೯. ದೋವಚಸ್ಸತಾಸುತ್ತಂ

೧೧೫. ‘‘ತಯೋಮೇ, ಭಿಕ್ಖವೇ, ಧಮ್ಮಾ. ಕತಮೇ ತಯೋ? ದೋವಚಸ್ಸತಾ, ಪಾಪಮಿತ್ತತಾ, ಚೇತಸೋ ವಿಕ್ಖೇಪೋ. ಇಮೇ ಖೋ, ಭಿಕ್ಖವೇ, ತಯೋ ಧಮ್ಮಾ. ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಧಮ್ಮಾನಂ ಪಹಾನಾಯ ತಯೋ ಧಮ್ಮಾ ಭಾವೇತಬ್ಬಾ. ಕತಮೇ ತಯೋ? ದೋವಚಸ್ಸತಾಯ ಪಹಾನಾಯ ಸೋವಚಸ್ಸತಾ ಭಾವೇತಬ್ಬಾ, ಪಾಪಮಿತ್ತತಾಯ ಪಹಾನಾಯ ಕಲ್ಯಾಣಮಿತ್ತತಾ ಭಾವೇತಬ್ಬಾ, ಚೇತಸೋ ವಿಕ್ಖೇಪಸ್ಸ ಪಹಾನಾಯ ಆನಾಪಾನಸ್ಸತಿ ಭಾವೇತಬ್ಬಾ. ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಧಮ್ಮಾನಂ ಪಹಾನಾಯ ಇಮೇ ತಯೋ ಧಮ್ಮಾ ಭಾವೇತಬ್ಬಾ’’ತಿ. ನವಮಂ.