២. កបិត្ថផលទាយកត្ថេរអបទានំ

៧. ‘‘សុវណ្ណវណ្ណំ សម្ពុទ្ធំ, អាហុតីនំ បដិគ្គហំ;

រថិយំ បដិបជ្ជន្តំ, កបិត្ថំ [កបិដ្ឋំ (ស្យា.)] អទទិំ ផលំ.

៨. ‘‘ឯកនវុតិតោ កប្បេ, យំ ផលំ អទទិំ តទា;

ទុគ្គតិំ នាភិជានាមិ, ផលទានស្សិទំ ផលំ.

៩. ‘‘កិលេសា ឈាបិតា មយ្ហំ…បេ… វិហរាមិ អនាសវោ.

១០. ‘‘ស្វាគតំ វត មេ អាសិ…បេ… កតំ ពុទ្ធស្ស សាសនំ.

១១. ‘‘បដិសម្ភិទា ចតស្សោ…បេ… កតំ ពុទ្ធស្ស សាសនំ’’.

ឥត្ថំ សុទំ អាយស្មា កបិត្ថផលទាយកោ ថេរោ ឥមា

គាថាយោ អភាសិត្ថាតិ.

កបិត្ថផលទាយកត្ថេរស្សាបទានំ ទុតិយំ.