៣. សោណកាយនសុត្តវណ្ណនា

២៣៤. តតិយេ សិខាមោគ្គល្លានោតិ សីសមជ្ឈេ ឋិតាយ មហតិយា សិខាយ សមន្នាគតោ មោគ្គល្លានគោត្តោ ព្រាហ្មណោ. បុរិមានីតិ អតីតានន្តរទិវសតោ បដ្ឋាយ បុរិមានិ, ទុតិយាទិតោ បដ្ឋាយ បុរិមតរានិ វេទិតព្ពានិ. សោណកាយនោតិ តស្សេវ អន្តេវាសិកោ. កម្មសច្ចាយំ ភោ លោកោតិ ភោ អយំ លោកោ កម្មសភាវោ. កម្មសមារម្ភដ្ឋាយីតិ កម្មសមារម្ភេន តិដ្ឋតិ. កម្មំ អាយូហន្តោវ តិដ្ឋតិ, អនាយូហន្តោ ឧច្ឆិជ្ជតីតិ ទីបេតិ. សេសំ ហេដ្ឋា វុត្តនយមេវ.