២. បណីតតរសុត្តំ

៣៤៣. សាវត្ថិនិទានំ. ‘‘ចតស្សោ ឥមា, ភិក្ខវេ, នាគយោនិយោ. កតមា ចតស្សោ? អណ្ឌជា នាគា, ជលាពុជា នាគា, សំសេទជា នាគា, ឱបបាតិកា នាគា. តត្រ, ភិក្ខវេ, អណ្ឌជេហិ នាគេហិ ជលាពុជា ច សំសេទជា ច ឱបបាតិកា ច នាគា បណីតតរា. តត្រ, ភិក្ខវេ, អណ្ឌជេហិ ច ជលាពុជេហិ ច នាគេហិ សំសេទជា ច ឱបបាតិកា ច នាគា បណីតតរា. តត្រ, ភិក្ខវេ, អណ្ឌជេហិ ច ជលាពុជេហិ ច សំសេទជេហិ ច នាគេហិ ឱបបាតិកា នាគា បណីតតរា. ឥមា ខោ, ភិក្ខវេ, ចតស្សោ នាគយោនិយោ’’តិ. ទុតិយំ.