೧೦. ದಿಟ್ಠಧಮ್ಮನಿಬ್ಬಾನಸುತ್ತಂ

೫೧. ‘‘‘ದಿಟ್ಠಧಮ್ಮನಿಬ್ಬಾನಂ ದಿಟ್ಠಧಮ್ಮನಿಬ್ಬಾನ’ನ್ತಿ, ಆವುಸೋ, ವುಚ್ಚತಿ. ಕಿತ್ತಾವತಾ ನು ಖೋ, ಆವುಸೋ ದಿಟ್ಠಧಮ್ಮನಿಬ್ಬಾನಂ ವುತ್ತಂ ಭಗವತಾ’’ತಿ?

‘‘ಇಧಾವುಸೋ, ಭಿಕ್ಖು ವಿವಿಚ್ಚೇವ ಕಾಮೇಹಿ …ಪೇ… ಪಠಮಂ ಝಾನಂ ಉಪಸಮ್ಪಜ್ಜ ವಿಹರತಿ. ಏತ್ತಾವತಾಪಿ ಖೋ, ಆವುಸೋ, ದಿಟ್ಠಧಮ್ಮನಿಬ್ಬಾನಂ ವುತ್ತಂ ಭಗವತಾ ಪರಿಯಾಯೇನ …ಪೇ….

‘‘ಪುನ ಚಪರಂ, ಆವುಸೋ, ಭಿಕ್ಖು ಸಬ್ಬಸೋ ನೇವಸಞ್ಞಾನಾಸಞ್ಞಾಯತನಂ ಸಮತಿಕ್ಕಮ್ಮ ಸಞ್ಞಾವೇದಯಿತನಿರೋಧಂ ಉಪಸಮ್ಪಜ್ಜ ವಿಹರತಿ, ಪಞ್ಞಾಯ ಚಸ್ಸ ದಿಸ್ವಾ ಆಸವಾ ಪರಿಕ್ಖೀಣಾ ಹೋನ್ತಿ. ಏತ್ತಾವತಾಪಿ ಖೋ, ಆವುಸೋ, ದಿಟ್ಠಧಮ್ಮನಿಬ್ಬಾನಂ ವುತ್ತಂ ಭಗವತಾ ನಿಪ್ಪರಿಯಾಯೇನಾ’’ತಿ. ದಸಮಂ.

ಸಾಮಞ್ಞವಗ್ಗೋ ಪಞ್ಚಮೋ.