೧. ಖನ್ಧಾದಿ

೪೫೬. ರೂಪಕ್ಖನ್ಧೇನ ಯೇ ಧಮ್ಮಾ ವಿಪ್ಪಯುತ್ತಾ, ತೇ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತಾ? ತೇ ಧಮ್ಮಾ ಚತೂಹಿ ಖನ್ಧೇಹಿ ದ್ವೀಹಾಯತನೇಹಿ ಅಟ್ಠಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ಅಸಙ್ಗಹಿತಾ.

೪೫೭. ವೇದನಾಕ್ಖನ್ಧೇನ ಯೇ ಧಮ್ಮಾ… ಸಞ್ಞಾಕ್ಖನ್ಧೇನ ಯೇ ಧಮ್ಮಾ… ಸಙ್ಖಾರಕ್ಖನ್ಧೇನ ಯೇ ಧಮ್ಮಾ… ವಿಞ್ಞಾಣಕ್ಖನ್ಧೇನ ಯೇ ಧಮ್ಮಾ… ಮನಾಯತನೇನ ಯೇ ಧಮ್ಮಾ… ಮನಿನ್ದ್ರಿಯೇನ ಯೇ ಧಮ್ಮಾ ವಿಪ್ಪಯುತ್ತಾ, ತೇ ಧಮ್ಮಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತಾ? ತೇ ಧಮ್ಮಾ ಅಸಙ್ಖತಂ ಖನ್ಧತೋ ಠಪೇತ್ವಾ ಏಕೇನ ಖನ್ಧೇನ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ಚತೂಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ.

೪೫೮. ಚಕ್ಖಾಯತನೇನ ಯೇ ಧಮ್ಮಾ…ಪೇ… ಫೋಟ್ಠಬ್ಬಾಯತನೇನ ಯೇ ಧಮ್ಮಾ… ಚಕ್ಖುಧಾತುಯಾ ಯೇ ಧಮ್ಮಾ…ಪೇ… ಫೋಟ್ಠಬ್ಬಧಾತುಯಾ ಯೇ ಧಮ್ಮಾ ವಿಪ್ಪಯುತ್ತಾ…ಪೇ… ತೇ ಧಮ್ಮಾ ಚತೂಹಿ ಖನ್ಧೇಹಿ ದ್ವೀಹಾಯತನೇಹಿ ಅಟ್ಠಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ಏಕೇನ ಖನ್ಧೇನ ದಸಹಾಯತನೇಹಿ ದಸಹಿ ಧಾತೂಹಿ ಅಸಙ್ಗಹಿತಾ.

೪೫೯. ಚಕ್ಖುವಿಞ್ಞಾಣಧಾತುಯಾ ಯೇ ಧಮ್ಮಾ… ಸೋತವಿಞ್ಞಾಣಧಾತುಯಾ ಯೇ ಧಮ್ಮಾ… ಘಾನವಿಞ್ಞಾಣಧಾತುಯಾ ಯೇ ಧಮ್ಮಾ… ಜಿವ್ಹಾವಿಞ್ಞಾಣಧಾತುಯಾ ಯೇ ಧಮ್ಮಾ… ಕಾಯವಿಞ್ಞಾಣಧಾತುಯಾ ಯೇ ಧಮ್ಮಾ… ಮನೋಧಾತುಯಾ ಯೇ ಧಮ್ಮಾ… ಮನೋವಿಞ್ಞಾಣಧಾತುಯಾ ಯೇ ಧಮ್ಮಾ ವಿಪ್ಪಯುತ್ತಾ… ತೇ ಧಮ್ಮಾ ಅಸಙ್ಖತಂ ಖನ್ಧತೋ ಠಪೇತ್ವಾ ಪಞ್ಚಹಿ ಖನ್ಧೇಹಿ ದ್ವಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ನ ಕೇಹಿಚಿ ಖನ್ಧೇಹಿ ನ ಕೇಹಿಚಿ ಆಯತನೇಹಿ, ಏಕಾಯ ಧಾತುಯಾ ಅಸಙ್ಗಹಿತಾ.