ ಧಮ್ಮಾ ಚತೂಹಿ ಖನ್ಧೇಹಿ ದ್ವೀಹಾಯತನೇಹಿ ಅಟ್ಠಹಿ ಧಾತೂಹಿ ಅಸಙ್ಗಹಿತಾ.

೧೭೮. ಸಪ್ಪಟಿಘೇಹಿ ಧಮ್ಮೇಹಿ ಯೇ ಧಮ್ಮಾ… ಉಪಾದಾಧಮ್ಮೇಹಿ ಯೇ ಧಮ್ಮಾ ಖನ್ಧಸಙ್ಗಹೇನ ಸಙ್ಗಹಿತಾ ಆಯತನಸಙ್ಗಹೇನ ಅಸಙ್ಗಹಿತಾ ಧಾತುಸಙ್ಗಹೇನ ಅಸಙ್ಗಹಿತಾ, ತೇ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಅಸಙ್ಗಹಿತಾ? ತೇ ಧಮ್ಮಾ ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ.

ದಸಾಯತನಾ ಸತ್ತರಸ ಧಾತುಯೋ,

ಸತ್ತಿನ್ದ್ರಿಯಾ ಅಸಞ್ಞಾಭವೋ ಏಕವೋಕಾರಭವೋ;

ಪರಿದೇವೋ ಸನಿದಸ್ಸನಸಪ್ಪಟಿಘಂ,

ಅನಿದಸ್ಸನಂ ಪುನದೇವ [ಪುನರೇವ (ಪೀ.)] ಸಪ್ಪಟಿಘಂ ಉಪಾದಾತಿ.

ಸಙ್ಗಹಿತೇನಅಸಙ್ಗಹಿತಪದನಿದ್ದೇಸೋ ದುತಿಯೋ.