១២. អបគតសុត្តវណ្ណនា
២០១. ទ្វាទសមេ អហង្ការមមង្ការមានាបគតន្តិ អហំការតោ ច មមំការតោ ច មានតោ ច អបគតំ. វិធា សមតិក្កន្តន្តិ មានកោដ្ឋាសេ សុដ្ឋុ អតិក្កន្តំ. សន្តំ សុវិមុត្តន្តិ កិលេសវូបសមេន សន្តំ, កិលេសេហេវ សុដ្ឋុ វិមុត្តំ. សេសំ ឧត្តានមេវាតិ. ទ្វាទសមំ.
ទុតិយោ វគ្គោ.
ទ្វីសុបិ អសេក្ខភូមិ កថិតា. បឋមោ បនេត្ថ អាយាចន្តស្ស ទេសិតោ, ទុតិយោ អនាយាចន្តស្ស. សកលេបិ បន រាហុលសំយុត្តេ ថេរស្ស វិមុត្តិបរិបាចនីយធម្មាវ កថិតាតិ.
រាហុលសំយុត្តវណ្ណនា និដ្ឋិតា.