(១) បច្ចុប្បន្នវារោ

(ក) អនុលោមបុគ្គលោ

៩៩. (ក) យស្ស កុសលា ធម្មា និរុជ្ឈន្តិ តស្ស អកុសលា ធម្មា និរុជ្ឈន្តីតិ? នោ.

(ខ) យស្ស វា បន អកុសលា ធម្មា និរុជ្ឈន្តិ តស្ស កុសលា ធម្មា និរុជ្ឈន្តីតិ? នោ.

(ក) យស្ស កុសលា ធម្មា និរុជ្ឈន្តិ តស្ស អព្យាកតា ធម្មា និរុជ្ឈន្តីតិ?

អរូបេ កុសលានំ ភង្គក្ខណេ តេសំ កុសលា ធម្មា និរុជ្ឈន្តិ, នោ ច តេសំ អព្យាកតា ធម្មា និរុជ្ឈន្តិ. បញ្ចវោការេ កុសលានំ ភង្គក្ខណេ តេសំ កុសលា ច ធម្មា និរុជ្ឈន្តិ អព្យាកតា ច ធម្មា និរុជ្ឈន្តិ.

(ខ) យស្ស វា បន អព្យាកតា ធម្មា និរុជ្ឈន្តិ តស្ស កុសលា ធម្មា និរុជ្ឈន្តីតិ?

សព្ពេសំ ចវន្តានំ បវត្តេ កុសលវិប្បយុត្តចិត្តស្ស ភង្គក្ខណេ តេសំ អព្យាកតា ធម្មា និរុជ្ឈន្តិ, នោ ច តេសំ កុសលា ធម្មា និរុជ្ឈន្តិ. បញ្ចវោការេ កុសលានំ ភង្គក្ខណេ តេសំ អព្យាកតា ច ធម្មា និរុជ្ឈន្តិ កុសលា ច ធម្មា និរុជ្ឈន្តិ.

១០០. (ក) យស្ស អកុសលា ធម្មា និរុជ្ឈន្តិ តស្ស អព្យាកតា ធម្មា និរុជ្ឈន្តីតិ?

អរូបេ អកុសលានំ ភង្គក្ខណេ តេសំ អកុសលា ធម្មា និរុជ្ឈន្តិ, នោ ច តេសំ អព្យាកតា ធម្មា និរុជ្ឈន្តិ. បញ្ចវោការេ អកុសលានំ ភង្គក្ខណេ តេសំ អកុសលា ច ធម្មា និរុជ្ឈន្តិ អព្យាកតា ច ធម្មា និរុជ្ឈន្តិ.

(ខ) យស្ស វា បន អព្យាកតា ធម្មា និរុជ្ឈន្តិ តស្ស អកុសលា ធម្មា និរុជ្ឈន្តីតិ?

សព្ពេសំ ចវន្តានំ បវត្តេ អកុសលវិប្បយុត្តចិត្តស្ស ភង្គក្ខណេ តេសំ អព្យាកតា ធម្មា និរុជ្ឈន្តិ, នោ ច តេសំ អកុសលា ធម្មា និរុជ្ឈន្តិ. បញ្ចវោការេ អកុសលានំ ភង្គក្ខណេ តេសំ អព្យាកតា ច ធម្មា និរុជ្ឈន្តិ អកុសលា ច ធម្មា និរុជ្ឈន្តិ.

(ខ) អនុលោមឱកាសោ

១០១. (ក) យត្ថ កុសលា ធម្មា និរុជ្ឈន្តិ តត្ថ អកុសលា ធម្មា និរុជ្ឈន្តីតិ? អាមន្តា.

(ខ) យត្ថ វា បន អកុសលា ធម្មា និរុជ្ឈន្តិ តត្ថ កុសលា ធម្មា និរុជ្ឈន្តីតិ? អាមន្តា.

(ក) យត្ថ កុសលា ធម្មា និរុជ្ឈន្តិ តត្ថ អព្យាកតា ធម្មា និរុជ្ឈន្តីតិ? អាមន្តា.

(ខ) យត្ថ វា បន អព្យាកតា ធម្មា និរុជ្ឈន្តិ តត្ថ កុសលា ធម្មា និរុជ្ឈន្តីតិ?

អសញ្ញសត្តេ តត្ថ អព្យាកតា ធម្មា និរុជ្ឈន្តិ, នោ ច តត្ថ កុសលា ធម្មា និរុជ្ឈន្តិ. ចតុវោការេ បញ្ចវោការេ តត្ថ អព្យាកតា ច ធម្មា និរុជ្ឈន្តិ កុសលា ច ធម្មា និរុជ្ឈន្តិ.

១០២. (ក) យត្ថ អកុសលា ធម្មា និរុជ្ឈន្តិ តត្ថ អព្យាកតា ធម្មា និរុជ្ឈន្តីតិ? អាមន្តា.

(ខ) យត្ថ វា បន អព្យាកតា ធម្មា និរុជ្ឈន្តិ តត្ថ អកុសលា ធម្មា និរុជ្ឈន្តីតិ?

អសញ្ញសត្តេ តត្ថ អព្យាកតា ធម្មា និរុជ្ឈន្តិ, នោ ច តត្ថ អកុសលា ធម្មា និរុជ្ឈន្តិ. ចតុវោការេ បញ្ចវោការេ តត្ថ អព្យាកតា ច ធម្មា និរុជ្ឈន្តិ អកុសលា ច ធម្មា និរុជ្ឈន្តិ.

(គ) អនុលោមបុគ្គលោកាសា

១០៣. (ក) យស្ស យត្ថ កុសលា ធម្មា និរុជ្ឈន្តិ តស្ស តត្ថ អកុសលា ធម្មា និរុជ្ឈន្តីតិ? នោ.

(ខ) យស្ស វា បន យត្ថ អកុសលា ធម្មា និរុជ្ឈន្តិ តស្ស តត្ថ កុសលា ធម្មា និរុជ្ឈន្តីតិ? នោ.

(ក) យស្ស យត្ថ កុសលា ធម្មា និរុជ្ឈន្តិ តស្ស តត្ថ អព្យាកតា ធម្មា និរុជ្ឈន្តីតិ?

អរូបេ កុសលានំ ភង្គក្ខណេ តេសំ តត្ថ កុសលា ធម្មា និរុជ្ឈន្តិ, នោ ច តេសំ តត្ថ អព្យាកតា ធម្មា និរុជ្ឈន្តិ. បញ្ចវោការេ កុសលានំ ភង្គក្ខណេ តេសំ តត្ថ កុសលា ច ធម្មា និរុជ្ឈន្តិ អព្យាកតា ច ធម្មា និរុជ្ឈន្តិ.

(ខ) យស្ស វា បន យត្ថ អព្យាកតា ធម្មា និរុជ្ឈន្តិ តស្ស តត្ថ កុសលា ធម្មា និរុជ្ឈន្តីតិ?

សព្ពេសំ ចវន្តានំ បវត្តេ កុសលវិប្បយុត្តចិត្តស្ស ភង្គក្ខណេ តេសំ តត្ថ អព្យាកតា ធម្មា និរុជ្ឈន្តិ, នោ ច តេសំ តត្ថ កុសលា ធម្មា និរុជ្ឈន្តិ. បញ្ចវោការេ កុសលានំ ភង្គក្ខណេ តេសំ តត្ថ អព្យាកតា ច ធម្មា និរុជ្ឈន្តិ កុសលា ច ធម្មា និរុជ្ឈន្តិ.

១០៤. (ក) យស្ស យត្ថ អកុសលា ធម្មា និរុជ្ឈន្តិ តស្ស តត្ថ អព្យាកតា ធម្មា និរុជ្ឈន្តីតិ?

អរូបេ អកុសលានំ ភង្គក្ខណេ តេសំ តត្ថ អកុសលា ធម្មា និរុជ្ឈន្តិ, នោ ច តេសំ តត្ថ អព្យាកតា ធម្មា និរុជ្ឈន្តិ. បញ្ចវោការេ អកុសលានំ ភង្គក្ខណេ តេសំ តត្ថ អកុសលា ច ធម្មា និរុជ្ឈន្តិ អព្យាកតា ច ធម្មា និរុជ្ឈន្តិ.

(ខ) យស្ស វា បន យត្ថ អព្យាកតា ធម្មា និរុជ្ឈន្តិ តស្ស តត្ថ អកុសលា ធម្មា និរុជ្ឈន្តីតិ?

សព្ពេសំ ចវន្តានំ បវត្តេ អកុសលវិប្បយុត្តចិត្តស្ស ភង្គក្ខណេ តេសំ តត្ថ អព្យាកតា ធម្មា និរុជ្ឈន្តិ, នោ ច តេសំ តត្ថ អកុសលា ធម្មា និរុជ្ឈន្តិ. បញ្ចវោការេ អកុសលានំ ភង្គក្ខណេ តេសំ តត្ថ អព្យាកតា ច ធម្មា និរុជ្ឈន្តិ អកុសលា ច ធម្មា និរុជ្ឈន្តិ.

(ឃ) បច្ចនីកបុគ្គលោ

១០៥. (ក) យស្ស កុសលា ធម្មា ន និរុជ្ឈន្តិ តស្ស អកុសលា ធម្មា ន និរុជ្ឈន្តីតិ?

អកុសលានំ ភង្គក្ខណេ តេសំ កុសលា ធម្មា ន និរុជ្ឈន្តិ, នោ ច តេសំ អកុសលា ធម្មា ន និរុជ្ឈន្តិ. សព្ពេសំ ចិត្តស្ស ឧប្បាទក្ខណេ កុសលវិប្បយុត្តអកុសលវិប្បយុត្តចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ កុសលា ច ធម្មា ន និរុជ្ឈន្តិ អកុសលា ច ធម្មា ន និរុជ្ឈន្តិ.

(ខ) យស្ស វា បន អកុសលា ធម្មា ន និរុជ្ឈន្តិ តស្ស កុសលា ធម្មា ន និរុជ្ឈន្តីតិ?

កុសលានំ ភង្គក្ខណេ តេសំ អកុសលា ធម្មា ន និរុជ្ឈន្តិ, នោ ច តេសំ កុសលា ធម្មា ន និរុជ្ឈន្តិ. សព្ពេសំ ចិត្តស្ស ឧប្បាទក្ខណេ អកុសលវិប្បយុត្តកុសលវិប្បយុត្តចិត្តស្ស ភង្គក្ខណេ និរោធសមាបន្នានំ អសញ្ញសត្តានំ តេសំ អកុសលា ច ធម្មា ន និរុជ្ឈន្តិ កុសលា ច ធម្មា ន និរុជ្ឈន្តិ.

(ក) យស្ស កុសលា ធម្មា ន និរុជ្ឈន្តិ តស្ស អព្យាកតា ធម្មា ន និរុជ្ឈន្តីតិ?

សព្ពេសំ ចវន្តានំ បវត្តេ កុសលវិប្បយុត្តចិត្តស្ស ភង្គក្ខណេ តេសំ កុសលា ធម្មា ន និរុជ្ឈន្តិ, នោ ច តេសំ អព្យាកតា ធម្មា ន និរុជ្ឈន្តិ. សព្ពេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ អកុសលានំ ភង្គក្ខណេ តេសំ កុសលា ច ធម្មា ន និរុជ្ឈន្តិ អព្យាកតា ច ធម្មា ន និរុជ្ឈន្តិ.

(ខ) យស្ស វា បន អព្យាកតា ធម្មា ន និរុជ្ឈន្តិ តស្ស កុសលា ធម្មា ន និរុជ្ឈន្តីតិ?

អរូបេ កុសលានំ ភង្គក្ខណេ តេសំ អព្យាកតា ធម្មា ន និរុជ្ឈន្តិ, នោ ច តេសំ កុសលា ធម្មា ន និរុជ្ឈន្តិ. សព្ពេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ អកុសលានំ ភង្គក្ខណេ តេសំ អព្យាកតា ច ធម្មា ន និរុជ្ឈន្តិ កុសលា ច ធម្មា ន និរុជ្ឈន្តិ.

១០៦. (ក) យស្ស អកុសលា ធម្មា ន និរុជ្ឈន្តិ តស្ស អព្យាកតា ធម្មា ន និរុជ្ឈន្តីតិ?

សព្ពេសំ ចវន្តានំ បវត្តេ អកុសលវិប្បយុត្តចិត្តស្ស ភង្គក្ខណេ តេសំ អកុសលា ធម្មា ន និរុជ្ឈន្តិ, នោ ច តេសំ អព្យាកតា ធម្មា ន និរុជ្ឈន្តិ. សព្ពេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ កុសលានំ ភង្គក្ខណេ តេសំ អកុសលា ច ធម្មា ន និរុជ្ឈន្តិ អព្យាកតា ច ធម្មា ន និរុជ្ឈន្តិ.

(ខ) យស្ស វា បន អព្យាកតា ធម្មា ន និរុជ្ឈន្តិ តស្ស អកុសលា ធម្មា ន និរុជ្ឈន្តីតិ?

អរូបេ អកុសលានំ ភង្គក្ខណេ តេសំ អព្យាកតា ធម្មា ន និរុជ្ឈន្តិ, នោ ច តេសំ អកុសលា ធម្មា ន និរុជ្ឈន្តិ. សព្ពេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ កុសលានំ ភង្គក្ខណេ តេសំ អព្យាកតា ច ធម្មា ន និរុជ្ឈន្តិ អកុសលា ច ធម្មា ន និរុជ្ឈន្តិ.

(ង) បច្ចនីកឱកាសោ

១០៧. (ក) យត្ថ កុសលា ធម្មា ន និរុជ្ឈន្តិ តត្ថ អកុសលា ធម្មា ន និរុជ្ឈន្តីតិ? អាមន្តា.

(ខ) យត្ថ វា បន អកុសលា ធម្មា ន និរុជ្ឈន្តិ តត្ថ កុសលា ធម្មា ន និរុជ្ឈន្តីតិ? អាមន្តា.

(ក) យត្ថ កុសលា ធម្មា ន និរុជ្ឈន្តិ តត្ថ អព្យាកតា ធម្មា ន និរុជ្ឈន្តីតិ? និរុជ្ឈន្តិ.

(ខ) យត្ថ វា បន អព្យាកតា ធម្មា ន និរុជ្ឈន្តិ តត្ថ កុសលា ធម្មា ន និរុជ្ឈន្តីតិ? នត្ថិ.

១០៨. (ក) យត្ថ អកុសលា ធម្មា ន និរុជ្ឈន្តិ តត្ថ អព្យាកតា ធម្មា ន និរុជ្ឈន្តីតិ? និរុជ្ឈន្តិ.

(ខ) យត្ថ វា បន អព្យាកតា ធម្មា ន និរុជ្ឈន្តិ តត្ថ អកុសលា ធម្មា ន និរុជ្ឈន្តីតិ? នត្ថិ.

(ច) បច្ចនីកបុគ្គលោកាសា

១០៩. (ក) យស្ស យត្ថ កុសលា ធម្មា ន និរុជ្ឈន្តិ តស្ស តត្ថ អកុសលា ធម្មា ន និរុជ្ឈន្តីតិ?

អកុសលានំ ភង្គក្ខណេ តេសំ តត្ថ កុសលា ធម្មា ន និរុជ្ឈន្តិ, នោ ច តេសំ តត្ថ អកុសលា ធម្មា ន និរុជ្ឈន្តិ. សព្ពេសំ ចិត្តស្ស ឧប្បាទក្ខណេ កុសលវិប្បយុត្តអកុសលវិប្បយុត្តចិត្តស្ស ភង្គក្ខណេ អសញ្ញសត្តានំ តេសំ តត្ថ កុសលា ច ធម្មា ន និរុជ្ឈន្តិ អកុសលា ច ធម្មា ន និរុជ្ឈន្តិ.

(ខ) យស្ស វា បន យត្ថ អកុសលា ធម្មា ន និរុជ្ឈន្តិ តស្ស តត្ថ កុសលា ធម្មា ន និរុជ្ឈន្តីតិ?

កុសលានំ ភង្គក្ខណេ តេសំ តត្ថ អកុសលា ធម្មា ន និរុជ្ឈន្តិ, នោ ច តេសំ តត្ថ កុសលា ធម្មា ន និរុជ្ឈន្តិ. សព្ពេសំ ចិត្តស្ស ឧប្បាទក្ខណេ អកុសលវិប្បយុត្តកុសលវិប្បយុត្តចិត្តស្ស ភង្គក្ខណេ អសញ្ញសត្តានំ តេសំ តត្ថ អកុសលា ច ធម្មា ន និរុជ្ឈន្តិ កុសលា ច ធម្មា ន និរុជ្ឈន្តិ.

(ក) យស្ស យត្ថ កុសលា ធម្មា ន និរុជ្ឈន្តិ តស្ស តត្ថ អព្យាកតា ធម្មា ន និរុជ្ឈន្តីតិ?

សព្ពេសំ ចវន្តានំ បវត្តេ កុសលវិប្បយុត្តចិត្តស្ស ភង្គក្ខណេ តេសំ តត្ថ កុសលា ធម្មា ន និរុជ្ឈន្តិ, នោ ច តេសំ តត្ថ អព្យាកតា ធម្មា ន និរុជ្ឈន្តិ. សព្ពេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ អកុសលានំ ភង្គក្ខណេ តេសំ តត្ថ កុសលា ច ធម្មា ន និរុជ្ឈន្តិ អព្យាកតា ច ធម្មា ន និរុជ្ឈន្តិ.

(ខ) យស្ស វា បន យត្ថ អព្យាកតា ធម្មា ន និរុជ្ឈន្តិ តស្ស តត្ថ កុសលា ធម្មា ន និរុជ្ឈន្តីតិ?

អរូបេ កុសលានំ ភង្គក្ខណេ តេសំ តត្ថ អព្យាកតា ធម្មា ន និរុជ្ឈន្តិ, នោ ច តេសំ តត្ថ កុសលា ធម្មា ន និរុជ្ឈន្តិ. សព្ពេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ អកុសលានំ ភង្គក្ខណេ តេសំ តត្ថ អព្យាកតា ច ធម្មា ន និរុជ្ឈន្តិ កុសលា ច ធម្មា ន និរុជ្ឈន្តិ.

១១០. (ក) យស្ស យត្ថ អកុសលា ធម្មា ន និរុជ្ឈន្តិ តស្ស តត្ថ អព្យាកតា ធម្មា ន និរុជ្ឈន្តីតិ?

សព្ពេសំ ចវន្តានំ បវត្តេ អកុសលវិប្បយុត្តចិត្តស្ស ភង្គក្ខណេ តេសំ តត្ថ អកុសលា ធម្មា ន និរុជ្ឈន្តិ, នោ ច តេសំ តត្ថ អព្យាកតា ធម្មា ន និរុជ្ឈន្តិ. សព្ពេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ កុសលានំ ភង្គក្ខណេ តេសំ តត្ថ អកុសលា ច ធម្មា ន និរុជ្ឈន្តិ អព្យាកតា ច ធម្មា ន និរុជ្ឈន្តិ.

(ខ) យស្ស វា បន យត្ថ អព្យាកតា ធម្មា ន និរុជ្ឈន្តិ តស្ស តត្ថ អកុសលា ធម្មា ន និរុជ្ឈន្តីតិ?

អរូបេ អកុសលានំ ភង្គក្ខណេ តេសំ តត្ថ អព្យាកតា ធម្មា ន និរុជ្ឈន្តិ, នោ ច តេសំ តត្ថ អកុសលា ធម្មា ន និរុជ្ឈន្តិ. សព្ពេសំ ឧបបជ្ជន្តានំ បវត្តេ ចិត្តស្ស ឧប្បាទក្ខណេ អរូបេ កុសលានំ ភង្គក្ខណេ តេសំ តត្ថ អព្យាកតា ច ធម្មា ន និរុជ្ឈន្តិ អកុសលា ច ធម្មា ន និរុជ្ឈន្តិ.