៥. ទារុកម្មិកសុត្តវណ្ណនា

៥៩. បញ្ចមេ ទារុកម្មិកោតិ ទារុវិក្កយេន បវត្តិតាជីវោ ឯកោ ឧបាសកោ. កាសិកចន្ទនន្តិ សណ្ហចន្ទនំ. អង្គេនាតិ អគុណង្គេន, សុក្កបក្ខេ គុណង្គេន. នេមន្តនិកោតិ និមន្តនំ គណ្ហនកោ. សង្ឃេ ទានំ ទស្សាមីតិ ភិក្ខុសង្ឃស្ស ទស្សាមិ. សោ ឯវំ វត្វា សត្ថារំ អភិវាទេត្វា បក្កាមិ. អថស្ស អបរភាគេ បញ្ចសតា កុលូបកា ភិក្ខូ គិហិភាវំ បាបុណិំសុ. សោ ‘‘កុលូបកភិក្ខូ តេ វិព្ភន្តា’’តិ វុត្តេ ‘‘កិំ ឯត្ថ មយ្ហ’’ន្តិ វត្វា ចិត្តុប្បាទវេមត្តមត្តម្បិ ន អកាសិ. ឥទំ សន្ធាយ សត្ថា សង្ឃេ តេ ទានំ ទទតោ ចិត្តំ បសីទិស្សតីតិ អាហ.