២. ទុក្ករសុត្តំ

៣៣១. ‘‘កិំ នុ ខោ, អាវុសោ សារិបុត្ត, ឥមស្មិំ ធម្មវិនយេ ទុក្ករ’’ន្តិ? ‘‘បព្ពជ្ជា ខោ, អាវុសោ, ឥមស្មិំ ធម្មវិនយេ ទុក្ករា’’តិ. ‘‘បព្ពជិតេន បនាវុសោ, កិំ ទុក្ករ’’ន្តិ? ‘‘បព្ពជិតេន ខោ, អាវុសោ, អភិរតិ ទុក្ករា’’តិ. ‘‘អភិរតេន បនាវុសោ, កិំ ទុក្ករ’’ន្តិ? ‘‘អភិរតេន ខោ, អាវុសោ, ធម្មានុធម្មប្បដិបត្តិ ទុក្ករា’’តិ. ‘‘កីវចិរំ បនាវុសោ, ធម្មានុធម្មប្បដិបន្នោ ភិក្ខុ អរហំ អស្សា’’តិ? ‘‘នចិរំ, អាវុសោ’’តិ. សោឡសមំ.

(បុរិមកសទិសំ ឧទ្ទានំ.)

សាមណ្ឌកសំយុត្តំ សមត្តំ.