(៥) បច្ចុប្បន្នានាគតវារោ

(ក) អនុលោមបុគ្គលោ

២០៩. (ក) យស្ស កុសលា ធម្មា ឧប្បជ្ជន្តិ តស្ស អកុសលា ធម្មា និរុជ្ឈិស្សន្តីតិ?

អគ្គមគ្គស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ឧប្បាទក្ខណេ តេសំ កុសលា ធម្មា ឧប្បជ្ជន្តិ, នោ ច តេសំ អកុសលា ធម្មា និរុជ្ឈិស្សន្តិ. ឥតរេសំ កុសលានំ ឧប្បាទក្ខណេ តេសំ កុសលា ច ធម្មា ឧប្បជ្ជន្តិ អកុសលា ច ធម្មា និរុជ្ឈិស្សន្តិ.

(ខ) យស្ស វា បន អកុសលា ធម្មា និរុជ្ឈិស្សន្តិ តស្ស កុសលា ធម្មា ឧប្បជ្ជន្តីតិ?

សព្ពេសំ ចិត្តស្ស ភង្គក្ខណេ កុសលវិប្បយុត្តចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ អកុសលា ធម្មា និរុជ្ឈិស្សន្តិ, នោ ច តេសំ កុសលា ធម្មា ឧប្បជ្ជន្តិ. កុសលានំ ឧប្បាទក្ខណេ តេសំ អកុសលា ច ធម្មា និរុជ្ឈិស្សន្តិ កុសលា ច ធម្មា ឧប្បជ្ជន្តិ.

(ក) យស្ស កុសលា ធម្មា ឧប្បជ្ជន្តិ តស្ស អព្យាកតា ធម្មា និរុជ្ឈិស្សន្តីតិ? អាមន្តា.

(ខ) យស្ស វា បន អព្យាកតា ធម្មា និរុជ្ឈិស្សន្តិ តស្ស កុសលា ធម្មា ឧប្បជ្ជន្តីតិ?

សព្ពេសំ ចិត្តស្ស ភង្គក្ខណេ កុសលវិប្បយុត្តចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ អព្យាកតា ធម្មា និរុជ្ឈិស្សន្តិ, នោ ច តេសំ កុសលា ធម្មា ឧប្បជ្ជន្តិ. កុសលានំ ឧប្បាទក្ខណេ តេសំ អព្យាកតា ច ធម្មា និរុជ្ឈិស្សន្តិ កុសលា ច ធម្មា ឧប្បជ្ជន្តិ.

២១០. (ក) យស្ស អកុសលា ធម្មា ឧប្បជ្ជន្តិ តស្ស អព្យាកតា ធម្មា និរុជ្ឈិស្សន្តីតិ? អាមន្តា.

(ខ) យស្ស វា បន អព្យាកតា ធម្មា និរុជ្ឈិស្សន្តិ តស្ស អកុសលា ធម្មា ឧប្បជ្ជន្តីតិ?

សព្ពេសំ ចិត្តស្ស ភង្គក្ខណេ អកុសលវិប្បយុត្តចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ អព្យាកតា ធម្មា និរុជ្ឈិស្សន្តិ, នោ ច តេសំ អកុសលា ធម្មា ឧប្បជ្ជន្តិ. អកុសលានំ ឧប្បាទក្ខណេ តេសំ អព្យាកតា ច ធម្មា និរុជ្ឈិស្សន្តិ អកុសលា ច ធម្មា ឧប្បជ្ជន្តិ.

(ខ) អនុលោមឱកាសោ

២១១. យត្ថ កុសលា ធម្មា ឧប្បជ្ជន្តិ តត្ថ អកុសលា ធម្មា និរុជ្ឈិស្សន្តីតិ?…បេ….

(គ) អនុលោមបុគ្គលោកាសា

២១២. (ក) យស្ស យត្ថ កុសលា ធម្មា ឧប្បជ្ជន្តិ តស្ស តត្ថ អកុសលា ធម្មា និរុជ្ឈិស្សន្តីតិ?

អគ្គមគ្គស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ឧប្បាទក្ខណេ តេសំ តត្ថ កុសលា ធម្មា ឧប្បជ្ជន្តិ, នោ ច តេសំ តត្ថ អកុសលា ធម្មា និរុជ្ឈិស្សន្តិ. ឥតរេសំ កុសលានំ ឧប្បាទក្ខណេ តេសំ តត្ថ កុសលា ច ធម្មា ឧប្បជ្ជន្តិ អកុសលា ច ធម្មា និរុជ្ឈិស្សន្តិ.

(ខ) យស្ស វា បន យត្ថ អកុសលា ធម្មា និរុជ្ឈិស្សន្តិ តស្ស តត្ថ កុសលា ធម្មា ឧប្បជ្ជន្តីតិ?

សព្ពេសំ ចិត្តស្ស ភង្គក្ខណេ កុសលវិប្បយុត្តចិត្តស្ស ឧប្បាទក្ខណេ តេសំ តត្ថ អកុសលា ធម្មា និរុជ្ឈិស្សន្តិ, នោ ច តេសំ តត្ថ កុសលា ធម្មា ឧប្បជ្ជន្តិ. កុសលានំ ឧប្បាទក្ខណេ តេសំ តត្ថ អកុសលា ច ធម្មា និរុជ្ឈិស្សន្តិ កុសលា ច ធម្មា ឧប្បជ្ជន្តិ.

(ក) យស្ស យត្ថ កុសលា ធម្មា ឧប្បជ្ជន្តិ តស្ស តត្ថ អព្យាកតា ធម្មា និរុជ្ឈិស្សន្តីតិ? អាមន្តា.

(ខ) យស្ស វា បន យត្ថ អព្យាកតា ធម្មា និរុជ្ឈិស្សន្តិ តស្ស តត្ថ កុសលា ធម្មា ឧប្បជ្ជន្តីតិ?

សព្ពេសំ ចិត្តស្ស ភង្គក្ខណេ កុសលវិប្បយុត្តចិត្តស្ស ឧប្បាទក្ខណេ អសញ្ញសត្តានំ តេសំ តត្ថ អព្យាកតា ធម្មា និរុជ្ឈិស្សន្តិ, នោ ច តេសំ តត្ថ កុសលា ធម្មា ឧប្បជ្ជន្តិ. កុសលានំ ឧប្បាទក្ខណេ តេសំ តត្ថ អព្យាកតា ច ធម្មា និរុជ្ឈិស្សន្តិ កុសលា ច ធម្មា ឧប្បជ្ជន្តិ.

២១៣. (ក) យស្ស យត្ថ អកុសលា ធម្មា ឧប្បជ្ជន្តិ តស្ស តត្ថ អព្យាកតា ធម្មា និរុជ្ឈិស្សន្តីតិ? អាមន្តា.

(ខ) យស្ស វា បន យត្ថ អព្យាកតា ធម្មា និរុជ្ឈិស្សន្តិ តស្ស តត្ថ អកុសលា ធម្មា ឧប្បជ្ជន្តីតិ?

សព្ពេសំ ចិត្តស្ស ភង្គក្ខណេ អកុសលវិប្បយុត្តចិត្តស្ស ឧប្បាទក្ខណេ អសញ្ញសត្តានំ តេសំ តត្ថ អព្យាកតា ធម្មា និរុជ្ឈិស្សន្តិ, នោ ច តេសំ តត្ថ អកុសលា ធម្មា ឧប្បជ្ជន្តិ. អកុសលានំ ឧប្បាទក្ខណេ តេសំ តត្ថ អព្យាកតា ច ធម្មា និរុជ្ឈិស្សន្តិ អកុសលា ច ធម្មា ឧប្បជ្ជន្តិ.

(ឃ) បច្ចនីកបុគ្គលោ

២១៤. (ក) យស្ស កុសលា ធម្មា ន ឧប្បជ្ជន្តិ តស្ស អកុសលា ធម្មា ន និរុជ្ឈិស្សន្តីតិ?

សព្ពេសំ ចិត្តស្ស ភង្គក្ខណេ កុសលវិប្បយុត្តចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ កុសលា ធម្មា ន ឧប្បជ្ជន្តិ, នោ ច តេសំ អកុសលា ធម្មា ន និរុជ្ឈិស្សន្តិ. អគ្គមគ្គស្ស ភង្គក្ខណេ អរហន្តានំ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ភង្គក្ខណេ តេសំ កុសលា ច ធម្មា ន ឧប្បជ្ជន្តិ អកុសលា ច ធម្មា ន និរុជ្ឈិស្សន្តិ.

(ខ) យស្ស វា បន អកុសលា ធម្មា ន និរុជ្ឈិស្សន្តិ តស្ស កុសលា ធម្មា ន ឧប្បជ្ជន្តីតិ?

អគ្គមគ្គស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ឧប្បាទក្ខណេ តេសំ អកុសលា ធម្មា ន និរុជ្ឈិស្សន្តិ, នោ ច តេសំ កុសលា ធម្មា ន ឧប្បជ្ជន្តិ. អគ្គមគ្គស្ស ភង្គក្ខណេ អរហន្តានំ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ភង្គក្ខណេ តេសំ អកុសលា ច ធម្មា ន និរុជ្ឈិស្សន្តិ កុសលា ច ធម្មា ន ឧប្បជ្ជន្តិ.

(ក) យស្ស កុសលា ធម្មា ន ឧប្បជ្ជន្តិ តស្ស អព្យាកតា ធម្មា ន និរុជ្ឈិស្សន្តីតិ?

សព្ពេសំ ចិត្តស្ស ភង្គក្ខណេ កុសលវិប្បយុត្តចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ កុសលា ធម្មា ន ឧប្បជ្ជន្តិ, នោ ច តេសំ អព្យាកតា ធម្មា ន និរុជ្ឈិស្សន្តិ. បច្ឆិមចិត្តស្ស ភង្គក្ខណេ តេសំ កុសលា ច ធម្មា ន ឧប្បជ្ជន្តិ អព្យាកតា ច ធម្មា ន និរុជ្ឈិស្សន្តិ.

(ខ) យស្ស វា បន អព្យាកតា ធម្មា ន និរុជ្ឈិស្សន្តិ តស្ស កុសលា ធម្មា ន ឧប្បជ្ជន្តីតិ? អាមន្តា.

២១៥. (ក) យស្ស អកុសលា ធម្មា ន ឧប្បជ្ជន្តិ តស្ស អព្យាកតា ធម្មា ន និរុជ្ឈិស្សន្តីតិ?

សព្ពេសំ ចិត្តស្ស ភង្គក្ខណេ អកុសលវិប្បយុត្តចិត្តស្ស ឧប្បាទក្ខណេ និរោធសមាបន្នានំ អសញ្ញសត្តានំ តេសំ អកុសលា ធម្មា ន ឧប្បជ្ជន្តិ, នោ ច តេសំ អព្យាកតា ធម្មា ន និរុជ្ឈិស្សន្តិ. បច្ឆិមចិត្តស្ស ភង្គក្ខណេ តេសំ អកុសលា ច ធម្មា ន ឧប្បជ្ជន្តិ អព្យាកតា ច ធម្មា ន និរុជ្ឈិស្សន្តិ.

(ខ) យស្ស វា បន អព្យាកតា ធម្មា ន និរុជ្ឈិស្សន្តិ តស្ស អកុសលា ធម្មា ន ឧប្បជ្ជន្តីតិ? អាមន្តា.

(ង) បច្ចនីកឱកាសោ

២១៦. យត្ថ កុសលា ធម្មា ន ឧប្បជ្ជន្តិ តត្ថ អកុសលា ធម្មា ន និរុជ្ឈិស្សន្តីតិ?…បេ….

(ច) បច្ចនីកបុគ្គលោកាសា

២១៧. (ក) យស្ស យត្ថ កុសលា ធម្មា ន ឧប្បជ្ជន្តិ តស្ស តត្ថ អកុសលា ធម្មា ន និរុជ្ឈិស្សន្តីតិ?

សព្ពេសំ ចិត្តស្ស ភង្គក្ខណេ កុសលវិប្បយុត្តចិត្តស្ស ឧប្បាទក្ខណេ តេសំ តត្ថ កុសលា ធម្មា ន ឧប្បជ្ជន្តិ, នោ ច តេសំ តត្ថ អកុសលា ធម្មា ន និរុជ្ឈិស្សន្តិ. អគ្គមគ្គស្ស ភង្គក្ខណេ អរហន្តានំ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ភង្គក្ខណេ អសញ្ញសត្តានំ តេសំ តត្ថ កុសលា ច ធម្មា ន ឧប្បជ្ជន្តិ អកុសលា ច ធម្មា ន និរុជ្ឈិស្សន្តិ.

(ខ) យស្ស វា បន យត្ថ អកុសលា ធម្មា ន និរុជ្ឈិស្សន្តិ តស្ស តត្ថ កុសលា ធម្មា ន ឧប្បជ្ជន្តីតិ?

អគ្គមគ្គស្ស ឧប្បាទក្ខណេ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ឧប្បាទក្ខណេ តេសំ តត្ថ អកុសលា ធម្មា ន និរុជ្ឈិស្សន្តិ, នោ ច តេសំ តត្ថ កុសលា ធម្មា ន ឧប្បជ្ជន្តិ. អគ្គមគ្គស្ស ភង្គក្ខណេ អរហន្តានំ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តស្ស ចិត្តស្ស ភង្គក្ខណេ អសញ្ញសត្តានំ តេសំ តត្ថ អកុសលា ច ធម្មា ន និរុជ្ឈិស្សន្តិ កុសលា ច ធម្មា ន ឧប្បជ្ជន្តិ.

(ក) យស្ស យត្ថ កុសលា ធម្មា ន ឧប្បជ្ជន្តិ តស្ស តត្ថ អព្យាកតា ធម្មា ន និរុជ្ឈិស្សន្តីតិ?

សព្ពេសំ ចិត្តស្ស ភង្គក្ខណេ កុសលវិប្បយុត្តចិត្តស្ស ឧប្បាទក្ខណេ អសញ្ញសត្តានំ តេសំ តត្ថ កុសលា ធម្មា ន ឧប្បជ្ជន្តិ, នោ ច តេសំ តត្ថ អព្យាកតា ធម្មា ន និរុជ្ឈិស្សន្តិ. បច្ឆិមចិត្តស្ស ភង្គក្ខណេ តេសំ តត្ថ កុសលា ច ធម្មា ន ឧប្បជ្ជន្តិ អព្យាកតា ច ធម្មា ន និរុជ្ឈិស្សន្តិ.

(ខ) យស្ស វា បន យត្ថ អព្យាកតា ធម្មា ន និរុជ្ឈិស្សន្តិ តស្ស តត្ថ កុសលា ធម្មា ន ឧប្បជ្ជន្តីតិ? អាមន្តា.

២១៨. (ក) យស្ស យត្ថ អកុសលា ធម្មា ន ឧប្បជ្ជន្តិ តស្ស តត្ថ អព្យាកតា ធម្មា ន និរុជ្ឈិស្សន្តីតិ?

សព្ពេសំ ចិត្តស្ស ភង្គក្ខណេ អកុសលវិប្បយុត្តចិត្តស្ស ឧប្បាទក្ខណេ អសញ្ញសត្តានំ តេសំ តត្ថ អកុសលា ធម្មា ន ឧប្បជ្ជន្តិ, នោ ច តេសំ តត្ថ អព្យាកតា ធម្មា ន និរុជ្ឈិស្សន្តិ. បច្ឆិមចិត្តស្ស ភង្គក្ខណេ តេសំ តត្ថ អកុសលា ច ធម្មា ន ឧប្បជ្ជន្តិ អព្យាកតា ច ធម្មា ន និរុជ្ឈិស្សន្តិ.

(ខ) យស្ស វា បន យត្ថ អព្យាកតា ធម្មា ន និរុជ្ឈិស្សន្តិ តស្ស តត្ថ អកុសលា ធម្មា ន ឧប្បជ្ជន្តីតិ? អាមន្តា.