៧-១១. បាបភិក្ខុសុត្តាទិវណ្ណនា

២១៨-២២២. ភិក្ខុវត្ថុស្មិំ បាបភិក្ខូតិ លាមកភិក្ខុ. សោ កិរ លោកស្ស សទ្ធាទេយ្យេ ចត្តារោ បច្ចយេ បរិភុញ្ជិត្វា កាយវចីទ្វារេហិ អសំយតោ ភិន្នាជីវោ ចិត្តកេឡិំ កីឡន្តោ វិចរិ. តតោ ឯកំ ពុទ្ធន្តរំ និរយេ បច្ចិត្វា បេតលោកេ និព្ពត្តន្តោ ភិក្ខុសទិសេនេវ អត្តភាវេន និព្ពត្តិ. ភិក្ខុនីសិក្ខមានាសាមណេរសាមណេរីវត្ថូសុបិ អយមេវ វិនិច្ឆយោ. សត្តមាទីនិ.

លក្ខណសំយុត្តវណ្ណនា និដ្ឋិតា.