៥. អញ្ញចេតាបនសិក្ខាបទវណ្ណនា

បញ្ចមេ អញ្ញំ ចេតាបេត្វាតិ អត្តនោ កប្បិយភណ្ឌេន ‘‘ឥទំ នាម អាហរា’’តិ អញ្ញំ បរិវត្តាបេត្វា. អញ្ញំ ចេតាបេយ្យាតិ ‘‘ឯវំ មេ ឥទំ ទត្វា អញ្ញម្បិ អាហរិស្សតី’’តិ មញ្ញមានា ‘‘ន មេ ឥមិនា អត្ថោ, ឥទំ នាម មេ អាហរា’’តិ តតោ អញ្ញំ ចេតាបេយ្យ. តស្សា ចេតាបនប្បយោគេ ទុក្កដំ, បដិលាភេន តេន វា អញ្ញេន វា មូលេន អាហដំ និស្សគ្គិយំ ហោតិ, សេសំ ចតុត្ថសទិសមេវាតិ.

អញ្ញចេតាបនសិក្ខាបទវណ្ណនា និដ្ឋិតា.