៤. កុមារបញ្ហា

១. ‘‘ឯកំ នាម កិំ’’? ‘‘សព្ពេ សត្តា អាហារដ្ឋិតិកា’’.

២. ‘‘ទ្វេ នាម កិំ’’? ‘‘នាមញ្ច រូបញ្ច’’.

៣. ‘‘តីណិ នាម កិំ’’? ‘‘តិស្សោ វេទនា’’.

៤. ‘‘ចត្តារិ នាម កិំ’’? ‘‘ចត្តារិ អរិយសច្ចានិ’’.

៥. ‘‘បញ្ច នាម កិំ’’? ‘‘បញ្ចុបាទានក្ខន្ធា’’.

៦. ‘‘ឆ នាម កិំ’’? ‘‘ឆ អជ្ឈត្តិកានិ អាយតនានិ’’.

៧. ‘‘សត្ត នាម កិំ’’? ‘‘សត្ត ពោជ្ឈង្គា’’.

៨. ‘‘អដ្ឋ នាម កិំ’’? ‘‘អរិយោ អដ្ឋង្គិកោ មគ្គោ’’.

៩. ‘‘នវ នាម កិំ’’? ‘‘នវ សត្តាវាសា’’.

១០. ‘‘ទស នាម កិំ’’? ‘‘ទសហង្គេហិ សមន្នាគតោ ‘អរហា’តិ វុច្ចតី’’តិ.

កុមារបញ្ហា និដ្ឋិតា.