(៤) បច្ចុប្បន្នាតីតវារោ

(ក) អនុលោមបុគ្គលោ

១៣៣. (ក) យស្ស កុសលា ធម្មា និរុជ្ឈន្តិ តស្ស អកុសលា ធម្មា និរុជ្ឈិត្ថាតិ? អាមន្តា.

(ខ) យស្ស វា បន អកុសលា ធម្មា និរុជ្ឈិត្ថ តស្ស កុសលា ធម្មា និរុជ្ឈន្តីតិ?

សព្ពេសំ ចិត្តស្ស ឧប្បាទក្ខណេ កុសលវិប្បយុត្តចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ អកុសលា ធម្មា និរុជ្ឈិត្ថ, នោ ច តេសំ កុសលា ធម្មា និរុជ្ឈន្តិ. កុសលានំ ភង្គក្ខណេ តេសំ អកុសលា ច ធម្មា និរុជ្ឈិត្ថ កុសលា ច ធម្មា និរុជ្ឈន្តិ.

(ក) យស្ស កុសលា ធម្មា និរុជ្ឈន្តិ តស្ស អព្យាកតា ធម្មា និរុជ្ឈិត្ថាតិ? អាមន្តា.

(ខ) យស្ស វា បន អព្យាកតា ធម្មា និរុជ្ឈិត្ថ តស្ស កុសលា ធម្មា និរុជ្ឈន្តីតិ?

សព្ពេសំ ចិត្តស្ស ឧប្បាទក្ខណេ កុសលវិប្បយុត្តចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ អព្យាកតា ធម្មា និរុជ្ឈិត្ថ, នោ ច តេសំ កុសលា ធម្មា និរុជ្ឈន្តិ. កុសលានំ ភង្គក្ខណេ តេសំ អព្យាកតា ច ធម្មា និរុជ្ឈិត្ថ កុសលា ច ធម្មា និរុជ្ឈន្តិ.

១៣៤. (ក) យស្ស អកុសលា ធម្មា និរុជ្ឈន្តិ តស្ស អព្យាកតា ធម្មា និរុជ្ឈិត្ថាតិ? អាមន្តា.

(ខ) យស្ស វា បន អព្យាកតា ធម្មា និរុជ្ឈិត្ថ តស្ស អកុសលា ធម្មា និរុជ្ឈន្តីតិ?

សព្ពេសំ ចិត្តស្ស ឧប្បាទក្ខណេ អកុសលវិប្បយុត្តចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ អព្យាកតា ធម្មា និរុជ្ឈិត្ថ, នោ ច តេសំ អកុសលា ធម្មា និរុជ្ឈន្តិ. អកុសលានំ ភង្គក្ខណេ តេសំ អព្យាកតា ច ធម្មា និរុជ្ឈិត្ថ អកុសលា ច ធម្មា និរុជ្ឈន្តិ.

(ខ) អនុលោមឱកាសោ

១៣៥. យត្ថ កុសលា ធម្មា និរុជ្ឈន្តិ តត្ថ អកុសលា ធម្មា និរុជ្ឈិត្ថាតិ?…បេ….

(គ) អនុលោមបុគ្គលោកាសា

១៣៦. (ក) យស្ស យត្ថ កុសលា ធម្មា និរុជ្ឈន្តិ តស្ស តត្ថ អកុសលា ធម្មា និរុជ្ឈិត្ថាតិ? អាមន្តា.

(ខ) យស្ស វា បន យត្ថ អកុសលា ធម្មា និរុជ្ឈិត្ថ តស្ស តត្ថ កុសលា ធម្មា និរុជ្ឈន្តីតិ?

សព្ពេសំ ចិត្តស្ស ឧប្បាទក្ខណេ កុសលវិប្បយុត្តចិត្តស្ស ភង្គក្ខណេ តេសំ តត្ថ អកុសលា ធម្មា និរុជ្ឈិត្ថ, នោ ច តេសំ តត្ថ កុសលា ធម្មា និរុជ្ឈន្តិ. កុសលានំ ភង្គក្ខណេ តេសំ តត្ថ អកុសលា ច ធម្មា និរុជ្ឈិត្ថ កុសលា ច ធម្មា និរុជ្ឈន្តិ.

(ក) យស្ស យត្ថ កុសលា ធម្មា និរុជ្ឈន្តិ តស្ស តត្ថ អព្យាកតា ធម្មា និរុជ្ឈិត្ថាតិ? អាមន្តា.

(ខ) យស្ស វា បន យត្ថ អព្យាកតា ធម្មា និរុជ្ឈិត្ថ តស្ស តត្ថ កុសលា ធម្មា និរុជ្ឈន្តីតិ?

សព្ពេសំ ចិត្តស្ស ឧប្បាទក្ខណេ កុសលវិប្បយុត្តចិត្តស្ស ភង្គក្ខណេ អសញ្ញសត្តានំ តេសំ តត្ថ អព្យាកតា ធម្មា និរុជ្ឈិត្ថ, នោ ច តេសំ តត្ថ កុសលា ធម្មា និរុជ្ឈន្តិ. កុសលានំ ភង្គក្ខណេ តេសំ តត្ថ អព្យាកតា ច ធម្មា និរុជ្ឈិត្ថ កុសលា ច ធម្មា និរុជ្ឈន្តិ.

១៣៧. (ក) យស្ស យត្ថ អកុសលា ធម្មា និរុជ្ឈន្តិ តស្ស តត្ថ អព្យាកតា ធម្មា និរុជ្ឈិត្ថាតិ? អាមន្តា.

(ខ) យស្ស វា បន យត្ថ អព្យាកតា ធម្មា និរុជ្ឈិត្ថ តស្ស តត្ថ អកុសលា ធម្មា និរុជ្ឈន្តីតិ?

សព្ពេសំ ចិត្តស្ស ឧប្បាទក្ខណេ អកុសលវិប្បយុត្តចិត្តស្ស ភង្គក្ខណេ អសញ្ញសត្តានំ តេសំ តត្ថ អព្យាកតា ធម្មា និរុជ្ឈិត្ថ, នោ ច តេសំ តត្ថ អកុសលា ធម្មា និរុជ្ឈន្តិ. អកុសលានំ ភង្គក្ខណេ តេសំ តត្ថ អព្យាកតា ច ធម្មា និរុជ្ឈិត្ថ អកុសលា ច ធម្មា និរុជ្ឈន្តិ.

(ឃ) បច្ចនីកបុគ្គលោ

១៣៨. (ក) យស្ស កុសលា ធម្មា ន និរុជ្ឈន្តិ តស្ស អកុសលា ធម្មា ន និរុជ្ឈិត្ថាតិ? និរុជ្ឈិត្ថ.

(ខ) យស្ស វា បន អកុសលា ធម្មា ន និរុជ្ឈិត្ថ តស្ស កុសលា ធម្មា ន និរុជ្ឈន្តីតិ? នត្ថិ.

(ក) យស្ស កុសលា ធម្មា ន និរុជ្ឈន្តិ តស្ស អព្យាកតា ធម្មា ន និរុជ្ឈិត្ថាតិ? និរុជ្ឈិត្ថ.

(ខ) យស្ស វា បន អព្យាកតា ធម្មា ន និរុជ្ឈិត្ថ តស្ស កុសលា ធម្មា ន និរុជ្ឈន្តីតិ? នត្ថិ.

១៣៩. (ក) យស្ស អកុសលា ធម្មា ន និរុជ្ឈន្តិ តស្ស អព្យាកតា ធម្មា ន និរុជ្ឈិត្ថាតិ? និរុជ្ឈិត្ថ.

(ខ) យស្ស វា បន អព្យាកតា ធម្មា ន និរុជ្ឈិត្ថ តស្ស អកុសលា ធម្មា ន និរុជ្ឈន្តីតិ? នត្ថិ.

(ង) បច្ចនីកឱកាសោ

១៤០. យត្ថ កុសលា ធម្មា ន និរុជ្ឈន្តិ តត្ថ អកុសលា ធម្មា ន និរុជ្ឈិត្ថាតិ?…បេ….

(ច) បច្ចនីកបុគ្គលោកាសា

១៤១. (ក) យស្ស យត្ថ កុសលា ធម្មា ន និរុជ្ឈន្តិ តស្ស តត្ថ អកុសលា ធម្មា ន និរុជ្ឈិត្ថាតិ?

សព្ពេសំ ចិត្តស្ស ឧប្បាទក្ខណេ កុសលវិប្បយុត្តចិត្តស្ស ភង្គក្ខណេ តេសំ តត្ថ កុសលា ធម្មា ន និរុជ្ឈន្តិ, នោ ច តេសំ តត្ថ អកុសលា ធម្មា ន និរុជ្ឈិត្ថ. សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ កុសលា ច ធម្មា ន និរុជ្ឈន្តិ អកុសលា ច ធម្មា ន និរុជ្ឈិត្ថ.

(ខ) យស្ស វា បន យត្ថ អកុសលា ធម្មា ន និរុជ្ឈិត្ថ តស្ស តត្ថ កុសលា ធម្មា ន និរុជ្ឈន្តីតិ? អាមន្តា.

(ក) យស្ស យត្ថ កុសលា ធម្មា ន និរុជ្ឈន្តិ តស្ស តត្ថ អព្យាកតា ធម្មា ន និរុជ្ឈិត្ថាតិ?

សព្ពេសំ ចិត្តស្ស ឧប្បាទក្ខណេ កុសលវិប្បយុត្តចិត្តស្ស ភង្គក្ខណេ អសញ្ញសត្តានំ តេសំ តត្ថ កុសលា ធម្មា ន និរុជ្ឈន្តិ, នោ ច តេសំ តត្ថ អព្យាកតា ធម្មា ន និរុជ្ឈិត្ថ. សុទ្ធាវាសំ ឧបបជ្ជន្តានំ តេសំ តត្ថ កុសលា ច ធម្មា ន និរុជ្ឈន្តិ អព្យាកតា ច ធម្មា ន និរុជ្ឈិត្ថ.

(ខ) យស្ស វា បន យត្ថ អព្យាកតា ធម្មា ន និរុជ្ឈិត្ថ តស្ស តត្ថ កុសលា ធម្មា ន និរុជ្ឈន្តីតិ? អាមន្តា.

១៤២. (ក) យស្ស យត្ថ អកុសលា ធម្មា ន និរុជ្ឈន្តិ តស្ស តត្ថ អព្យាកតា ធម្មា ន និរុជ្ឈិត្ថាតិ?

សព្ពេសំ ចិត្តស្ស ឧប្បាទក្ខណេ អកុសលវិប្បយុត្តចិត្តស្ស ភង្គក្ខណេ អសញ្ញសត្តានំ តេសំ តត្ថ អកុសលា ធម្មា ន និរុជ្ឈន្តិ, នោ ច តេសំ តត្ថ អព្យាកតា ធម្មា ន និរុជ្ឈិត្ថ. សុទ្ធាវាសំ ឧបបជ្ជន្តានំ តេសំ តត្ថ អកុសលា ច ធម្មា ន និរុជ្ឈន្តិ អព្យាកតា ច ធម្មា ន និរុជ្ឈិត្ថ.

(ខ) យស្ស វា បន យត្ថ អព្យាកតា ធម្មា ន និរុជ្ឈិត្ថ តស្ស តត្ថ អកុសលា ធម្មា ន និរុជ្ឈន្តីតិ? អាមន្តា.