៣. បញ្ហបុច្ឆកវណ្ណនា

១៥០. តំ តំ សមុទាយន្តិ តំ តំ ចិត្តុប្បាទសង្ខាតធម្មសមុទាយំ, អនវសេសរូបធម្មសមុទាយញ្ច. យថាសម្ភវន្តិ ចោបនំ បត្តោ សំវរោ ឆដ្ឋទ្វារេ, ឥតរោ ឆសុបីតិ ឯវំ យថាសម្ភវំ. តតោតិ អភិជ្ឈាទោមនស្សាទិតោ. យថាយោគន្តិ យោ សំវរិតព្ពោ, តទនុរូបំ.

កត្ថចីតិ តេ ឯវ បរិវដ្ដេ សាមញ្ញេន វទតិ. កត្ថចីតិ វា តេសុ បរិវដ្ដេសុ កិស្មិញ្ចិបិ បទេសេ. កិញ្ចិបិ អប្បកម្បិ. ឯកោវ បរិច្ឆេទោ, ន អាយតនវិភង្គាទីសុ វិយ នានាតិ អធិប្បាយោ.

បញ្ហបុច្ឆកវណ្ណនា និដ្ឋិតា.

ខន្ធវិភង្គវណ្ណនា និដ្ឋិតា.