೩. ಪಞ್ಞಾವಿಮುತ್ತಸುತ್ತಂ

೪೪. ‘‘‘ಪಞ್ಞಾವಿಮುತ್ತೋ ಪಞ್ಞಾವಿಮುತ್ತೋ’ತಿ, ಆವುಸೋ, ವುಚ್ಚತಿ. ಕಿತ್ತಾವತಾ ನು ಖೋ, ಆವುಸೋ, ಪಞ್ಞಾವಿಮುತ್ತೋ ವುತ್ತೋ ಭಗವತಾ’’ತಿ?

‘‘ಇಧಾವುಸೋ, ಭಿಕ್ಖು ವಿವಿಚ್ಚೇವ ಕಾಮೇಹಿ…ಪೇ… ಪಠಮಂ ಝಾನಂ ಉಪಸಮ್ಪಜ್ಜ ವಿಹರತಿ, ಪಞ್ಞಾಯ ಚ ನಂ ಪಜಾನಾತಿ. ಏತ್ತಾವತಾಪಿ ಖೋ, ಆವುಸೋ, ಪಞ್ಞಾವಿಮುತ್ತೋ ವುತ್ತೋ ಭಗವತಾ ಪರಿಯಾಯೇನ…ಪೇ….

‘‘ಪುನ ಚಪರಂ, ಆವುಸೋ, ಭಿಕ್ಖು ಸಬ್ಬಸೋ ನೇವಸಞ್ಞಾನಾಸಞ್ಞಾಯತನಂ ಸಮತಿಕ್ಕಮ್ಮ ಸಞ್ಞಾವೇದಯಿತನಿರೋಧಂ ಉಪಸಮ್ಪಜ್ಜ ವಿಹರತಿ, ಪಞ್ಞಾಯ ಚಸ್ಸ ದಿಸ್ವಾ ಆಸವಾ ಪರಿಕ್ಖೀಣಾ ಹೋನ್ತಿ, ಪಞ್ಞಾಯ ಚ ನಂ ಪಜಾನಾತಿ. ಏತ್ತಾವತಾಪಿ ಖೋ, ಆವುಸೋ, ಪಞ್ಞಾವಿಮುತ್ತೋ ವುತ್ತೋ ಭಗವತಾ ನಿಪ್ಪರಿಯಾಯೇನಾ’’ತಿ. ತತಿಯಂ.