៩. បមាទាទិវគ្គវណ្ណនា

៨១. នវមស្សាបិ បឋមំ អដ្ឋុប្បត្តិយមេវ កថិតំ. សម្ពហុលា កិរ ភិក្ខូ ធម្មសភាយំ និសិន្នា កុម្ភឃោសកំ អារព្ភ ‘‘អសុកំ នាម កុលំ បុព្ពេ អប្បយសំ អប្បបរិវារំ អហោសិ, ឥទានិ មហាយសំ មហាបរិវារំ ជាត’’ន្តិ កថយិំសុ. សត្ថា បុរិមនយេនេវ អាគន្ត្វា តេសំ វចនំ សុត្វា ឥមំ សុត្តំ អារភិ. តស្សត្ថោ ហេដ្ឋា វុត្តនយេនេវ វេទិតព្ពោ.

៨២. ទុតិយាទីសុ មហតោ អនត្ថាយាតិ មហន្តស្ស អនត្ថស្ស អត្ថាយ. សេសមេត្ថ ឧត្តានមេវាតិ.

បមាទាទិវគ្គវណ្ណនា.