ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ

ಸೂರಸ್ಸತೀನೀತಿ

ಪಠಮೋ ಭಾಗೋ

ಪಣಾಮಗಾಥಾ

೧. ಮುಖಮ್ಹಾ ಭಗವನ್ತಸ್ಸ,

ಸುಗನ್ಧಕಮಲಾ ಸುಭಾ;

ಸಞ್ಜಾತಂ ಉತ್ತಮಂ ವಾಣಿಂ,

ವನ್ದಾಮಿ ವಿತ್ತಮಾನಸಾ.

೨. ಸಮಜ್ಝಿಟ್ಠೋ ರಚಿಸ್ಸಾಮಿ,

ದಕ್ಖೇನ ರಾಜಮನ್ತಿನಾ;

ನಾಮೇನ ಸನ್ತೇನ,

ನೀತಿಂ ಲೋಕಹಿತಾವಹಂ;

ಸಾಲಙ್ಕಾರಂ ಸೋಪದೇಸಂ,

ನಾಮೇನಾಹಂ ಸ್ವರಸ್ಸತಿಂ.

೩. ಪೇಕ್ಖನ್ತ್ವಿಮಂ ನೀತಿಂ ಸನ್ತಾ,

ಮಞ್ಜೂಸರುಕ್ಖಸನ್ನಿಭಂ;

ನಾನೋಪದೇಸಸಂಪುಣ್ಣಂ,

ಸದತ್ಥಕುಸಲಾ ಸದಾ.

ಸೂರಸ್ಸತೀನೀತಿ

೧. ಕತಞ್ಞುತಾ ಚ ಸಚ್ಚಞ್ಚ,

ಲೋಕಸಾರಾ ಹಿ ತೇ ದುವೇ;

ಲೋಕಾಪಿ ತೇಹಿ ತಿಟ್ಠನ್ತಿ,

ರಟ್ಠಂ ಅಕಂಸು ಇಸ್ಸರಂ.

೨. ಕಾಕಾಚ ದುಜ್ಜನಾ ಲೋಕೇ,

ಮಲೀಭೂತಾವ ಸಬ್ಬದಾ;

ಇಟ್ಠಂ ಗುಣಂ ನಾಸಯನ್ತಿ,

ತೇ ವೇ ಲೋಕಸ್ಸ ವೇರಿನೋ.

ಮಿಗಾನಂ ಸಿಙ್ಗಾಲೋ ಅನ್ತೋ,

ಪಕ್ಖೀನಂ ಪನ ವಾಯಸೋ.

ಅಕಾರಣವೇರೀ ಹೋನ್ತಿ,

ಮಚ್ಛಾನಂ ಧೀವರಾ ಯಥಾ;

ಗುಣೀನಂ ಸಜ್ಜನಾನಞ್ಚ,

ದುಜ್ಜನಾ ನಿಚ್ಚವೇರಿನೋ.

೩. ಸಿರಿಂ ಭೋನ್ತೋ ಸುಪೋಸೇಥ,

ಸಿರಿ ಮೂಲಾ ಹಿ ಸಮ್ಪದಾ;

ಸಿರಿಯ ಇಧ ಜೋತನ್ತಿ,

ಸಿರೀ ಸಾ ಸಬ್ಬಸಿದ್ಧಿಕಾ.

೪. ಮುಸಾ ತಮೋಕರಾ ಲೋಕೇ,

ಸಚ್ಚಂ ಮೀದಿತಿಕಾರಕಂ;

ಮುಸಾತಮೇನ ದುಕ್ಖನ್ತಿ,

ಸಚ್ಚಾಭಾಯ ಸುಖನ್ತಿವೇ.

ಸುವಿಜಾನಂ ಸಿಙ್ಗಾಲಾನಂ,

ಸಕುಣಾನಞ್ಚ ವಸ್ಸಿತಂ;

ಮನುಸ್ಸವಸ್ಸಿತಂ ರಾಜ,

ದುಬ್ಬಿಜಾನತರಂ ತತೋ.

೫. ಕಪ್ಪಗ್ಗಿಸದಿಸಾ ಇಸ್ಸಾ,

ಝಾಪೇತಿ ಸಬ್ಬಸಮ್ಪದಂ;

ಮುದಿತಾ ಕಪ್ಪಮೇಘೋವ,

ರೋಪೇತಿ ಸಬ್ಬಸಮ್ಪದಂ.

೬. ಯಥಾ ಅಸನ್ಥಿರಾ ಥಮ್ಭಾ,

ಥುಸರಾಸಿಮ್ಹಿ ಉಸ್ಸಿತಾ;

ತಥೇವ ಕಪಿಚಿತ್ತಾನಂ,

ಕಮ್ಮನ್ತಾ ಚಞ್ಚಲಙ್ಗತಾ.

ಹಲಿದ್ದಿರಾಗಂ ಕಪಿಚಿತ್ತಂ;

ಪುರಿಸಂ ರಾಗವಿರಾಗಿನಂ,

ಏದಿಸಂ ತಾತ ಮಾಸೇವಿ;

ನಿಮ್ಮನುಸ್ಸಮ್ಪಿ ಚೇ ಸಿಯಾ.

೭. [ಕ]

ಪುಪ್ಫಚುಮ್ಬಿ ಚಿತ್ತಪತ್ತೀ,

ಸಕವಣ್ಣೇನ ಮಜ್ಜಿತೋ;

ವಿಕ್ಕಮೀ ಪುಪ್ಫತೋ ಪುಪ್ಫಂ,

ನಸ್ಸಾಗಾರಂ ನ ಸಙ್ಗಮೋ.

[ಖ]

ಕಿಪ್ಪಿಲಿಕಾ ದುಬ್ಬಣ್ಣಾಪಿ,

ಸಮಗ್ಗಾಚ ಪರಕ್ಕಮಾ;

ಮಾ ಹೋಥ ಪುಪ್ಫಚುಮ್ಬೀವ,

ಹೋಥ ವೋ ಪಚಿಕಾ ಯಥಾ.

೧. ಯೇ ಮರನ್ತಿ ಕೀಳನ್ತಾ ತೇ,

ಸ್ವಾನಾ ಅಞ್ಞೋಞ್ಞಮೋದಿತಾ;

ದಿಸ್ವಾನ ಛಟ್ಟಿತಂ ಭತ್ತಂ,

ಸೀಘವೇರೀ ವಿಹಿಂಸರೇ.

೨. ತಥೇಕೇಪಿ ಜನಾ ದಾನಿ,

ಸಮಗ್ಗಾ ಞ್ಞೋಞ್ಞಮೋದಿತಾ;

ಧನಹೇತು ವಿಹಿಂಸನ್ತಿ,

ಧೀರತ್ಥು ಸೀಘವೇರಿಕಾ.

೯. ವಸನ್ತೇ ಹೇಮನ್ತೇ ಗಿಮ್ಹೇ;

ನೇವ ತಾಲಾ ವಿಸೇಸಿನೋ;

ಥಿರಚಿತ್ತಾ ಜನಾ ಸನ್ತಾ;

ಸುಖದುಕ್ಖೇಸು ನಿಚ್ಚಲಾ.

೧೦. ಯಥಾ ಪವಟ್ಟಮಾನಮ್ಹಿ,

ಸುಟ್ಠು ತಿಟ್ಠತಿ ಗೇಣ್ಠುಕೇ;

ಅಪ್ಪವಟ್ಟೇ ಭೂಮ್ಯಂ ಸೇತಿ,

ತಥೇವ ಗೇಣ್ಠುಕೋ ಜನೋ.

೧೧. ಅಗ್ಘಾಪೇತುಂ ನಸಕ್ಕೋನ್ತಿ,

ಕಾಲಞ್ಹಿ ಕಾಲಿಕಾ ಜನಾ;

ವಜಿರಾದಿಞ್ಚ ಸಕ್ಕೋನ್ತಿ,

ತೇನ ಕಾಲೋ ಅನಗ್ಘಿಕೋ.

೧೨. [ಕ]

ಅಸನೋ ಹಿ ದೀಘದ್ಧಾನೋ,

ಸಾರಸಾರೋ ಸುಗನ್ಧಿಕೋ;

ನಿಗ್ಗನ್ಧೋ ತ್ವೇವ ನಿಸ್ಸಾರೋ,

ದೀಘದ್ಧಾನೋಪಿ ಸಿಮ್ಬಲೀ.

[ಖ]

ತಥೇವೇಕೇ ಜನಾ ಲೋಕೇ,

ದೀಘದ್ಧಾನಾ ಸುಸಾರಕಾ;

ನಿಸ್ಸಾರಾ ಕೇಚಿ ಫೇಗ್ಗೂವ,

ದೀಘದ್ಧಾನಾಪಿ ಗೋಯಥಾ.

೧೩. ಉಪಕಾರೋ ಚಾಪಕಾರೋ,

ಯಸ್ಮಿಂ ಗಚ್ಛತಿ ನಟ್ಠತಂ;

ಪಾಸಾಣಹದಯಸ್ಸಸ್ಸ,

ಜೀವತೀತ್ಯಾ ಭಿಧಾಮುಧಾ.

ಪಸಾದೋ ನಿಪ್ಫಲೋ ಯಸ್ಸ,

ಕೋಪೋಚಾಪಿ ನಿರತ್ಥಕೋ;

ನ ತಂ ಸಙ್ಗನ್ತು ಮಿಚ್ಛೇಯ್ಯ,

ಥೀಪುಮಾವ ನಪುಂಸಕಂ.

೧೪. ಉಪಚಾರೋ ಹಿ ಕಾತಬ್ಬೋ,

ನ ಯಾವ ಸೋಹದಂ ಭವೇ;

ಉಪಚಾರೋ ಸುಮಿತ್ತಮ್ಹಿ,

ಮಾಯಾ ಚ ಹೋತಿ ಕೋಟಿಲಂ.

೧೫. ಕಮೇನ ಅಗ್ಗತೋ ಉಚ್ಛು,

ರಸೋ ಸಾದುತರೋ ಯಥಾ;

ತಥೇವ ಸುಮಿತ್ತೋ ಲೋಕೇ,

ದುಮ್ಮಿತ್ತೋ ಪನ ನೇದಿಸೋ.

೧೬. ಸೋಕಾರಾತಿ ಪರಿತ್ತಾಣಂ,

ವಿಸ್ಸಾಸಪೀತಿಭಾಜನಂ;

ರತನಾಭಿರತನಂ ಇಚ್ಛೇ,

ಸುಮಿತ್ತಂ ಅಕ್ಖರತ್ತಯಂ.

೧೭. ದಮ್ಪತೀನಂ ಸುಮಿತ್ತಾನಂ,

ಮುಖಂ ಅಞ್ಞೋಞ್ಞದಪ್ಪಣಂ,

ಸುಖೇ ಸುಖಂ ದುಕ್ಖೇ ದುಕ್ಖಂ,

ಪಟಿಚ್ಛಾಯೇವ ದಪ್ಪಣೇ.

ಕಥಂ ನು ತಾಸಂ ಹದಯಂ,

ಸುಖರಾವತ ಇತ್ಥಿಯೋ;

ಯಾಸಾಮಿಕೇ ದುಕ್ಖಿತಮ್ಹಿ,

ಸುಖಮಿಚ್ಛನ್ತಿ ಅತ್ತನೋ.

೧೮. ನಿವಾತಞ್ಚ ಪುರೇ ಕತ್ವಾ,

ಮಾನಂ ಕತ್ವಾನ ಪಚ್ಛತೋ;

ಸಕತ್ಥಂ ಧಾರಯೇ ಧೀರೋ,

ಅತ್ಥಭಞ್ಜೋ ಹಿ ಮುಳ್ಹತಾ.

೧೯. ಪುರೇಚಾರಂ ಸತಿಂ ಕತ್ವಾ,

ಸದ್ಧಂ ಕರೇಯ್ಯ ಪಚ್ಛತೋ;

ತುರಂ ನ ಸದ್ದಹೇ ಧೀರೋ,

ಸೀಘಸದ್ಧೋ ಹಿ ಮನ್ದಕೋ.

೨೦. ವನೇ ೦.೦೦೯೯ ಬಹೂನಿ ಕಟ್ಠಾನಿ;

ದುಲ್ಲಭಂ ರತ್ತಚನ್ದನಂ;

ತಥಾ ಜನಾ ಬಹೂ ಲೋಕೇ;

ಪುಮಾ ಜಞ್ಞೋ ಸುದುಲ್ಲಭೋ.

೨೧. ತಿಣಕಟ್ಠಪಲಾಸೇಹಿ;

ಸುಕ್ಖೇಹಿ ದಯ್ಹತೇ ವನಂ;

ಏತಾದೀಹಿ ಅಸಾರೇಹಿ;

ಲೋಕೋ ಜನೇಹಿ ದಯ್ಹತೇ.

೨೨. ಅನ್ತೋವಸ್ಸೇ ತಿಮಾಸಮ್ಹಿ,

ಪುಞ್ಞಕಮ್ಮೇನ ಮೋದಿತಾ;

ಸುಖಂ ವಸಿಂಸು ಪೋರಾಣಾ,

ಬುದ್ಧಸಾಸನಮಾಮಕಾ.

೨೩. ಮಿಗಮದೇನ ಏಕೇನ,

ತಂ ವನಂ ಸುರಭಿಗನ್ಧಿಕಂ;

ತಥಾ ಜನೇನ ತಂ ರಟ್ಠಂ,

ಗುಣಿನಾ ಹಿ ಸಿರೀಮತಾ.

ಸರೀರಂ ಖಣವಿದ್ಧಂಸೀ,