៣. មណ្ឌបទាយិកាថេរីអបទានំ

២៦. ‘‘កោណាគមនពុទ្ធស្ស, មណ្ឌបោ ការិតោ មយា;

ធុវំ តិចីវរំទាសិំ [ថូបញ្ច បវរមទំ (ស្យា.), ធុវញ្ច ចីវរំ អទំ (បី.)], ពុទ្ធស្ស លោកពន្ធុនោ.

២៧. ‘‘យំ យំ ជនបទំ យាមិ, និគមេ រាជធានិយោ;

សព្ពត្ថ បូជិតោ ហោមិ, បុញ្ញកម្មស្សិទំ ផលំ.

២៨. ‘‘កិលេសា ឈាបិតា មយ្ហំ…បេ… វិហរាមិ អនាសវា.

២៩. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

៣០. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ មណ្ឌបទាយិកា ភិក្ខុនី ឥមា គាថាយោ អភាសិត្ថាតិ.

មណ្ឌបទាយិកាថេរិយាបទានំ តតិយំ.