៣. បញ្ហបុច្ឆកវណ្ណនា

៦៩៩. កថិតានំ កុសលាទិធម្មានំ. ឥមស្មិំ បន អប្បមញ្ញាវិភង្គេ កថិតា អប្បមញ្ញា, តា ច សភាវតោ លោកិយា ឯវ, ន ខន្ធវិភង្គាទីសុ កថិតា ខន្ធាទយោ វិយ លោកុត្តរាបីតិ ឯកំសតោ សព្ពាសំ អប្បមញ្ញានំ លោកិយភាវមេវ ទីបេតុំ អដ្ឋកថាយំ ‘‘ឥមស្មិំ បនា’’តិអាទិ វុត្តន្តិ ឥមមត្ថំ ទស្សេន្តោ អាហ ‘‘ឥមស្មិំ បន…បេ… ហោតី’’តិ.

បញ្ហបុច្ឆកវណ្ណនា និដ្ឋិតា.

អប្បមញ្ញាវិភង្គវណ្ណនា និដ្ឋិតា.