೧. ಖನ್ಧೋ

೬. ರೂಪಕ್ಖನ್ಧೋ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತೋ? ರೂಪಕ್ಖನ್ಧೋ ಏಕೇನ ಖನ್ಧೇನ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಸಙ್ಗಹಿತೋ. ಕತಿಹಿ ಅಸಙ್ಗಹಿತೋ? ಚತೂಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತೋ.

೭. ವೇದನಾಕ್ಖನ್ಧೋ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತೋ? ವೇದನಾಕ್ಖನ್ಧೋ ಏಕೇನ ಖನ್ಧೇನ ಏಕೇನಾಯತನೇನ ಏಕಾಯ ಧಾತುಯಾ ಸಙ್ಗಹಿತೋ. ಕತಿಹಿ ಅಸಙ್ಗಹಿತೋ? ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತೋ.

೮. ಸಞ್ಞಾಕ್ಖನ್ಧೋ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತೋ? ಸಞ್ಞಾಕ್ಖನ್ಧೋ ಏಕೇನ ಖನ್ಧೇನ ಏಕೇನಾಯತನೇನ ಏಕಾಯ ಧಾತುಯಾ ಸಙ್ಗಹಿತೋ. ಕತಿಹಿ ಅಸಙ್ಗಹಿತೋ? ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತೋ.

೯. ಸಙ್ಖಾರಕ್ಖನ್ಧೋ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತೋ? ಸಙ್ಖಾರಕ್ಖನ್ಧೋ ಏಕೇನ ಖನ್ಧೇನ ಏಕೇನಾಯತನೇನ ಏಕಾಯ ಧಾತುಯಾ ಸಙ್ಗಹಿತೋ. ಕತಿಹಿ ಅಸಙ್ಗಹಿತೋ? ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ಸತ್ತರಸಹಿ ಧಾತೂಹಿ ಅಸಙ್ಗಹಿತೋ.

೧೦. ವಿಞ್ಞಾಣಕ್ಖನ್ಧೋ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತೋ? ವಿಞ್ಞಾಣಕ್ಖನ್ಧೋ ಏಕೇನ ಖನ್ಧೇನ ಏಕೇನಾಯತನೇನ ಸತ್ತಹಿ ಧಾತೂಹಿ ಸಙ್ಗಹಿತೋ. ಕತಿಹಿ ಅಸಙ್ಗಹಿತೋ? ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಅಸಙ್ಗಹಿತೋ.

(ಏಕಮೂಲಕಂ.)

೧೧. ರೂಪಕ್ಖನ್ಧೋ ಚ ವೇದನಾಕ್ಖನ್ಧೋ ಚ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತಾ? ರೂಪಕ್ಖನ್ಧೋ ಚ ವೇದನಾಕ್ಖನ್ಧೋ ಚ ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ತೀಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ.

೧೨. ರೂಪಕ್ಖನ್ಧೋ ಚ ಸಞ್ಞಾಕ್ಖನ್ಧೋ ಚ…ಪೇ… ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ತೀಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ.

೧೩. ರೂಪಕ್ಖನ್ಧೋ ಚ ಸಙ್ಖಾರಕ್ಖನ್ಧೋ ಚ…ಪೇ… ದ್ವೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ತೀಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ.

೧೪. ರೂಪಕ್ಖನ್ಧೋ ಚ ವಿಞ್ಞಾಣಕ್ಖನ್ಧೋ ಚ…ಪೇ… ದ್ವೀಹಿ ಖನ್ಧೇಹಿ ದ್ವಾದಸಹಾಯತನೇಹಿ ಅಟ್ಠಾರಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ತೀಹಿ ಖನ್ಧೇಹಿ, ನ ಕೇಹಿಚಿ ಆಯತನೇಹಿ ನ ಕಾಹಿಚಿ ಧಾತೂಹಿ ಅಸಙ್ಗಹಿತಾ.

(ದುಕಮೂಲಕಂ.)

೧೫. ರೂಪಕ್ಖನ್ಧೋ ಚ ವೇದನಾಕ್ಖನ್ಧೋ ಚ ಸಞ್ಞಾಕ್ಖನ್ಧೋ ಚ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತಾ? ರೂಪಕ್ಖನ್ಧೋ ಚ ವೇದನಾಕ್ಖನ್ಧೋ ಚ ಸಞ್ಞಾಕ್ಖನ್ಧೋ ಚ ತೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ದ್ವೀಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ.

೧೬. ರೂಪಕ್ಖನ್ಧೋ ಚ ವೇದನಾಕ್ಖನ್ಧೋ ಚ ಸಙ್ಖಾರಕ್ಖನ್ಧೋ ಚ…ಪೇ… ತೀಹಿ ಖನ್ಧೇಹಿ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ದ್ವೀಹಿ ಖನ್ಧೇಹಿ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ.

೧೭. ರೂಪಕ್ಖನ್ಧೋ ಚ ವೇದನಾಕ್ಖನ್ಧೋ ಚ ವಿಞ್ಞಾಣಕ್ಖನ್ಧೋ ಚ…ಪೇ… ತೀಹಿ ಖನ್ಧೇಹಿ ದ್ವಾದಸಹಾಯತನೇಹಿ ಅಟ್ಠಾರಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ದ್ವೀಹಿ ಖನ್ಧೇಹಿ, ನ ಕೇಹಿಚಿ ಆಯತನೇಹಿ ನ ಕಾಹಿಚಿ ಧಾತೂಹಿ ಅಸಙ್ಗಹಿತಾ.

(ತಿಕಮೂಲಕಂ.)

೧೮. ರೂಪಕ್ಖನ್ಧೋ ಚ ವೇದನಾಕ್ಖನ್ಧೋ ಚ ಸಞ್ಞಾಕ್ಖನ್ಧೋ ಚ ಸಙ್ಖಾರಕ್ಖನ್ಧೋ ಚ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತಾ? ರೂಪಕ್ಖನ್ಧೋ ಚ ವೇದನಾಕ್ಖನ್ಧೋ ಚ ಸಞ್ಞಾಕ್ಖನ್ಧೋ ಚ ಸಙ್ಖಾರಕ್ಖನ್ಧೋ ಚ ಚತೂಹಿ ಖನ್ಧೇಹಿ ಏಕಾದಸಹಾಯತನೇಹಿ ಏಕಾದಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ಏಕೇನ ಖನ್ಧೇನ ಏಕೇನಾಯತನೇನ ಸತ್ತಹಿ ಧಾತೂಹಿ ಅಸಙ್ಗಹಿತಾ.

೧೯. ರೂಪಕ್ಖನ್ಧೋ ಚ ವೇದನಾಕ್ಖನ್ಧೋ ಚ ಸಞ್ಞಾಕ್ಖನ್ಧೋ ಚ ವಿಞ್ಞಾಣಕ್ಖನ್ಧೋ ಚ…ಪೇ… ಚತೂಹಿ ಖನ್ಧೇಹಿ ದ್ವಾದಸಹಾಯತನೇಹಿ ಅಟ್ಠಾರಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ಏಕೇನ ಖನ್ಧೇನ, ನ ಕೇಹಿಚಿ ಆಯತನೇಹಿ ನ ಕಾಹಿಚಿ ಧಾತೂಹಿ ಅಸಙ್ಗಹಿತಾ.

(ಚತುಕ್ಕಮೂಲಕಂ.)

೨೦. ರೂಪಕ್ಖನ್ಧೋ ಚ ವೇದನಾಕ್ಖನ್ಧೋ ಚ ಸಞ್ಞಾಕ್ಖನ್ಧೋ ಚ ಸಙ್ಖಾರಕ್ಖನ್ಧೋ ಚ ವಿಞ್ಞಾಣಕ್ಖನ್ಧೋ ಚ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತಾ? ರೂಪಕ್ಖನ್ಧೋ ಚ ವೇದನಾಕ್ಖನ್ಧೋ ಚ ಸಞ್ಞಾಕ್ಖನ್ಧೋ ಚ ಸಙ್ಖಾರಕ್ಖನ್ಧೋ ಚ ವಿಞ್ಞಾಣಕ್ಖನ್ಧೋ ಚ ಪಞ್ಚಹಿ ಖನ್ಧೇಹಿ ದ್ವಾದಸಾಯತನೇಹಿ ಅಟ್ಠಾರಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ನ ಕೇಹಿಚಿ ಖನ್ಧೇಹಿ ನ ಕೇಹಿಚಿ ಆಯತನೇಹಿ ನ ಕಾಹಿಚಿ ಧಾತೂಹಿ ಅಸಙ್ಗಹಿತಾ.

೨೧. ಪಞ್ಚಕ್ಖನ್ಧಾ ಕತಿಹಿ ಖನ್ಧೇಹಿ ಕತಿಹಾಯತನೇಹಿ ಕತಿಹಿ ಧಾತೂಹಿ ಸಙ್ಗಹಿತಾ? ಪಞ್ಚಕ್ಖನ್ಧಾ ಪಞ್ಚಹಿ ಖನ್ಧೇಹಿ ದ್ವಾದಸಹಾಯತನೇಹಿ ಅಟ್ಠಾರಸಹಿ ಧಾತೂಹಿ ಸಙ್ಗಹಿತಾ. ಕತಿಹಿ ಅಸಙ್ಗಹಿತಾ? ನ ಕೇಹಿಚಿ ಖನ್ಧೇಹಿ ನ ಕೇಹಿಚಿ ಆಯತನೇಹಿ ನ ಕಾಹಿಚಿ ಧಾತೂಹಿ ಅಸಙ್ಗಹಿತಾ.

(ಪಞ್ಚಕಂ.)