(៦) អតីតានាគតវារោ

(ក) អនុលោមបុគ្គលោ

១៥៣. (ក) យស្ស កុសលា ធម្មា និរុជ្ឈិត្ថ តស្ស អកុសលា ធម្មា និរុជ្ឈិស្សន្តីតិ?

អគ្គមគ្គសមង្គីនំ អរហន្តានំ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តេសំ កុសលា ធម្មា និរុជ្ឈិត្ថ, នោ ច តេសំ អកុសលា ធម្មា និរុជ្ឈិស្សន្តិ. ឥតរេសំ តេសំ កុសលា ច ធម្មា និរុជ្ឈិត្ថ អកុសលា ច ធម្មា និរុជ្ឈិស្សន្តិ.

(ខ) យស្ស វា បន អកុសលា ធម្មា និរុជ្ឈិស្សន្តិ តស្ស កុសលា ធម្មា និរុជ្ឈិត្ថាតិ? អាមន្តា.

(ក) យស្ស កុសលា ធម្មា និរុជ្ឈិត្ថ តស្ស អព្យាកតា ធម្មា និរុជ្ឈិស្សន្តីតិ?

បច្ឆិមចិត្តស្ស ភង្គក្ខណេ តេសំ កុសលា ធម្មា និរុជ្ឈិត្ថ, នោ ច តេសំ អព្យាកតា ធម្មា និរុជ្ឈិស្សន្តិ. ឥតរេសំ តេសំ កុសលា ច ធម្មា និរុជ្ឈិត្ថ អព្យាកតា ច ធម្មា និរុជ្ឈិស្សន្តិ.

(ខ) យស្ស វា បន អព្យាកតា ធម្មា និរុជ្ឈិស្សន្តិ តស្ស កុសលា ធម្មា និរុជ្ឈិត្ថាតិ? អាមន្តា.

១៥៤. (ក) យស្ស អកុសលា ធម្មា និរុជ្ឈិត្ថ តស្ស អព្យាកតា ធម្មា និរុជ្ឈិស្សន្តីតិ?

បច្ឆិមចិត្តស្ស ភង្គក្ខណេ តេសំ អកុសលា ធម្មា និរុជ្ឈិត្ថ, នោ ច តេសំ អព្យាកតា ធម្មា និរុជ្ឈិស្សន្តិ. ឥតរេសំ តេសំ អកុសលា ច ធម្មា និរុជ្ឈិត្ថ អព្យាកតា ច ធម្មា និរុជ្ឈិស្សន្តិ.

(ខ) យស្ស វា បន អព្យាកតា ធម្មា និរុជ្ឈិស្សន្តិ តស្ស អកុសលា ធម្មា និរុជ្ឈិត្ថាតិ? អាមន្តា.

(ខ) អនុលោមឱកាសោ

១៥៥. យត្ថ កុសលា ធម្មា និរុជ្ឈិត្ថ តត្ថ អកុសលា ធម្មា និរុជ្ឈិស្សន្តីតិ?…បេ….

(គ) អនុលោមបុគ្គលោកាសា

១៥៦. (ក) យស្ស យត្ថ កុសលា ធម្មា និរុជ្ឈិត្ថ តស្ស តត្ថ អកុសលា ធម្មា និរុជ្ឈិស្សន្តីតិ?

អគ្គមគ្គសមង្គីនំ អរហន្តានំ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តេសំ តត្ថ កុសលា ធម្មា និរុជ្ឈិត្ថ, នោ ច តេសំ តត្ថ អកុសលា ធម្មា និរុជ្ឈិស្សន្តិ. ឥតរេសំ ចតុវោការានំ បញ្ចវោការានំ តេសំ តត្ថ កុសលា ច ធម្មា និរុជ្ឈិត្ថ អកុសលា ច ធម្មា និរុជ្ឈិស្សន្តិ.

(ខ) យស្ស វា បន យត្ថ អកុសលា ធម្មា និរុជ្ឈិស្សន្តិ តស្ស តត្ថ កុសលា ធម្មា និរុជ្ឈិត្ថាតិ?

សុទ្ធាវាសានំ ទុតិយេ ចិត្តេ វត្តមានេ តេសំ តត្ថ អកុសលា ធម្មា និរុជ្ឈិស្សន្តិ, នោ ច តេសំ តត្ថ កុសលា ធម្មា និរុជ្ឈិត្ថ. ឥតរេសំ ចតុវោការានំ បញ្ចវោការានំ តេសំ តត្ថ អកុសលា ច ធម្មា និរុជ្ឈិស្សន្តិ កុសលា ច ធម្មា និរុជ្ឈិត្ថ.

(ក) យស្ស យត្ថ កុសលា ធម្មា និរុជ្ឈិត្ថ តស្ស តត្ថ អព្យាកតា ធម្មា និរុជ្ឈិស្សន្តីតិ?

បច្ឆិមចិត្តស្ស ភង្គក្ខណេ តេសំ តត្ថ កុសលា ធម្មា និរុជ្ឈិត្ថ, នោ ច តេសំ តត្ថ អព្យាកតា ធម្មា និរុជ្ឈិស្សន្តិ. ឥតរេសំ ចតុវោការានំ បញ្ចវោការានំ តេសំ តត្ថ កុសលា ច ធម្មា និរុជ្ឈិត្ថ អព្យាកតា ច ធម្មា និរុជ្ឈិស្សន្តិ.

(ខ) យស្ស វា បន យត្ថ អព្យាកតា ធម្មា និរុជ្ឈិស្សន្តិ តស្ស តត្ថ កុសលា ធម្មា និរុជ្ឈិត្ថាតិ?

សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ អព្យាកតា ធម្មា និរុជ្ឈិស្សន្តិ, នោ ច តេសំ តត្ថ កុសលា ធម្មា និរុជ្ឈិត្ថ. ឥតរេសំ ចតុវោការានំ បញ្ចវោការានំ តេសំ តត្ថ អព្យាកតា ច ធម្មា និរុជ្ឈិស្សន្តិ កុសលា ច ធម្មា និរុជ្ឈិត្ថ.

១៥៧. (ក) យស្ស យត្ថ អកុសលា ធម្មា និរុជ្ឈិត្ថ តស្ស តត្ថ អព្យាកតា ធម្មា និរុជ្ឈិស្សន្តីតិ?

បច្ឆិមចិត្តស្ស ភង្គក្ខណេ តេសំ តត្ថ អកុសលា ធម្មា និរុជ្ឈិត្ថ, នោ ច តេសំ តត្ថ អព្យាកតា ធម្មា និរុជ្ឈិស្សន្តិ. ឥតរេសំ ចតុវោការានំ បញ្ចវោការានំ តេសំ តត្ថ អកុសលា ច ធម្មា និរុជ្ឈិត្ថ អព្យាកតា ច ធម្មា និរុជ្ឈិស្សន្តិ.

(ខ) យស្ស វា បន យត្ថ អព្យាកតា ធម្មា និរុជ្ឈិស្សន្តិ តស្ស តត្ថ អកុសលា ធម្មា និរុជ្ឈិត្ថាតិ?

សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ អព្យាកតា ធម្មា និរុជ្ឈិស្សន្តិ, នោ ច តេសំ តត្ថ អកុសលា ធម្មា និរុជ្ឈិត្ថ. ឥតរេសំ ចតុវោការានំ បញ្ចវោការានំ តេសំ តត្ថ អព្យាកតា ច ធម្មា និរុជ្ឈិស្សន្តិ អកុសលា ច ធម្មា និរុជ្ឈិត្ថ.

(ឃ) បច្ចនីកបុគ្គលោ

១៥៨. (ក) យស្ស កុសលា ធម្មា ន និរុជ្ឈិត្ថ តស្ស អកុសលា ធម្មា ន និរុជ្ឈិស្សន្តីតិ? នត្ថិ.

(ខ) យស្ស វា បន អកុសលា ធម្មា ន និរុជ្ឈិស្សន្តិ តស្ស កុសលា ធម្មា ន និរុជ្ឈិត្ថាតិ? និរុជ្ឈិត្ថ.

(ក) យស្ស កុសលា ធម្មា ន និរុជ្ឈិត្ថ តស្ស អព្យាកតា ធម្មា ន និរុជ្ឈិស្សន្តីតិ? នត្ថិ.

(ខ) យស្ស វា បន អព្យាកតា ធម្មា ន និរុជ្ឈិស្សន្តិ តស្ស កុសលា ធម្មា ន និរុជ្ឈិត្ថាតិ? និរុជ្ឈិត្ថ.

១៥៩. (ក) យស្ស អកុសលា ធម្មា ន និរុជ្ឈិត្ថ តស្ស អព្យាកតា ធម្មា ន និរុជ្ឈិស្សន្តីតិ? នត្ថិ.

(ខ) យស្ស វា បន អព្យាកតា ធម្មា ន និរុជ្ឈិស្សន្តិ តស្ស អកុសលា ធម្មា ន និរុជ្ឈិត្ថាតិ? និរុជ្ឈិត្ថ.

(ង) បច្ចនីកឱកាសោ

១៦០. យត្ថ កុសលា ធម្មា ន និរុជ្ឈិត្ថ តត្ថ អកុសលា ធម្មា ន និរុជ្ឈិស្សន្តីតិ?…បេ….

(ច) បច្ចនីកបុគ្គលោកាសា

១៦១. (ក) យស្ស យត្ថ កុសលា ធម្មា ន និរុជ្ឈិត្ថ តស្ស តត្ថ អកុសលា ធម្មា ន និរុជ្ឈិស្សន្តីតិ?

សុទ្ធាវាសានំ ទុតិយេ ចិត្តេ វត្តមានេ តេសំ តត្ថ កុសលា ធម្មា ន និរុជ្ឈិត្ថ, នោ ច តេសំ តត្ថ អកុសលា ធម្មា ន និរុជ្ឈិស្សន្តិ. អសញ្ញសត្តានំ តេសំ តត្ថ កុសលា ច ធម្មា ន និរុជ្ឈិត្ថ អកុសលា ច ធម្មា ន និរុជ្ឈិស្សន្តិ.

(ខ) យស្ស វា បន យត្ថ អកុសលា ធម្មា ន និរុជ្ឈិស្សន្តិ តស្ស តត្ថ កុសលា ធម្មា ន និរុជ្ឈិត្ថាតិ?

អគ្គមគ្គសមង្គីនំ អរហន្តានំ យស្ស ចិត្តស្ស អនន្តរា អគ្គមគ្គំ បដិលភិស្សន្តិ តេសំ តត្ថ អកុសលា ធម្មា ន និរុជ្ឈិស្សន្តិ, នោ ច តេសំ តត្ថ កុសលា ធម្មា ន និរុជ្ឈិត្ថ. អសញ្ញសត្តានំ តេសំ តត្ថ អកុសលា ច ធម្មា ន និរុជ្ឈិស្សន្តិ កុសលា ច ធម្មា ន និរុជ្ឈិត្ថ.

(ក) យស្ស យត្ថ កុសលា ធម្មា ន និរុជ្ឈិត្ថ តស្ស តត្ថ អព្យាកតា ធម្មា ន និរុជ្ឈិស្សន្តីតិ? និរុជ្ឈិស្សន្តិ.

(ខ) យស្ស វា បន យត្ថ អព្យាកតា ធម្មា ន និរុជ្ឈិស្សន្តិ តស្ស តត្ថ កុសលា ធម្មា ន និរុជ្ឈិត្ថាតិ? និរុជ្ឈិត្ថ.

១៦២. (ក) យស្ស យត្ថ អកុសលា ធម្មា ន និរុជ្ឈិត្ថ តស្ស តត្ថ អព្យាកតា ធម្មា ន និរុជ្ឈិស្សន្តីតិ? និរុជ្ឈិស្សន្តិ.

(ខ) យស្ស វា បន យត្ថ អព្យាកតា ធម្មា ន និរុជ្ឈិស្សន្តិ តស្ស តត្ថ អកុសលា ធម្មា ន និរុជ្ឈិត្ថាតិ? និរុជ្ឈិត្ថ.

និរោធវារោ.