೭. ಕಥಿನಕ್ಖನ್ಧಕ

ಪುಚ್ಛಾ – ವಸ್ಸಂವುಟ್ಠಾನಂ ಆವುಸೋ ಭಿಕ್ಖೂನಂ ಕಥಿನಂ ಅತ್ಥರಿತುಂ ಭಗವತಾ ಕತ್ಥ ಅನುಞ್ಞಾತಂ, ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಅನುಞ್ಞಾತಂ.

ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ತಿಂಸಮತ್ತೇ ಪಾವೇಯ್ಯಕೇ ಭಿಕ್ಖೂ ಆರಬ್ಭ ಅನುಞ್ಞಾತಂ, ತಿಂಸಮತ್ತಾ ಭನ್ತೇ ಪಾವೇಯ್ಯಕಾ ಭಿಕ್ಖೂ ಸಾವತ್ಥಿಂ ಆಗಚ್ಛನ್ತಾ ಭಗವನ್ತಂ ದಸ್ಸನಾಯ ಉಪಕಟ್ಠಾಯ ವಸ್ಸೂಪನಾಯಿಕಾಯ ನಾಸಕ್ಖಿಂಸು ಸಾವತ್ಥಿಯಂ ವಸ್ಸೂಪನಾಯಿಕಂ ಸಮ್ಭಾವೇತುಂ, ತಸ್ಮಿಂ ಭನ್ತೇ ವತ್ಥುಸ್ಮಿಂ ಅನುಞ್ಞಾತಂ.

ಪುಚ್ಛಾ – ಕಥಿನಕಂ ಪುಚ್ಛಿಸ್ಸಂ, ಸನಿದಾನಂ ಸನಿದ್ದೇಸಂ. ಸಮುಕ್ಕಟ್ಠಪದಾನಂ ಆವುಸೋ ಕತಿ ಆಪತ್ತಿಯೋ.

ವಿಸ್ಸಜ್ಜನಾ – ಕಥಿನಕಂ ವಿಸ್ಸಜ್ಜಿಸ್ಸಂ, ಸನಿದಾನಂ ಸನಿದ್ದೇಸಂ. ಸಮುಕ್ಕಟ್ಠಪದಾನಂ ಭನ್ತೇ ನ ಕತಮಾ ಆಪತ್ತಿ.