៦-១០. រូបអទស្សនាទិសុត្តបញ្ចកំ

៦១២-៦១៦. សាវត្ថិនិទានំ. ឯកមន្តំ និសិន្នោ ខោ វច្ឆគោត្តោ បរិព្ពាជកោ ភគវន្តំ ឯតទវោច – ‘‘កោ នុ ខោ, ភោ គោតម, ហេតុ, កោ បច្ចយោ, យានិមានិ អនេកវិហិតានិ ទិដ្ឋិគតានិ លោកេ ឧប្បជ្ជន្តិ – សស្សតោ លោកោតិ វា, អសស្សតោ លោកោតិ វា…បេ… នេវ ហោតិ ន ន ហោតិ តថាគតោ បរំ មរណាតិ វា’’តិ? រូបេ ខោ, វច្ឆ, អទស្សនា…បេ… រូបនិរោធគាមិនិយា បដិបទាយ អទស្សនា…បេ… វេទនាយ … សញ្ញាយ … សង្ខារេសុ ខោ, វច្ឆ, អទស្សនា…បេ… វិញ្ញាណេ ខោ, វច្ឆ, អទស្សនា…បេ… វិញ្ញាណនិរោធគាមិនិយា បដិបទាយ អទស្សនា…បេ…. ទសមំ.