៣. សុទ្ធិន្ទ្រិយវារោ

(ក) អនុលោមំ

១៤០. (ក) ចក្ខុ ឥន្ទ្រិយន្តិ? អាមន្តា.

(ខ) ឥន្ទ្រិយា ចក្ខុន្ទ្រិយន្តិ?

ចក្ខុន្ទ្រិយំ ឥន្ទ្រិយញ្ចេវ ចក្ខុន្ទ្រិយញ្ច. អវសេសា ឥន្ទ្រិយា ន ចក្ខុន្ទ្រិយំ.

(ក) សោតំ ឥន្ទ្រិយន្តិ?

យំ សោតំ ឥន្ទ្រិយំ តំ សោតញ្ចេវ ឥន្ទ្រិយញ្ច. អវសេសំ សោតំ ន ឥន្ទ្រិយំ.

(ខ) ឥន្ទ្រិយា សោតិន្ទ្រិយន្តិ? សោតិន្ទ្រិយំ ឥន្ទ្រិយញ្ចេវ សោតិន្ទ្រិយញ្ច. អវសេសា ឥន្ទ្រិយា ន សោតិន្ទ្រិយំ.

(ក) ឃានំ ឥន្ទ្រិយន្តិ? អាមន្តា.

(ខ) ឥន្ទ្រិយា ឃានិន្ទ្រិយន្តិ?

ឃានិន្ទ្រិយំ ឥន្ទ្រិយញ្ចេវ ឃានិន្ទ្រិយញ្ច. អវសេសា ឥន្ទ្រិយា ន ឃានិន្ទ្រិយំ.

(ក) ជិវ្ហា ឥន្ទ្រិយន្តិ? អាមន្តា.

(ខ) ឥន្ទ្រិយា ជិវ្ហិន្ទ្រិយន្តិ?

ជិវ្ហិន្ទ្រិយំ ឥន្ទ្រិយញ្ចេវ ជិវ្ហិន្ទ្រិយញ្ច. អវសេសា ឥន្ទ្រិយា ន ជិវ្ហិន្ទ្រិយំ.

(ក) កាយោ ឥន្ទ្រិយន្តិ?

យោ កាយោ ឥន្ទ្រិយំ សោ កាយោ ចេវ ឥន្ទ្រិយញ្ច. អវសេសោ កាយោ ន ឥន្ទ្រិយា.

(ខ) ឥន្ទ្រិយា កាយិន្ទ្រិយន្តិ?

កាយិន្ទ្រិយំ ឥន្ទ្រិយញ្ចេវ កាយិន្ទ្រិយញ្ច. អវសេសា ឥន្ទ្រិយា ន កាយិន្ទ្រិយំ.

(ក) មនោ ឥន្ទ្រិយន្តិ? អាមន្តា.

(ខ) ឥន្ទ្រិយា មនិន្ទ្រិយន្តិ?

មនិន្ទ្រិយំ ឥន្ទ្រិយញ្ចេវ មនិន្ទ្រិយញ្ច. អវសេសា ឥន្ទ្រិយា ន មនិន្ទ្រិយំ.

(ក) ឥត្ថី ឥន្ទ្រិយន្តិ? នោ.

(ខ) ឥន្ទ្រិយា ឥត្ថិន្ទ្រិយន្តិ?

ឥត្ថិន្ទ្រិយំ ឥន្ទ្រិយញ្ចេវ ឥត្ថិន្ទ្រិយញ្ច. អវសេសា ឥន្ទ្រិយា ន ឥត្ថិន្ទ្រិយំ.

(ក) បុរិសោ ឥន្ទ្រិយន្តិ? នោ.

(ខ) ឥន្ទ្រិយា បុរិសិន្ទ្រិយន្តិ?

បុរិសិន្ទ្រិយំ ឥន្ទ្រិយញ្ចេវ បុរិសិន្ទ្រិយញ្ច. អវសេសា ឥន្ទ្រិយា ន បុរិសិន្ទ្រិយំ.

(ក) ជីវិតំ ឥន្ទ្រិយន្តិ? អាមន្តា.

(ខ) ឥន្ទ្រិយា ជីវិតិន្ទ្រិយន្តិ?

ជីវិតិន្ទ្រិយំ ឥន្ទ្រិយញ្ចេវ ជីវិតិន្ទ្រិយញ្ច. អវសេសា ឥន្ទ្រិយា ន ជីវិតិន្ទ្រិយំ.

(ក) សុខំ ឥន្ទ្រិយន្តិ? អាមន្តា.

(ខ) ឥន្ទ្រិយា សុខិន្ទ្រិយន្តិ?

សុខិន្ទ្រិយំ ឥន្ទ្រិយញ្ចេវ សុខិន្ទ្រិយញ្ច. អវសេសា ឥន្ទ្រិយា ន សុខិន្ទ្រិយំ.

(ក) ទុក្ខំ ឥន្ទ្រិយន្តិ? អាមន្តា.

(ខ) ឥន្ទ្រិយា ទុក្ខិន្ទ្រិយន្តិ?

ទុក្ខិន្ទ្រិយំ ឥន្ទ្រិយញ្ចេវ ទុក្ខិន្ទ្រិយញ្ច. អវសេសា ឥន្ទ្រិយា ន ទុក្ខិន្ទ្រិយំ.

(ក) សោមនស្សំ ឥន្ទ្រិយន្តិ? អាមន្តា.

(ខ) ឥន្ទ្រិយា សោមនស្សិន្ទ្រិយន្តិ?

សោមនស្សិន្ទ្រិយំ ឥន្ទ្រិយញ្ចេវ សោមនស្សិន្ទ្រិយញ្ច. អវសេសា ឥន្ទ្រិយា ន សោមនស្សិន្ទ្រិយំ.

(ក) ទោមនស្សំ ឥន្ទ្រិយន្តិ? អាមន្តា.

(ក) ឥន្ទ្រិយា ទោមនស្សិន្ទ្រិយន្តិ?

ទោមនស្សិន្ទ្រិយំ ឥន្ទ្រិយញ្ចេវ ទោមនស្សិន្ទ្រិយញ្ច. អវសេសា ឥន្ទ្រិយា ន ទោមនស្សិន្ទ្រិយំ.

(ក) ឧបេក្ខា ឥន្ទ្រិយន្តិ?

យា ឧបេក្ខា ឥន្ទ្រិយំ សា ឧបេក្ខា ចេវ ឥន្ទ្រិយញ្ច. អវសេសា ឧបេក្ខា ន ឥន្ទ្រិយំ.

(ខ) ឥន្ទ្រិយា ឧបេក្ខិន្ទ្រិយន្តិ?

ឧបេក្ខិន្ទ្រិយំ ឥន្ទ្រិយញ្ចេវ ឧបេក្ខិន្ទ្រិយញ្ច. អវសេសា ឥន្ទ្រិយា ន ឧបេក្ខិន្ទ្រិយំ.

(ក) សទ្ធា ឥន្ទ្រិយន្តិ? អាមន្តា.

(ខ) ឥន្ទ្រិយា សទ្ធិន្ទ្រិយន្តិ?

សទ្ធិន្ទ្រិយំ ឥន្ទ្រិយញ្ចេវ សទ្ធិន្ទ្រិយញ្ច. អវសេសា ឥន្ទ្រិយា ន សទ្ធិន្ទ្រិយំ.

(ក) វីរិយំ ឥន្ទ្រិយន្តិ? អាមន្តា.

(ខ) ឥន្ទ្រិយា វីរិយិន្ទ្រិយន្តិ?

វីរិយិន្ទ្រិយំ ឥន្ទ្រិយញ្ចេវ វីរិយិន្ទ្រិយញ្ច. អវសេសា ឥន្ទ្រិយា ន វីរិយិន្ទ្រិយំ.

(ក) សតិ ឥន្ទ្រិយន្តិ? អាមន្តា.

(ខ) ឥន្ទ្រិយា សតិន្ទ្រិយន្តិ?

សតិន្ទ្រិយំ ឥន្ទ្រិយញ្ចេវ សតិន្ទ្រិយញ្ច. អវសេសា ឥន្ទ្រិយា ន សតិន្ទ្រិយំ.

(ក) សមាធិ ឥន្ទ្រិយន្តិ? អាមន្តា.

(ខ) ឥន្ទ្រិយា សមាធិន្ទ្រិយន្តិ?

សមាធិន្ទ្រិយំ ឥន្ទ្រិយញ្ចេវ សមាធិន្ទ្រិយញ្ច. អវសេសា ឥន្ទ្រិយា ន សមាធិន្ទ្រិយំ.

(ក) បញ្ញា ឥន្ទ្រិយន្តិ? អាមន្តា.

(ខ) ឥន្ទ្រិយា បញ្ញិន្ទ្រិយន្តិ?

បញ្ញិន្ទ្រិយំ ឥន្ទ្រិយញ្ចេវ បញ្ញិន្ទ្រិយញ្ច. អវសេសា ឥន្ទ្រិយា ន បញ្ញិន្ទ្រិយំ.

(ក) អនញ្ញាតញ្ញស្សាមីតិ ឥន្ទ្រិយន្តិ? អាមន្តា.

(ខ) ឥន្ទ្រិយា អនញ្ញាតញ្ញស្សាមីតិន្ទ្រិយន្តិ?

អនញ្ញាតញ្ញស្សាមីតិន្ទ្រិយំ ឥន្ទ្រិយញ្ចេវ អនញ្ញាតញ្ញស្សាមីតិន្ទ្រិយញ្ច. អវសេសា ឥន្ទ្រិយា ន អនញ្ញាតញ្ញស្សាមីតិន្ទ្រិយំ.

(ក) អញ្ញំ ឥន្ទ្រិយន្តិ? អាមន្តា.

(ខ) ឥន្ទ្រិយា អញ្ញិន្ទ្រិយន្តិ?

អញ្ញិន្ទ្រិយំ ឥន្ទ្រិយញ្ចេវ អញ្ញិន្ទ្រិយញ្ច. អវសេសា ឥន្ទ្រិយា ន អញ្ញិន្ទ្រិយំ.

(ក) អញ្ញាតាវី ឥន្ទ្រិយន្តិ? អាមន្តា.

(ខ) ឥន្ទ្រិយា អញ្ញាតាវិន្ទ្រិយន្តិ?

អញ្ញាតាវិន្ទ្រិយំ ឥន្ទ្រិយញ្ចេវ អញ្ញាតាវិន្ទ្រិយញ្ច. អវសេសា ឥន្ទ្រិយា ន អញ្ញាតាវិន្ទ្រិយំ.

(ខ) បច្ចនីកំ

១៤១. (ក) ន ចក្ខុ ន ឥន្ទ្រិយន្តិ?

ចក្ខុំ ឋបេត្វា អវសេសា ឥន្ទ្រិយា ន ចក្ខុ, ឥន្ទ្រិយា. ចក្ខុញ្ច ឥន្ទ្រិយេ ច ឋបេត្វា អវសេសា ន ចេវ ចក្ខុ ន ច ឥន្ទ្រិយា.

(ខ) ន ឥន្ទ្រិយា ន ចក្ខុន្ទ្រិយន្តិ? អាមន្តា.

(ក) ន សោតំ ន ឥន្ទ្រិយន្តិ?

សោតំ ឋបេត្វា អវសេសា ឥន្ទ្រិយា ន សោតំ, ឥន្ទ្រិយា. សោតញ្ច ឥន្ទ្រិយេ ច ឋបេត្វា អវសេសា ន ចេវ សោតំ ន ច ឥន្ទ្រិយា.

(ខ) ន ឥន្ទ្រិយា ន សោតិន្ទ្រិយន្តិ? អាមន្តា.

(ក) ន ឃានំ ន ឥន្ទ្រិយន្តិ?

ឃានំ ឋបេត្វា អវសេសា ឥន្ទ្រិយា ន ឃានំ, ឥន្ទ្រិយា. ឃានញ្ច ឥន្ទ្រិយេ ច ឋបេត្វា អវសេសា ន ចេវ ឃានំ ន ច ឥន្ទ្រិយា.

(ខ) ន ឥន្ទ្រិយា ន ឃានិន្ទ្រិយន្តិ? អាមន្តា.

(ក) ន ជិវ្ហា ន ឥន្ទ្រិយន្តិ?

ជិវ្ហំ ឋបេត្វា អវសេសា ឥន្ទ្រិយា ន ជិវ្ហា, ឥន្ទ្រិយា. ជិវ្ហញ្ច ឥន្ទ្រិយេ ច ឋបេត្វា អវសេសា ន ចេវ ជិវ្ហា ន ច ឥន្ទ្រិយា.

(ខ) ន ឥន្ទ្រិយា ន ជិវ្ហិន្ទ្រិយន្តិ? អាមន្តា.

(ក) ន កាយោ ន ឥន្ទ្រិយន្តិ? អាមន្តា.

(ខ) ន ឥន្ទ្រិយា ន កាយិន្ទ្រិយន្តិ? អាមន្តា.

(ក) ន មនោ ន ឥន្ទ្រិយន្តិ?

មនំ ឋបេត្វា អវសេសា ឥន្ទ្រិយា ន មនោ, ឥន្ទ្រិយា. មនញ្ច ឥន្ទ្រិយេ ច ឋបេត្វា អវសេសា ន ចេវ មនោ ន ច ឥន្ទ្រិយា.

(ខ) ន ឥន្ទ្រិយា ន មនិន្ទ្រិយន្តិ? អាមន្តា.

(ក) ន ឥត្ថី ន ឥន្ទ្រិយន្តិ?

ឥត្ថិំ ឋបេត្វា អវសេសា ឥន្ទ្រិយា ន ឥត្ថី, ឥន្ទ្រិយា. ឥត្ថិញ្ច ឥន្ទ្រិយេ ច ឋបេត្វា អវសេសា ន ចេវ ឥត្ថី ន ច ឥន្ទ្រិយា.

(ខ) ន ឥន្ទ្រិយា ន ឥត្ថិន្ទ្រិយន្តិ? អាមន្តា.

(ក) ន បុរិសោ ន ឥន្ទ្រិយន្តិ?

បុរិសំ ឋបេត្វា អវសេសា ឥន្ទ្រិយា ន បុរិសោ, ឥន្ទ្រិយា. បុរិសញ្ច ឥន្ទ្រិយេ ច ឋបេត្វា អវសេសា ន ចេវ បុរិសោ ន ច ឥន្ទ្រិយា.

(ខ) ន ឥន្ទ្រិយា ន បុរិសិន្ទ្រិយន្តិ? អាមន្តា.

(ក) ន ជីវិតំ ន ឥន្ទ្រិយន្តិ?

ជីវិតំ ឋបេត្វា អវសេសា ឥន្ទ្រិយា ន ជីវិតំ, ឥន្ទ្រិយា. ជីវិតញ្ច ឥន្ទ្រិយេ ច ឋបេត្វា អវសេសា ន ចេវ ជីវិតំ ន ច ឥន្ទ្រិយា.

(ខ) ន ឥន្ទ្រិយា ន ជីវិតិន្ទ្រិយន្តិ? អាមន្តា.

(ក) ន សុខំ ន ឥន្ទ្រិយន្តិ?

សុខំ ឋបេត្វា អវសេសា ឥន្ទ្រិយា ន សុខំ, ឥន្ទ្រិយា. សុខញ្ច ឥន្ទ្រិយេ ច ឋបេត្វា អវសេសា ន ចេវ សុខំ ន ច ឥន្ទ្រិយា.

(ខ) ន ឥន្ទ្រិយា ន សុខិន្ទ្រិយន្តិ? អាមន្តា.

(ក) ន ទុក្ខំ ន ឥន្ទ្រិយន្តិ?

ទុក្ខំ ឋបេត្វា អវសេសា ឥន្ទ្រិយា ន ទុក្ខំ, ឥន្ទ្រិយា. ទុក្ខញ្ច ឥន្ទ្រិយេ ច ឋបេត្វា អវសេសា ន ចេវ ទុក្ខំ ន ច ឥន្ទ្រិយា.

(ខ) ន ឥន្ទ្រិយា ន ទុក្ខិន្ទ្រិយន្តិ? អាមន្តា.

(ក) ន សោមនស្សំ ន ឥន្ទ្រិយន្តិ?

សោមនស្សំ ឋបេត្វា អវសេសា ឥន្ទ្រិយា ន សោមនស្សំ, ឥន្ទ្រិយា. សោមនស្សញ្ច ឥន្ទ្រិយេ ច ឋបេត្វា អវសេសា ន ចេវ សោមនស្សំ ន ច ឥន្ទ្រិយា.

(ខ) ន ឥន្ទ្រិយា ន សោមនស្សិន្ទ្រិយន្តិ? អាមន្តា.

(ក) ន ទោមនស្សំ ន ឥន្ទ្រិយន្តិ?

ទោមនស្សំ ឋបេត្វា អវសេសា ឥន្ទ្រិយា ន ទោមនស្សំ, ឥន្ទ្រិយា. ទោមនស្សញ្ច ឥន្ទ្រិយេ ច ឋបេត្វា អវសេសា ន ចេវ ទោមនស្សំ ន ច ឥន្ទ្រិយា.

(ខ) ន ឥន្ទ្រិយា ន ទោមនស្សិន្ទ្រិយន្តិ? អាមន្តា.

(ក) ន ឧបេក្ខា ន ឥន្ទ្រិយន្តិ?

ឧបេក្ខំ ឋបេត្វា អវសេសា ឥន្ទ្រិយា ន ឧបេក្ខា, ឥន្ទ្រិយា. ឧបេក្ខញ្ច ឥន្ទ្រិយេ ច ឋបេត្វា អវសេសា ន ចេវ ឧបេក្ខា ន ច ឥន្ទ្រិយា.

(ខ) ន ឥន្ទ្រិយា ន ឧបេក្ខិន្ទ្រិយន្តិ? អាមន្តា.

(ក) ន សទ្ធា ន ឥន្ទ្រិយន្តិ?

សទ្ធំ ឋបេត្វា អវសេសា ឥន្ទ្រិយា ន សទ្ធា, ឥន្ទ្រិយា. សទ្ធញ្ច ឥន្ទ្រិយេ ច ឋបេត្វា អវសេសា ន ចេវ សទ្ធា ន ច ឥន្ទ្រិយា.

(ខ) ន ឥន្ទ្រិយា ន សទ្ធិន្ទ្រិយន្តិ? អាមន្តា.

(ក) ន វីរិយំ ន ឥន្ទ្រិយន្តិ?

វីរិយំ ឋបេត្វា អវសេសា ឥន្ទ្រិយា ន វីរិយំ, ឥន្ទ្រិយា. វីរិយញ្ច ឥន្ទ្រិយេ ច ឋបេត្វា អវសេសា ន ចេវ វីរិយំ ន ច ឥន្ទ្រិយា.

(ខ) ន ឥន្ទ្រិយា ន វីរិយិន្ទ្រិយន្តិ? អាមន្តា.

(ក) ន សតិ ន ឥន្ទ្រិយន្តិ?

សតិំ ឋបេត្វា អវសេសា ឥន្ទ្រិយា ន សតិ, ឥន្ទ្រិយា. សតិញ្ច ឥន្ទ្រិយេ ច ឋបេត្វា អវសេសា ន ចេវ សតិ ន ច ឥន្ទ្រិយា.

(ខ) ន ឥន្ទ្រិយា ន សតិន្ទ្រិយន្តិ? អាមន្តា.

(ក) ន សមាធិ ន ឥន្ទ្រិយន្តិ?

សមាធិំ ឋបេត្វា អវសេសា ឥន្ទ្រិយា ន សមាធិ, ឥន្ទ្រិយា. សមាធិញ្ច ឥន្ទ្រិយេ ច ឋបេត្វា អវសេសា ន ចេវ សមាធិ ន ច ឥន្ទ្រិយា.

(ខ) ន ឥន្ទ្រិយា ន សមាធិន្ទ្រិយន្តិ? អាមន្តា.

(ក) ន បញ្ញា ន ឥន្ទ្រិយន្តិ?

បញ្ញំ ឋបេត្វា អវសេសា ឥន្ទ្រិយា ន បញ្ញា, ឥន្ទ្រិយា. បញ្ញញ្ច ឥន្ទ្រិយេ ច ឋបេត្វា អវសេសា ន ចេវ បញ្ញា ន ច ឥន្ទ្រិយា.

(ខ) ន ឥន្ទ្រិយា ន បញ្ញិន្ទ្រិយន្តិ? អាមន្តា.

(ក) ន អនញ្ញាតញ្ញស្សាមីតិ ន ឥន្ទ្រិយន្តិ?

អនញ្ញាតញ្ញស្សាមីតិំ ឋបេត្វា អវសេសា ឥន្ទ្រិយា ន អនញ្ញាតញ្ញស្សាមីតិ, ឥន្ទ្រិយា. អនញ្ញាតញ្ញស្សាមីតិញ្ច ឥន្ទ្រិយេ ច ឋបេត្វា អវសេសា ន ចេវ អនញ្ញាតញ្ញស្សាមីតិ ន ច ឥន្ទ្រិយា.

(ខ) ន ឥន្ទ្រិយា ន អនញ្ញាតញ្ញស្សាមីតិន្ទ្រិយន្តិ? អាមន្តា.

(ក) ន អញ្ញំ ន ឥន្ទ្រិយន្តិ?

អញ្ញំ ឋបេត្វា អវសេសា ឥន្ទ្រិយា ន អញ្ញំ, ឥន្ទ្រិយា. អញ្ញញ្ច ឥន្ទ្រិយេ ច ឋបេត្វា អវសេសា ន ចេវ អញ្ញំ ន ច ឥន្ទ្រិយា.

(ខ) ន ឥន្ទ្រិយា ន អញ្ញិន្ទ្រិយន្តិ? អាមន្តា.

(ក) ន អញ្ញាតាវី ន ឥន្ទ្រិយន្តិ?

អញ្ញាតាវិំ ឋបេត្វា អវសេសា ឥន្ទ្រិយា ន អញ្ញាតាវី, ឥន្ទ្រិយា. អញ្ញាតាវិញ្ច ឥន្ទ្រិយេ ច ឋបេត្វា អវសេសា ន ចេវ អញ្ញាតាវី ន ច ឥន្ទ្រិយា.

(ខ) ន ឥន្ទ្រិយា ន អញ្ញាតាវិន្ទ្រិយន្តិ? អាមន្តា.