៦. ឧប្បាទនិរោធវារោ

យំ ចិត្តំ ឧប្បជ្ជតិ, តំ ចិត្តំ និរុជ្ឈិត្ថ. យំ វា បន ចិត្តំ និរុជ្ឈិត្ថ, តំ ចិត្តំ ឧប្បជ្ជតិ.

យំ ចិត្តំ ន ឧប្បជ្ជតិ, តំ ចិត្តំ ន និរុជ្ឈិត្ថ. យំ វា បន ចិត្តំ ន និរុជ្ឈិត្ថ, តំ ចិត្តំ ន ឧប្បជ្ជតិ.

យំ ចិត្តំ ឧប្បជ្ជតិ, តំ ចិត្តំ និរុជ្ឈិស្សតិ. យំ វា បន ចិត្តំ និរុជ្ឈិស្សតិ, តំ ចិត្តំ ឧប្បជ្ជតិ.

យំ ចិត្តំ ន ឧប្បជ្ជតិ, តំ ចិត្តំ ន និរុជ្ឈិស្សតិ. យំ វា បន ចិត្តំ ន និរុជ្ឈិស្សតិ, តំ ចិត្តំ ន ឧប្បជ្ជតិ.

យំ ចិត្តំ ឧប្បជ្ជិត្ថ, តំ ចិត្តំ និរុជ្ឈិស្សតិ. យំ វា បន ចិត្តំ និរុជ្ឈិស្សតិ, តំ ចិត្តំ ឧប្បជ្ជិត្ថ.

យំ ចិត្តំ ន ឧប្បជ្ជិត្ថ, តំ ចិត្តំ ន និរុជ្ឈិស្សតិ. យំ វា បន ចិត្តំ ន និរុជ្ឈិស្សតិ, តំ ចិត្តំ ន ឧប្បជ្ជិត្ថ.