೬. ಅಸ್ಸಾದಸುತ್ತಂ

೧೧೨. ‘‘ತಯೋಮೇ, ಭಿಕ್ಖವೇ, ಧಮ್ಮಾ. ಕತಮೇ ತಯೋ? ಅಸ್ಸಾದದಿಟ್ಠಿ, ಅತ್ತಾನುದಿಟ್ಠಿ, ಮಿಚ್ಛಾದಿಟ್ಠಿ. ಇಮೇ ಖೋ, ಭಿಕ್ಖವೇ, ತಯೋ ಧಮ್ಮಾ. ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಧಮ್ಮಾನಂ ಪಹಾನಾಯ ತಯೋ ಧಮ್ಮಾ ಭಾವೇತಬ್ಬಾ. ಕತಮೇ ತಯೋ? ಅಸ್ಸಾದದಿಟ್ಠಿಯಾ ಪಹಾನಾಯ ಅನಿಚ್ಚಸಞ್ಞಾ ಭಾವೇತಬ್ಬಾ, ಅತ್ತಾನುದಿಟ್ಠಿಯಾ ಪಹಾನಾಯ ಅನತ್ತಸಞ್ಞಾ ಭಾವೇತಬ್ಬಾ, ಮಿಚ್ಛಾದಿಟ್ಠಿಯಾ ಪಹಾನಾಯ ಸಮ್ಮಾದಿಟ್ಠಿ ಭಾವೇತಬ್ಬಾ. ಇಮೇಸಂ ಖೋ, ಭಿಕ್ಖವೇ, ತಿಣ್ಣಂ ಧಮ್ಮಾನಂ ಪಹಾನಾಯ ಇಮೇ ತಯೋ ಧಮ್ಮಾ ಭಾವೇತಬ್ಬಾ’’ತಿ. ಛಟ್ಠಂ.