២. ផគ្គុនសុត្តវណ្ណនា

៥៦. ទុតិយេ សមធោសីតិ ឧដ្ឋានាការំ ទស្សេសិ. បដិក្កមន្តីតិ បរិហាយន្តិ. នោ អភិក្កមន្តីតិ ន វឌ្ឍន្តិ. សីសវេឋនំ ទទេយ្យាតិ សីសំ វេឋេត្វា ទណ្ឌកេន សម្បរិវត្តកំ ពន្ធេយ្យ. ឥន្ទ្រិយានិ វិប្បសីទិំសូតិ តស្មិំ មរណសមយេ ឆ ឥន្ទ្រិយានិ វិប្បសន្នានិ អហេសុំ. អត្ថុបបរិក្ខាយាតិ អត្ថានត្ថំ ការណាការណំ ឧបបរិក្ខនេ. អនុត្តរេ ឧបធិសង្ខយេតិ និព្ពានេ. អវិមុត្តំ ហោតីតិ អរហត្តផលេន អធិមុត្តំ ហោតិ.