ಅನುರುದ್ಧಸಂಯುತ್ತ

ಬಾಳ್ಹಗಿಲಾನಸುತ್ತ

ಪುಚ್ಛಾ – ಅನುರುದ್ಧಸಂಯುತ್ತೇ ಆವುಸೋ ಪೋರಾಣಕೇಹಿ ಧಮ್ಮಸಂಗಾಹಕಮಹಾಥೇರೇಹಿ ದಸಮಂ ಸಂಗೀತಂ ಬಾಳ್ಹಗಿನಾನಸುತ್ತಂ ಕತ್ಥ ಕಂ ಆರಬ್ಭ ಕಿಸ್ಮಿಂ ವತ್ಥುಸ್ಮಿಂ ಕೇನ ಕಥಞ್ಚ ಭಾಸಿತಂ.

ವಿಸ್ಸಜ್ಜನಾ – ಸಾವತ್ಥಿಯಂ ಭನ್ತೇ ಸಮ್ಬಹುಲೇ ಭಿಕ್ಖೂ ಆರಬ್ಭ ಆಯಸ್ಮತಾ ಅನುರುದ್ಧತ್ಥೇರೇನ ಭಾಸಿತಂ. ಸಮ್ಬಹುಲಾ ಭನ್ತೇ ಭಿಕ್ಖೂ ಆಯಸ್ಮನ್ತಂ ಅನುರುದ್ಧಂ ಆಬಾಧಿಕಂ ದುಕ್ಖಿತಂ ಬಾಳ್ಹಗಿಲಾನಂ ಏತದವೋಚುಂ ‘‘ಕತಮೇನಾಯಸ್ಮತೋ ಅನುರುದ್ಧಸ್ಸ ವಿಹಾರೇನ ವಿಹರತೋ ಉಪ್ಪನ್ನಾ ಸಾರೀರಿಕಾ ದುಕ್ಖಾ ವೇದನಾ ಚಿತ್ತಂ ನ ಪರಿಯಾದಾಯ ತಿಟ್ಠನ್ತೀ’’ತಿ. ತಸ್ಮಿಂ ಭನ್ತೇ ವತ್ಥುಸ್ಮಿಂ ‘‘ಚತೂಸು ಖೋ ಮೇ ಆವುಸೋ ಸತಿಪಟ್ಠಾನೇಸು ಸುಪ್ಪತಿಟ್ಠಿತಚಿತ್ತಸ್ಸ ವಿಹರತೋ ಉಪ್ಪನ್ನಾ ಸಾರೀರಿಕಾ ದುಕ್ಖಾ ವೇದನಾ ಚಿತ್ತಂ ನ ಪರಿಯಾದಾಯ ತಿಟ್ಠನ್ತೀ’’ತಿ ಏವಮಾದಿನಾ ಆಯಸ್ಮತಾ ಅನುರುದ್ಧತ್ಥೇರೇನ ಭಾಸಿತಂ.