೩. ಪತ್ತವಗ್ಗ, ೧. ಪತ್ತ ಸಿಕ್ಖಾಪುಚ್ಛಾ

ಪುಚ್ಛಾ – ಅತಿರೇಕಪತ್ತಂ ಆವುಸೋ ದಸಾಹಂ ಅತಿಕ್ಕಾಮೇನ್ತಸ್ಸ ನಿಸ್ಸಗ್ಗಿಯಂ ಪಾಚಿತ್ತಿಯಂ ಕತ್ಥ ಪಞ್ಞತ್ತಂ.

ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಪಞ್ಞತ್ತಂ.

ಪುಚ್ಛಾ – ಕಂ ಆವುಸೋ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ.

ವಿಸ್ಸಜ್ಜನಾ – ಛಬ್ಬಗ್ಗಿಯೇ ಭನ್ತೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಅತಿರೇಕಪತ್ತಂ ಧಾರೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ.

೫೧೪. ೩. ಪತ್ತವಗ್ಗ, ೨. ಊನಪಞ್ಚಬನ್ಧನ ಸಿಕ್ಖಾಪುಚ್ಛಾ

ಪುಚ್ಛಾ – ಊನಪಞ್ಚಬನ್ಧನೇನ ಪತ್ತೇನ ಅಞ್ಞಂ ನವಂ ಪತ್ತಂ ಚೇತಾಪೇನ್ತಸ್ಸ ನಿಸ್ಸಗ್ಗಿಯಂ ಪಾಚಿತ್ತಿಯಂ ಕತ್ಥ ಪಞ್ಞತ್ತಂ.

ವಿಸ್ಸಜ್ಜನಾ – ಸಕ್ಕೇಸು ಭನ್ತೇ ಪಞ್ಞತ್ತಂ.

ಪುಚ್ಛಾ – ಕಂ ಆವುಸೋ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಪಞ್ಞತ್ತಂ.

ವಿಸ್ಸಜ್ಜನಾ – ಛಬ್ಬಗ್ಗಿಯೇ ಭನ್ತೇ ಭಿಕ್ಖೂ ಆರಬ್ಭ ಪಞ್ಞತ್ತಂ, ಛಬ್ಬಗ್ಗಿಯಾ ಭನ್ತೇ ಭಿಕ್ಖೂ ಅಪ್ಪಮತ್ತಕೇನಪಿ ಭಿನ್ನೇನ ಅಪ್ಪಮತ್ತಕೇನಪಿ ಖಣ್ಡೇನ ವಿಲಿಖಿತಮತ್ತೇನಪಿ ಬಹೂ ಪತ್ತೇ ವಿಯ್ಯಾಪೇಸುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಪಞ್ಞತ್ತಂ.

ನ ಭಿಕ್ಖವೇ ಪತ್ತೋ ವಿಞ್ಞಾಪೇತಬ್ಬೋ, ಯೋ ವಿಞ್ಞಾಪೇಯ್ಯ ಆಪತ್ತಿ ದುಕ್ಕಟಸ್ಸ.