೩. ಧಾತು

೩೧. ಚಕ್ಖುಧಾತು ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತಾ? ಚಕ್ಖುಧಾತು ಏಕೇನ ಖನ್ಧೇನ ಏಕೇನಾಯತನೇನ ಏಕಾಯ ಧಾತುಯಾ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ.

೩೨. ಸೋತಧಾತು… ಘಾನಧಾತು… ಜಿವ್ಹಾಧಾತು… ಕಾಯಧಾತು… ರೂಪಧಾತು… ಸದ್ದಧಾತು… ಗನ್ಧಧಾತು… ರಸಧಾತು… ಫೋಟ್ಠಬ್ಬಧಾತು… ಚಕ್ಖುವಿಞ್ಞಾಣಧಾತು… ಸೋತವಿಞ್ಞಾಣಧಾತು… ಘಾನವಿಞ್ಞಾಣಧಾತು… ಜಿವ್ಹಾವಿಞ್ಞಾಣಧಾತು… ಕಾಯವಿಞ್ಞಾಣಧಾತು… ಮನೋಧಾತು… ಮನೋವಿಞ್ಞಾಣಧಾತು ಏಕೇನ ಖನ್ಧೇನ ಏಕೇನಾಯತನೇನ ಏಕಾಯ ಧಾತುಯಾ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ.

೩೩. ಧಮ್ಮಧಾತು ಅಸಙ್ಖತಂ ಖನ್ಧತೋ ಠಪೇತ್ವಾ ಚತೂಹಿ ಖನ್ಧೇಹಿ ಏಕೇನಾಯತನೇನ ಏಕಾಯ ಧಾತುಯಾ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ಏಕೇನ ಖನ್ಧೇನ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತಾ.

(ಏಕಮೂಲಕಂ.)

೩೪. ಚಕ್ಖುಧಾತು ಚ ಸೋತಧಾತು ಚ ಏಕೇನ ಖನ್ಧೇನ ದ್ವೀಹಾಯತನೇಹಿ ದ್ವೀಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ಚತೂಹಿ ಖನ್ಧೇಹಿ ದಸಹಾಯತನೇಹಿ ಸೋಳಸಹಿ ಧಾತೂಹಿ ಅಸಙ್ಗಹಿತಾ.

೩೫. ಚಕ್ಖುಧಾತು ಚ ಘಾನಧಾತು ಚ… ಚಕ್ಖುಧಾತು ಚ ಜಿವ್ಹಾಧಾತು ಚ… ಚಕ್ಖುಧಾತು ಚ ಕಾಯಧಾತು ಚ… ಚಕ್ಖುಧಾತು ಚ ರೂಪಧಾತು ಚ… ಚಕ್ಖುಧಾತು ಚ ಸದ್ದಧಾತು ಚ… ಚಕ್ಖುಧಾತು ಚ ಗನ್ಧಧಾತು ಚ… ಚಕ್ಖುಧಾತು ಚ ರಸಧಾತು ಚ… ಚಕ್ಖುಧಾತು ಚ ಫೋಟ್ಠಬ್ಬಧಾತು ಚ ಏಕೇನ ಖನ್ಧೇನ ದ್ವೀಹಾಯತನೇಹಿ ದ್ವೀಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ಚತೂಹಿ ಖನ್ಧೇಹಿ ದಸಹಾಯತನೇಹಿ ಸೋಳಸಹಿ ಧಾತೂಹಿ ಅಸಙ್ಗಹಿತಾ.

೩೬. ಚಕ್ಖುಧಾತು ಚ ಚಕ್ಖುವಿಞ್ಞಾಣಧಾತು ಚ ದ್ವೀಹಿ ಖನ್ಧೇಹಿ ದ್ವೀಹಾಯತನೇಹಿ ದ್ವೀಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ತೀಹಿ ಖನ್ಧೇಹಿ ದಸಹಾಯತನೇಹಿ ಸೋಳಸಹಿ ಧಾತೂಹಿ ಅಸಙ್ಗಹಿತಾ.

೩೭. ಚಕ್ಖುಧಾತು ಚ ಸೋತವಿಞ್ಞಾಣಧಾತು ಚ… ಚಕ್ಖುಧಾತು ಚ ಘಾನವಿಞ್ಞಾಣಧಾತು ಚ… ಚಕ್ಖುಧಾತು ಚ ಜಿವ್ಹಾವಿಞ್ಞಾಣಧಾತು ಚ… ಚಕ್ಖುಧಾತು ಚ ಕಾಯವಿಞ್ಞಾಣಧಾತು ಚ… ಚಕ್ಖುಧಾತು ಚ ಮನೋಧಾತು ಚ… ಚಕ್ಖುಧಾತು ಚ ಮನೋವಿಞ್ಞಾಣಧಾತು ಚ ದ್ವೀಹಿ ಖನ್ಧೇಹಿ ದ್ವೀಹಾಯತನೇಹಿ ದ್ವೀಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ತೀಹಿ ಖನ್ಧೇಹಿ ದಸಹಾಯತನೇಹಿ ಸೋಳಸಹಿ ಧಾತೂಹಿ ಅಸಙ್ಗಹಿತಾ.

೩೮. ಚಕ್ಖುಧಾತು ಚ ಧಮ್ಮಧಾತು ಚ ಅಸಙ್ಖತಂ ಖನ್ಧತೋ ಠಪೇತ್ವಾ ಚತೂಹಿ ಖನ್ಧೇಹಿ ದ್ವೀಹಾಯತನೇಹಿ ದ್ವೀಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ಏಕೇನ ಖನ್ಧೇನ ದಸಹಾಯತನೇಹಿ ಸೋಳಸಹಿ ಧಾತೂಹಿ ಅಸಙ್ಗಹಿತಾ.

(ದುಕಮೂಲಕಂ.)

೩೯. ಅಟ್ಠಾರಸ ಧಾತುಯೋ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತಾ? ಅಟ್ಠಾರಸ ಧಾತುಯೋ ಅಸಙ್ಖತಂ ಖನ್ಧತೋ ಠಪೇತ್ವಾ ಪಞ್ಚಹಿ ಖನ್ಧೇಹಿ ದ್ವಾದಸಹಾಯತನೇಹಿ ಅಟ್ಠಾರಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ನ ಕೇಹಿಚಿ ಖನ್ಧೇಹಿ ನ ಕೇಹಿಚಿ ಆಯತನೇಹಿ ನ ಕಾಹಿಚಿ ಧಾತೂಹಿ ಅಸಙ್ಗಹಿತಾ.

(ಅಟ್ಠಾರಸಕಂ.)