៣. អគ្គិសុត្តវណ្ណនា

២៣៤. តតិយេ សតិញ្ច ខ្វាហំ, ភិក្ខវេ, សព្ពត្ថិកំ វទាមីតិ លោណធូបនំ វិយ សព្ពកម្មិកាមច្ចំ វិយ ច សព្ពត្ថ ឥច្ឆិតព្ពំ វទាមីតិ អត្ថោ. យថា ហិ លោណធូបនំ សព្ពព្យញ្ជនេសុបិ និវិសតិ, យថា ច សព្ពកម្មិកោ អមច្ចោ យោធកម្មម្បិ ករោតិ មន្តកម្មម្បិ បដិហារកម្មម្បីតិ សព្ពកិច្ចានិ សាធេតិ, ឯវំ ឧទ្ធតស្ស ចិត្តស្ស និគ្គណ្ហនំ, លីនស្ស បគ្គណ្ហនន្តិ សព្ពមេតំ សតិយា ឥជ្ឈតិ, ន សក្កា វិនា សតិយា ឯតំ សម្បាទេតុំ, តស្មា ឯវមាហ. ឥមស្មិំ សុត្តេ បុព្ពភាគវិបស្សនា ពោជ្ឈង្គាវ កថិតា.