២០-២៧. ឋិតិមូលកវុដ្ឋានសុត្តាទិអដ្ឋកំ

៦៨១-៦៨៨. សាវត្ថិនិទានំ. ‘‘ចត្តារោមេ, ភិក្ខវេ, ឈាយី. កតមេ ចត្តារោ? ឥធ, ភិក្ខវេ, ឯកច្ចោ ឈាយី សមាធិស្មិំ ឋិតិកុសលោ ហោតិ, ន សមាធិស្មិំ វុដ្ឋានកុសលោ. ឥធ បន, ភិក្ខវេ, ឯកច្ចោ ឈាយី សមាធិស្មិំ វុដ្ឋានកុសលោ ហោតិ, ន សមាធិស្មិំ ឋិតិកុសលោ. ឥធ បន, ភិក្ខវេ, ឯកច្ចោ ឈាយី នេវ សមាធិស្មិំ ឋិតិកុសលោ ហោតិ, ន ច សមាធិស្មិំ វុដ្ឋានកុសលោ. ឥធ បន, ភិក្ខវេ, ឯកច្ចោ ឈាយី សមាធិស្មិំ ឋិតិកុសលោ ច ហោតិ, សមាធិស្មិំ វុដ្ឋានកុសលោ ច. តត្រ, ភិក្ខវេ, យ្វាយំ ឈាយី…បេ… ឧត្តមោ ច បវរោ ចា’’តិ. វីសតិមំ. (បុរិមមូលកានិ វិយ យាវ សត្តវីសតិមា ឋិតិមូលកសប្បាយការីសុត្តា អដ្ឋ សុត្តានិ បូរេតព្ពានិ. ឋិតិមូលកំ.)