៥. អញ្ញតិត្ថិយបេយ្យាលវគ្គវណ្ណនា

៤១-៤៨. អញ្ញតិត្ថិយបេយ្យាលេ អទ្ធានបរិញ្ញត្ថន្តិ សំសារទ្ធានំ និព្ពានំ បត្វា បរិញ្ញាតំ នាម ហោតិ. តស្មា និព្ពានំ ‘‘អទ្ធានបរិញ្ញា’’តិ វុច្ចតិ, តទត្ថន្តិ អត្ថោ. អនុបាទាបរិនិព្ពានត្ថន្តិ អបច្ចយបរិនិព្ពានត្ថំ. ឥតិ ឥមស្មិំ បេយ្យាលេ វិជ្ជាវិមុត្តិផលេន អរហត្តំ កថិតំ. ញាណទស្សនេន បច្ចវេក្ខណា, សេសេហិ និព្ពានន្តិ.

អញ្ញតិត្ថិយបេយ្យាលវគ្គោ.