១១. តិកវគ្គោ

១. រាគសុត្តវណ្ណនា

១០៧. ឯកាទសមស្ស បឋមេ អសុភាតិ អសុភកម្មដ្ឋានំ. មេត្តាតិ មេត្តាកម្មដ្ឋានំ. បញ្ញាតិ សហវិបស្សនា មគ្គបញ្ញា.

៦. អស្សាទសុត្តវណ្ណនា

១១២. ឆដ្ឋេ អស្សាទទិដ្ឋីតិ សស្សតទិដ្ឋិ. អត្តានុទិដ្ឋីតិ អត្តានំ អនុគតា វីសតិវត្ថុកា សក្កាយទិដ្ឋិ. មិច្ឆាទិដ្ឋីតិ ទ្វាសដ្ឋិវិធាបិ ទិដ្ឋិ. សម្មាទិដ្ឋីតិ មគ្គសម្មាទិដ្ឋិ, នត្ថិ ទិន្នន្តិអាទិកា វា មិច្ឆាទិដ្ឋិ, កម្មស្សកតញាណំ សម្មាទិដ្ឋិ.

៧. អរតិសុត្តវណ្ណនា

១១៣. សត្តមេ អធម្មចរិយាតិ ទស អកុសលកម្មបថា.

១០. ឧទ្ធច្ចសុត្តវណ្ណនា

១១៦. ទសមេ អសំវរោតិ អនធិវាសកភាវោ. សេសំ សព្ពត្ថ ឧត្តានមេវាតិ.

តិកវគ្គោ ឯកាទសមោ.