ಪದಮಞ್ಜರೀ |ಓ೦.೦೦೦೧|

ನಮೋ ತಸ್ಸ ಭಗವತೋ ಅರಹತೋ ಸಮ್ಮಾಸಮ್ಬುದ್ಧಸ್ಸ

ನಿರುತ್ತಿಕಾಯೋದಧಿಪಾರಗಂ ಜಿನಂ,

ವಿಸುದ್ಧಧಮ್ಮಞ್ಚ ಗಣಂ ಅನುತ್ತರಂ;

ತಿಧಾ ನಮಿತ್ವಾ ಪದಮಞ್ಜರೀ ಮಯಾ,

ಕರೀಯತೋ ಬಾಲಕಬುದ್ಧಿವುದ್ಧಿಯಾತಿ.

ಅಥ ಅಕಾರನ್ತಪುಲ್ಲಿಙ್ಗೋ ಬುದ್ಧಸದ್ದೋ ವುಚ್ಚತೇ.

ಬುದ್ಧೋ ದೇವಮನುಸ್ಸಾನಂ ಧಮ್ಮಂ ದೇಸೇಸಿ

ಬುದ್ಧಾ ದೇವಮನುಸ್ಸಾನಂ ಧಮ್ಮಂ ಅದೇಸಿಂಸು

ಭೋ ಬುದ್ಧ ತ್ವಮ್ಪಿಖೋ ಮಂ ಪಾಲಯ

ಭೋ ಬುದ್ಧಾ ತುಮ್ಹೇಪಿ ಖೋ ಮಂ ಪಾಲೇಥ.

ಬುದ್ಧಂ ಭಗವನ್ತಂ ಸಕ್ಕಚ್ಚಂ ವನ್ದಾಮಹಂ

ಬುದ್ಧೇ ಭಗವನ್ತೇ ಸಕ್ಕಚ್ಚಂ ವನ್ದಾಮ ಮಯಂ

ಬುದ್ಧೇನ ಭಗವತಾ ಧಮ್ಮೋ ದೇಸೀಯತೇ

ಬುದ್ಧೇಹಿ ಭಗವನ್ತೇಹಿ ಧಮ್ಮೋ ದೇಸಿತೋ

ಬುದ್ಧೇನ ಭಗವತಾ ಮಹಾಜನೋ ಸುಚರತಿ

ಬುದ್ಧೇಹಿ ಭಗವನ್ತೇಹಿ ಸಿವಪದಂ ಯನ್ತಿ

ಬುದ್ಧಸ್ಸ ಭಗವತೋ ಪುಪ್ಫಂ ಯಜತಿ

ಬುದ್ಧಾನಂ ಭಗವತಂ ಪುಪ್ಫಾನಿ ಯಜತಿ

ಬುದ್ಧಾ ಭಗವತಾ ಸಿವಪದಂ ಲಭೇಯ್ಯ

ಬುದ್ಧೇಹಿ ಭಗವನ್ತೇಹಿ ಪಭಾ ನಿಚ್ಛರತಿ

ಬುದ್ಧಸ್ಸ ಭಗವತೋ ಇದ್ಧಿ ಕಿಂ ನ ಕರೇ

ಬುದ್ಧಾನಂ ಭಗವನ್ತಾನಂ ಇದ್ಧಿಪಾಟಿಹಾರಿಯಾನಿ

ಬುದ್ಧೇ ಭಗವನ್ತೇ ಮಹಾಜನೋ ಪಸೀದತಿ.

ಬುದ್ಧೇಸು ಭಗವನ್ತೇಸು ಮನಂ ಪತಿಟ್ಠಿತಂ.

ಇತಿ ಪಠಮೋ ಪಾಠೋ.

ಅಕಾರನ್ತಪುಲ್ಲಿಙ್ಗೋ ಅತ್ತಸದ್ದೋ ವುಚ್ಚತೇ.

ಅತ್ತಾ ಸಂಸಾರದುಕ್ಖಂ ಪಾಪುಣಾತಿ

ಅತ್ತಾನೋ ಸುಖದುಕ್ಖಂ ಪಾಪುಣನ್ತಿ

ಭೋ ಅತ್ತ ಸುಖದುಕ್ಖಂ ಅನುಭೋಸಿ

ಭೋ ಅತ್ತನೋ ಸುಖದುಕ್ಖಂ ಅನುಭೋಥ

ಅತ್ತಾನಂ ಪಸ್ಸತಿ ಬುದ್ಧೋ ಭಗವಾ

ಅತ್ತಾನೋ |ಓ೦.೦೦೦೨| ಪಸ್ಸತಿ ಸಮ್ಮಾ ಸಮ್ಬುದ್ಧೋ

ಅತ್ತನಾ ಸುಖದುಕ್ಖಂ ಅನುಭುತ್ತಂ

ಅತ್ತನೇಹಿ ಕಮ್ಮಫಲಂ ಅನುಭುತ್ತಂ

ಅತ್ತನಾ ಸಂಸಾರಸುಖಂ ನಾಮ ನತ್ಥಿ

ಅತ್ತನೇಹಿ ಭವಸುಖಂ ನಾಮ ನತ್ಥಿ

ಅತ್ತನೋ ಅತ್ತಾವ ಪತಿಟ್ಠಾ ಸಿಯಾ

ಅತ್ತಾನಂ ಕಮ್ಮಮೇವ ಪತಿಟ್ಠಾ ಸಿಯಾ

ಅತ್ತನಾಪಿ ಮಹಬ್ಭಯಂ ಉಪ್ಪಜ್ಜತಿ

ಅತ್ತನೇಹಿ ಮಹಬ್ಭಯಾನಿ ಜಾಯನ್ತಿ

ಅತ್ತನೋ ಮಾತಾಪಿತರೋ ಹೋನ್ತಿ

ಅತ್ತಾನಂ ಪಞ್ಚಗತಿಯೋ ಹೋನ್ತಿ

ಅತ್ತನಿ ಸಬ್ಬಂ ಬಲಂ ಹರತಿ ರೋಗೋ

ಅತ್ತನೇಸು ಸಬ್ಬಂ ಬಲಂ ಹರನ್ತಿ ರೋಗಾ.

ಇತಿ ದುತಿಯೋ ಪಾಠೋ.

ಅಕಾರನ್ತ ಪುಲ್ಲಿಙ್ಗೋ ರಾಜಸದ್ದೋ ವುಚ್ಚತೇ.

ರಾಜಾಪಿ ಮಹಾಜನಂ ತೋಸೇತಿ

ರಾಜಾನೋ ಮಹಾಜನಂ ತೋಸೇನ್ತಿ

ಭೋ ರಾಜಾ ಮಹಾಜನಂ ಪಾಲಯ

ಭೋ ರಾಜಾನೋ ಮಹಾಜನಂ ಪಾಲೇಥ

ರಾಜಾನಂ ಪಸ್ಸತಿ ಮಹಾಜನೋ

ರಾಜಾನೋ ಪಸ್ಸನ್ತಿ ಮಹಾಜನಾ

ರಞ್ಞಾ ಕಾರೀಯತೇ ಮಹಾಪಾಸಾದೋ

ರಾಜೂಹಿ ಕಾರಾಪಿತಾ ಮಹಾವಿಹಾರಾ

ರಞ್ಞಾ ಮಹಾಜನೋ ಸುಖಂ ಚರತಿ

ರಾಜೂಹೀ ಮಹಾಜನಾ ಸುಖಂ ಚರನ್ತಿ

ರಞ್ಞೋ ಪಣ್ಣಾಕಾರಂ ದೇತಿ ಮಹಾಜನೋ

ರಾಜೂನಂ ಪಣ್ಣಾಕಾರಂ ದೇನ್ತಿ ಮಹಾಜನಾ

ರಞ್ಞಾ ಮಹಬ್ಭಯಂ ಉಪ್ಪಜ್ಜತಿ

ರಾಜೂಹಿ ಮಹಬ್ಭಯಾನಿ ಉಪ್ಪಜ್ಜನ್ತಿ

ರಞ್ಞೋ ವಪ್ಪಮಙ್ಗಲಂ ಹೋತಿ

ರಾಜೂನಂ ಸಬ್ಬಾಭರಣಾನಿ ಹೋನ್ತಿ

ರಞ್ಞೇ ಮಹಾಜನೋ ಪನ ಪಸೀದತಿ

ರಾಜುಸು ಮಹಾಜನಾ ಪನ ಪಸೀದನ್ತಿ.

ಇತಿ ತತಿಯೋ ಪಾಠೋ.

ಅಕಾರನ್ತಪುಲ್ಲಿಙ್ಗೋ ಗುಣವತ್ತುಸದ್ದೋ ವುಚ್ಚತೇ.

ಗುಣವಾ ಪುರಿಸೋ ಸುನ್ದರಂ ನಿಬ್ಬಾಣಂ ಗತೋ

ಗುಣವನ್ತೋ |ಓ೦.೦೦೦೩| ಪುರಿಸಾ ಸುನ್ದರಂ ನಿಬ್ಬಾಣಂ ಗತಾ

ಭೋ ಗುಣವಂ ಪುರಿಸ ತ್ವಮ್ಪಿ ದಾನಂ ದೇಹಿ

ಭೋ ಗುಣವನ್ತೋ ಪುರಿಸಾ ತುಮ್ಹೇ ದಾನಂ ದೇಥ

ಗುಣವನ್ತಂ ಪುರಿಸಂ ಧಮ್ಮಂ ಬೋಧೇತಿ ಆಚರಿಯೋ

ಗುಣವನ್ತೇ ಪುರಿಸೇ ಧಮ್ಮಂ ಪಾಠಯತಿ ಆಚರಿಯೋ

ಗುಣವನ್ತೇನ ಪುರಿಸೇನ ಕಾರಿತೋ ವಿಹಾರೋ

ಗುಣವನ್ತೇಹಿ ಪುರಿಸೇಹಿ ಕಾರಿತಾ ವಿಹಾರಾ

ಗುಣವನ್ತೇನ ಪುರಿಸೇನ ಲೋಕೋ ಸುಚರತಿ

ಗುಣವನ್ತೇಹಿ ಪುರಿಸೇಹಿ ಲೋಕಾ ಸುಚರನ್ತಿ

ಗುಣವತೋ ಪುರಿಸಸ್ಸ ಸಕ್ಕಾರಂ ಕರೋತಿ

ಗುಣವತಂ ಪುರಿಸಾನಂ ಸಕ್ಕಾರಂ ಕರೋನ್ತಿ

ಗುಣವತಾ ಪುರಿಸಸ್ಮಾ ಭಯಂ ನೂಪ್ಪಜ್ಜತಿ

ಗುಣವನ್ತೇಹಿ ಪುರಿಸೇಹಿ ಭಯಾನಿ ನೂಪ್ಪಜ್ಜನ್ತಿ

ಗುಣವತೋ ಪುರಿಸಸ್ಸ ಕಿತ್ತಿಸದ್ದೋ ಅಙ್ಗುಗ್ಗಚ್ಛತಿ

ಗುಣವತಂ ಪುರಿಸಾನಂ ಗುಣಘೋಸೋ ಹೋತಿ

ಗುಣವನ್ತೇ ಪುರಿಸೇ ಮೇ ರಮತಿ ಮತೋ

ಗುಣವನ್ತೇಸು ಪುರಿಸೇಸು ಸಪ್ಪುರಿಸೋ ಪಸೀದತಿ.

ಇತಿ ಚತುತ್ಥೋ ಪಾಠೋ.

ಅಕಾರನ್ತಪುಲ್ಲಿಙ್ಗೋ ಗಚ್ಛನ್ತಸದ್ದೋ ವುಚ್ಚತೇ.

ಗಚ್ಛಂ ಯಞ್ಞದತ್ತೋ ಪುರಿಸಂ ಭಾರಂ ಹಾರಯತಿ

ಗಚ್ಛನ್ತಾ ಯಞ್ಞದತ್ತಾ ಪುರಿಸಂ ಕಮ್ಮಂ ಕಾರಯನ್ತಿ

ಭೋ ಗಚ್ಛಂ ಯಞ್ಞದತ್ತ ತ್ವಂ ಮಂ ಪಾಲಯ

ಭೋ ಗಚ್ಛನ್ತಾ ಯಞ್ಞದತ್ತಾ ಮಂ ಪಾಲೇಥ

ಗಚ್ಛನ್ತಂ ಯಞ್ಞದತ್ತಂ ಕಮ್ಬಲಂಯಾಚಯತಿ ದ್ವಿಜೋ

ಗಚ್ಛನ್ತೇ ಯಞ್ಞದತ್ತೇ ಕಮ್ಬಲಂ ಯಾಚಯತಿ ದ್ವಿಜೋ

ಗಚ್ಛತಾ ಯಞ್ಞದತ್ತೇನ ರುಕ್ಖೋ ಪುಪ್ಫಾನಿ ಅವಚೀಯತೇ

ಗಚ್ಛನ್ತೇಹಿ ಯಞ್ಞದತ್ತೇಹಿ ರುಕ್ಖೋ ಪುಪ್ಫಾನಿ ಅವಚಿತೋ

ಗಚ್ಛತಾ ಯಞ್ಞದತ್ತೇನ ಕೋಚಿ ಮಗ್ಗಂ ಜಾನಾತಿ

ಗಚ್ಛನ್ತೇಹಿ ಯಞ್ಞದತ್ತೇಹಿ ಕೇಚಿಮಗ್ಗಂ ಜಾನನ್ತಿ

ಗಚ್ಛತೋ ಯಞ್ಞದತ್ತಸ್ಸ ಛತ್ತಂ ಧಾರಯತೇ

ಗಚ್ಛತಂ ಯಞ್ಞದತ್ತಾನಂ ಛತ್ತಾನಿ ಧಾರಯನ್ತೇ

ಗಚ್ಛತಾ ಯಞ್ಞದತ್ತಸ್ಮಾ ಭಯಂ ನೂಪ್ಪಜ್ಜತಿ

ಗಚ್ಛನ್ತೇಹಿ ಯಞ್ಞದತ್ತೇಹಿ ಭಯಾನಿ ನೂಪ್ಪಜ್ಜನ್ತಿ

ಗಚ್ಛತೋ ಯಞ್ಞದತ್ತಸ್ಸ ಛತ್ತೋ ಹೋತಿ

ಗಚ್ಛತಂ ಯಞ್ಞದತ್ತಾನಂ ಆಭರಣಾನಿ ಹೋನ್ತಿ

ಗಚ್ಛನ್ತೇ ಯಞ್ಞದತ್ತೇ ಕೋಚಿ ಪಸೀದತಿ

ಗಚ್ಛನ್ತೇಸು ಯಞ್ಞದತ್ತೇಸು ಕೇಚಿ ಪಸೀದನ್ತಿ.

ಇತಿ |ಓ೦.೦೦೦೪| ಪಞ್ಚಮೋ ಪಾಠೋ.

ಇಕಾರನ್ತಪುಲ್ಲಿಙ್ಗೋ ಅಗ್ಗಿಸದ್ದೋ ವುಚ್ಚತೇ.

ಅಗ್ಗಿ ಪನ ಕಟ್ಠಮಙ್ಗಾರಂ ಕರೋತಿ

ಅಗ್ಗಯೋ ಕಟ್ಠಮಙ್ಗಾರಂ ಕರೋನ್ತಿ

ಭೋ ಅಗ್ಗಿ ತ್ವಂ ಸೀತಂ ವಿನೋದೇಹಿ

ಭೋ ಅಗ್ಗೀ ತುಮ್ಹೇ ಸೀತಂ ವಿನೋದೇಥ

ಅಗ್ಗಿಂ ನಿಬ್ಬಾಪೇತಿ ಯೋ ಕೋಚಿ

ಅಗ್ಗಯೋ ನಿಬ್ಬಾಪೇನ್ತಿ ಯೇ ಕೇಚಿ

ಅಗ್ಗಿನಾ ಕೋಚಿ ಅಕಾರೋ ದಡ್ಢೋ

ಅಗ್ಗೀಹಿ ಕೇಚಿ ಅಗಾರಾ ದಡ್ಢಾ

ಅಗ್ಗಿನಾ ಕಿಞ್ಚಿ ಆಗಾರಂ ಝಾಪೇತಿ

ಅಗ್ಗೀಹಿ ಕೇಚಿ ಅಗಾರೇ ಝಾಪೇತಿ

ಅಗ್ಗಿನೋ ಉಪಾದಾನಂ ದದಾತಿ ಬ್ರಾಹ್ಮಣೋ

ಅಗ್ಗೀನಂ ಉಪಾದಾನಂ ದದನ್ತಿ ಬ್ರಾಹ್ಮಣಾ

ಅಗ್ಗಿನಾ ಧೂಮೋ ಅಪೇತಿ ನಿಚ್ಚಂ

ಅಗ್ಗೀಹಿ’ಧೂಮಾಪಿ ಅಪೇನ್ತಿ ನಿಚ್ಚಂ

ಅಗ್ಗಿನೋ ಆಲೋಕೋ ಚ ಹೋತಿ

ಅಗ್ಗೀನಂ ಆಲೋಕಾಪಿ ಹೋನ್ತಿ

ಅಗ್ಗಿಮ್ಹಿ ಯೋ ಕೋಚಿ ಪಸೀದತಿ

ಅಗ್ಗೀಸು ಯೇ ಕೇಚಿ ಪಸೀದನ್ತಿ.

ಇತಿ ಛಟ್ಠೋ ಪಾಠೋ.

ಇಕಾರನ್ತಪುಲ್ಲಿಙ್ಗೋ ಆದಿಸದ್ದೋ ವುಚ್ಚತೇ.

ಆದಿ ಬನ್ಧೀಯತೇ ಸಮಗ್ಗೇನ ಸಙ್ಘೇನ

ಆದಯೋ ಬನ್ಧೀಯನ್ತೇ ಸಮಗ್ಗೇಹಿ ಭಿಕ್ಖುಹಿ

ಭೋ ಆದಿ ತ್ವಂ ದೀಘಕಾಲಂ ಪವತ್ತೇಹಿ

ಭೋ ಆದೀ ತುಮ್ಹೇ ದೀಘಕಾಲಂ ಪವತ್ತೇಥ

ಆದಿಂ ಪಸ್ಸತಿ ಸಮಗ್ಗೋ ಸಙ್ಘೋ ಚ

ಆದಯೋ ಪಸ್ಸತಿ ಭಿಕ್ಖು ಸಙ್ಘೋ ಚ

ಆದಿನಾ ಪರಿಸುದ್ಧೇನ ಪನ ಭೂಯತೇ

ಆದೀಹಿ ಪರಿಸುದ್ಧೇಹಿ ಪನ ಭೂಯತೇ

ಆದಿನಾ ಸಮಗ್ಗೋ ಸಙ್ಘೋ ಸುಚರತಿ

ಆದೀಹಿ ಭಿಕ್ಖು ಸಙ್ಘೋ ಸುಚರತಿ

ಆದಿನೋ ಕೋಚಿ ಉಪಕರಣಂ ದೇತಿ

ಆದೀನಂ ಕೇಚಿ ಉಪಕರಣಂ ದೇನ್ತಿ

ಆದಿನಾ ಸಮಗ್ಗೋ ಸಙ್ಘೋ ಅಪೇತಿ

ಆದೀಹಿ ಭಿಕ್ಖು’ಸಙ್ಘೋ ಅಪೇತಿ

ಆದಿಸ್ಸ |ಓ೦.೦೦೦೫| ಉಪಕಾರಿಕಾ ಖೋ ಪನ ಹೋತಿ

ಆದೀನಂ ಉಪಕಾರಿಕಾಯೋಪಿ ಹೋನ್ತಿ

ಆದಿಮ್ಹಿ ಸಮಗ್ಗೋ ಸಙ್ಘೋ ನಿಸೀದತಿ

ಆದೀಸೂ ಭಿಕ್ಖು ಸಙ್ಘೋಪಿ ನಿಸೀದತಿ.

ಇತಿ ಸತ್ತಮೋ ಪಾಠೋ.

ಈಕಾರನ್ತಪುಲ್ಲಿಙ್ಗೋ ದಣ್ಡೀಸದ್ದೋ ವುಚ್ಚತೇ.

ದಣ್ಡೀ ಪುರಿಸೋಪಿ ದಣ್ಡಂ ಛಡ್ಡೇತು

ದಣ್ಡಿನೋ ಪುರಿಸಾ ದಣ್ಡಂ ಛಡ್ಡೇನ್ತು

ಭೋ ದಣ್ಡೀ ಪುರಿಸ ದಣ್ಡಂ ಛಡ್ಡೇಹಿ