៩. ធាតុសុត្តំ

៣៣០. សាវត្ថិនិទានំ. ‘‘យោ, ភិក្ខវេ, បថវីធាតុយា ឆន្ទរាគោ, ចិត្តស្សេសោ ឧបក្កិលេសោ. យោ អាបោធាតុយា… យោ តេជោធាតុយា… យោ វាយោធាតុយា… យោ អាកាសធាតុយា… យោ វិញ្ញាណធាតុយា ឆន្ទរាគោ, ចិត្តស្សេសោ ឧបក្កិលេសោ. យតោ ខោ, ភិក្ខវេ, ភិក្ខុនោ ឥមេសុ ឆសុ ឋានេសុ ចេតសោ ឧបក្កិលេសោ បហីនោ ហោតិ, នេក្ខម្មនិន្នញ្ចស្ស ចិត្តំ ហោតិ. នេក្ខម្មបរិភាវិតំ ចិត្តំ កម្មនិយំ ខាយតិ, អភិញ្ញា សច្ឆិករណីយេសុ ធម្មេសូ’’តិ. នវមំ.