៣. បុគ្គលធម្មវារោ
(១) ឧប្បាទនិរោធកាលសម្ភេទវារោ
៤១. (ក) យស្ស យំ ចិត្តំ ឧប្បជ្ជតិ ន និរុជ្ឈតិ តស្ស តំ ចិត្តំ និរុជ្ឈិស្សតិ ន ឧប្បជ្ជិស្សតិ?
(ខ) យស្ស វា បន យំ ចិត្តំ និរុជ្ឈិស្សតិ ន ឧប្បជ្ជិស្សតិ តស្ស តំ ចិត្តំ ឧប្បជ្ជតិ ន និរុជ្ឈតិ?
(ក) យស្ស យំ ចិត្តំ ន ឧប្បជ្ជតិ និរុជ្ឈតិ តស្ស តំ ចិត្តំ ន និរុជ្ឈិស្សតិ ឧប្បជ្ជិស្សតិ?
(ខ) យស្ស វា បន យំ ចិត្តំ ន និរុជ្ឈិស្សតិ ឧប្បជ្ជិស្សតិ តស្ស តំ ចិត្តំ ន ឧប្បជ្ជតិ និរុជ្ឈតិ?
(២) ឧប្បាទុប្បន្នវារោ
៤២. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ ឧប្បន្នំ?
(ខ) យស្ស វា បន យំ ចិត្តំ ឧប្បន្នំ តស្ស តំ ចិត្តំ ឧប្បជ្ជតិ?
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន ឧប្បន្នំ?
(ខ) យស្ស វា បន យំ ចិត្តំ ន ឧប្បន្នំ តស្ស តំ ចិត្តំ ន ឧប្បជ្ជតិ?
(៣) និរោធុប្បន្នវារោ
៤៣. (ក) យស្ស យំ ចិត្តំ និរុជ្ឈតិ តស្ស តំ ចិត្តំ ឧប្បន្នំ?
(ខ) យស្ស វា បន យំ ចិត្តំ ឧប្បន្នំ តស្ស តំ ចិត្តំ និរុជ្ឈតិ?
(ក) យស្ស យំ ចិត្តំ ន និរុជ្ឈតិ តស្ស តំ ចិត្តំ ន ឧប្បន្នំ?
(ខ) យស្ស វា បន យំ ចិត្តំ ន ឧប្បន្នំ តស្ស តំ ចិត្តំ ន និរុជ្ឈតិ?
(៤) ឧប្បាទវារោ
៤៤. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ ឧប្បជ្ជិត្ថ?
(ខ) យស្ស វា បន យំ ចិត្តំ ឧប្បជ្ជិត្ថ តស្ស តំ ចិត្តំ ឧប្បជ្ជតិ?
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន ឧប្បជ្ជិត្ថ?
(ខ) យស្ស វា បន យំ ចិត្តំ ន ឧប្បជ្ជិត្ថ តស្ស តំ ចិត្តំ ន ឧប្បជ្ជតិ?
៤៥. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ ឧប្បជ្ជិស្សតិ?
(ខ) យស្ស វា បន យំ ចិត្តំ ឧប្បជ្ជិស្សតិ តស្ស តំ ចិត្តំ ឧប្បជ្ជតិ?
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន ឧប្បជ្ជិស្សតិ?
(ខ) យស្ស វា បន យំ ចិត្តំ ន ឧប្បជ្ជិស្សតិ តស្ស តំ ចិត្តំ ន ឧប្បជ្ជតិ?
៤៦. (ក) យស្ស យំ ចិត្តំ ឧប្បជ្ជិត្ថ តស្ស តំ ចិត្តំ ឧប្បជ្ជិស្សតិ?
(ខ) យស្ស វា បន យំ ចិត្តំ ឧប្បជ្ជិស្សតិ តស្ស តំ ចិត្តំ ឧប្បជ្ជិត្ថ?
(ក) យស្ស យំ ចិត្តំ ន ឧប្បជ្ជិត្ថ តស្ស តំ ចិត្តំ ន ឧប្បជ្ជិស្សតិ?
(ខ) យស្ស វា បន យំ ចិត្តំ ន ឧប្បជ្ជិស្សតិ តស្ស តំ ចិត្តំ ន ឧប្បជ្ជិត្ថ?
(៥) និរោធវារោ
៤៧. (ក) យស្ស យំ ចិត្តំ និរុជ្ឈតិ តស្ស តំ ចិត្តំ និរុជ្ឈិត្ថ?
(ខ) យស្ស វា បន យំ ចិត្តំ និរុជ្ឈិត្ថ តស្ស តំ ចិត្តំ និរុជ្ឈតិ?
(ក) យស្ស យំ ចិត្តំ ន និរុជ្ឈតិ តស្ស តំ ចិត្តំ ន និរុជ្ឈិត្ថ?
(ខ) យស្ស វា បន យំ ចិត្តំ ន និរុជ្ឈិត្ថ តស្ស តំ ចិត្តំ ន និរុជ្ឈតិ?
៤៨. (ក) យស្ស យំ ចិត្តំ និរុជ្ឈតិ តស្ស តំ ចិត្តំ និរុជ្ឈិស្សតិ?
(ខ) យស្ស វា បន យំ ចិត្តំ និរុជ្ឈិស្សតិ តស្ស តំ ចិត្តំ និរុជ្ឈតិ?
(ក) យស្ស យំ ចិត្តំ ន និរុជ្ឈតិ តស្ស តំ ចិត្តំ ន និរុជ្ឈិស្សតិ?
(ខ) យស្ស វា បន យំ ចិត្តំ ន និរុជ្ឈិស្សតិ តស្ស តំ ចិត្តំ ន និរុជ្ឈតិ?
៤៩. (ក) យស្ស យំ ចិត្តំ និរុជ្ឈិត្ថ តស្ស តំ ចិត្តំ និរុជ្ឈិស្សតិ?
(ខ) យស្ស វា បន យំ ចិត្តំ និរុជ្ឈិស្សតិ តស្ស តំ ចិត្តំ និរុជ្ឈិត្ថ?
(ក) យស្ស យំ ចិត្តំ ន និរុជ្ឈិត្ថ តស្ស តំ ចិត្តំ ន និរុជ្ឈិស្សតិ?
(ខ) យស្ស វា បន យំ ចិត្តំ ន និរុជ្ឈិស្សតិ តស្ស តំ ចិត្តំ ន និរុជ្ឈិត្ថ?
(៦) ឧប្បាទនិរោធវារោ
៥០. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ និរុជ្ឈិត្ថ?
(ខ) យស្ស វា បន យំ ចិត្តំ និរុជ្ឈិត្ថ តស្ស តំ ចិត្តំ ឧប្បជ្ជតិ?
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន និរុជ្ឈិត្ថ?
(ខ) យស្ស វា បន យំ ចិត្តំ ន និរុជ្ឈិត្ថ តស្ស តំ ចិត្តំ ន ឧប្បជ្ជតិ?
៥១. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ និរុជ្ឈិស្សតិ?
(ខ) យស្ស វា បន យំ ចិត្តំ និរុជ្ឈិស្សតិ តស្ស តំ ចិត្តំ ឧប្បជ្ជតិ?
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ ន និរុជ្ឈិស្សតិ?
(ខ) យស្ស វា បន យំ ចិត្តំ ន និរុជ្ឈិស្សតិ តស្ស តំ ចិត្តំ ន ឧប្បជ្ជតិ?
៥២. (ក) យស្ស យំ ចិត្តំ ឧប្បជ្ជិត្ថ តស្ស តំ ចិត្តំ និរុជ្ឈិស្សតិ?
(ខ) យស្ស វា បន យំ ចិត្តំ និរុជ្ឈិស្សតិ តស្ស តំ ចិត្តំ ឧប្បជ្ជិត្ថ?
(ក) យស្ស យំ ចិត្តំ ន ឧប្បជ្ជិត្ថ តស្ស តំ ចិត្តំ ន និរុជ្ឈិស្សតិ?
(ខ) យស្ស វា បន យំ ចិត្តំ ន និរុជ្ឈិស្សតិ តស្ស តំ ចិត្តំ ន ឧប្បជ្ជិត្ថ?
(៧) ឧប្បជ្ជមាន-ននិរោធវារោ
៥៣. (ក) យស្ស យំ ចិត្តំ ឧប្បជ្ជតិ តស្ស តំ ចិត្តំ ន និរុជ្ឈតិ?
(ខ) យស្ស វា បន យំ ចិត្តំ ន និរុជ្ឈតិ តស្ស តំ ចិត្តំ ឧប្បជ្ជតិ?
(ក) យស្ស យំ ចិត្តំ ន ឧប្បជ្ជតិ តស្ស តំ ចិត្តំ និរុជ្ឈតិ?
(ខ) យស្ស វា បន យំ ចិត្តំ និរុជ្ឈតិ តស្ស តំ ចិត្តំ ន ឧប្បជ្ជតិ?
(៨) ឧប្បជ្ជមានុប្បន្នវារោ
៥៤. (ក) យស្ស យំ ចិត្តំ ឧប្បជ្ជមានំ តស្ស តំ ចិត្តំ ឧប្បន្នំ?
(ខ) យស្ស វា បន យំ ចិត្តំ ឧប្បន្នំ តស្ស តំ ចិត្តំ ឧប្បជ្ជមានំ?
(ក) យស្ស យំ ចិត្តំ ន ឧប្បជ្ជមានំ តស្ស តំ ចិត្តំ ន ឧប្បន្នំ?
(ខ) យស្ស វា បន យំ ចិត្តំ ន ឧប្បន្នំ តស្ស តំ ចិត្តំ ន ឧប្បជ្ជមានំ?
(៩) និរុជ្ឈមានុប្បន្នវារោ
៥៥. (ក) យស្ស យំ ចិត្តំ និរុជ្ឈមានំ តស្ស តំ ចិត្តំ ឧប្បន្នំ?
(ខ) យស្ស វា បន យំ ចិត្តំ ឧប្បន្នំ តស្ស តំ ចិត្តំ និរុជ្ឈមានំ?
(ក) យស្ស យំ ចិត្តំ ន និរុជ្ឈមានំ តស្ស តំ ចិត្តំ ន ឧប្បន្នំ?
(ខ) យស្ស វា បន យំ ចិត្តំ ន ឧប្បន្នំ តស្ស តំ ចិត្តំ ន និរុជ្ឈមានំ?
(១០) ឧប្បន្នុប្បាទវារោ
៥៦. (ក) យស្ស យំ ចិត្តំ ឧប្បន្នំ តស្ស តំ ចិត្តំ ឧប្បជ្ជិត្ថ?
(ខ) យស្ស វា បន យំ ចិត្តំ ឧប្បជ្ជិត្ថ តស្ស តំ ចិត្តំ ឧប្បន្នំ?
(ក) យស្ស យំ ចិត្តំ ន ឧប្បន្នំ តស្ស តំ ចិត្តំ ន ឧប្បជ្ជិត្ថ?
(ខ) យស្ស វា បន យំ ចិត្តំ ន ឧប្បជ្ជិត្ថ តស្ស តំ ចិត្តំ ន ឧប្បន្នំ?
(ក) យស្ស យំ ចិត្តំ ឧប្បន្នំ តស្ស តំ ចិត្តំ ឧប្បជ្ជិស្សតិ?
(ខ) យស្ស វា បន យំ ចិត្តំ ឧប្បជ្ជិស្សតិ តស្ស តំ ចិត្តំ ឧប្បន្នំ?
(ក) យស្ស យំ ចិត្តំ ន ឧប្បន្នំ តស្ស តំ ចិត្តំ ន ឧប្បជ្ជិស្សតិ?
(ខ) យស្ស វា បន យំ ចិត្តំ ន ឧប្បជ្ជិស្សតិ តស្ស តំ ចិត្តំ ន ឧប្បន្នំ?
(១១) អតីតានាគតវារោ
៥៧. (ក) យស្ស យំ ចិត្តំ ឧប្បជ្ជិត្ថ នោ ច តស្ស តំ ចិត្តំ ឧប្បន្នំ, តស្ស តំ ចិត្តំ ឧប្បជ្ជិស្សតិ?
(ខ) យស្ស វា បន យំ ចិត្តំ ឧប្បជ្ជិស្សតិ នោ ច តស្ស តំ ចិត្តំ ឧប្បន្នំ, តស្ស តំ ចិត្តំ ឧប្បជ្ជិត្ថ?
(ក) យស្ស យំ ចិត្តំ ន ឧប្បជ្ជិត្ថ នោ ច តស្ស តំ ចិត្តំ ន ឧប្បន្នំ, តស្ស តំ ចិត្តំ ន ឧប្បជ្ជិស្សតិ?
(ខ) យស្ស វា បន យំ ចិត្តំ ន ឧប្បជ្ជិស្សតិ នោ ច តស្ស តំ ចិត្តំ ន ឧប្បន្នំ, តស្ស តំ ចិត្តំ ន ឧប្បជ្ជិត្ថ?
(១២) ឧប្បន្នុប្បជ្ជមានវារោ
៥៨. (ក) ឧប្បន្នំ ឧប្បជ្ជមានំ?
(ខ) ឧប្បជ្ជមានំ ឧប្បន្នំ?
(ក) ន ឧប្បន្នំ ន ឧប្បជ្ជមានំ?
(ខ) ន ឧប្បជ្ជមានំ ន ឧប្បន្នំ?
(១៣) និរុទ្ធនិរុជ្ឈមានវារោ
៥៩. (ក) និរុទ្ធំ និរុជ្ឈមានំ?
(ខ) និរុជ្ឈមានំ និរុទ្ធំ?
(ក) ន និរុទ្ធំ ន និរុជ្ឈមានំ?
(ខ) ន និរុជ្ឈមានំ ន និរុទ្ធំ?
(១៤) អតិក្កន្តកាលវារោ
៦០. (ក) យស្ស យំ ចិត្តំ ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តស្ស តំ ចិត្តំ?
(ខ) យស្ស វា បន យំ ចិត្តំ និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តស្ស តំ ចិត្តំ?
(ក) យស្ស យំ ចិត្តំ ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តស្ស តំ ចិត្តំ?
(ខ) យស្ស វា បន យំ ចិត្តំ ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តស្ស តំ ចិត្តំ?
២. សុត្តន្តចិត្តមិស្សកវិសេសោ
៦១. យស្ស សរាគំ ចិត្តំ ឧប្បជ្ជតិ…បេ… យស្ស វីតរាគំ ចិត្តំ ឧប្បជ្ជតិ… យស្ស សទោសំ ចិត្តំ ឧប្បជ្ជតិ… យស្ស វីតទោសំ ចិត្តំ ឧប្បជ្ជតិ… យស្ស សមោហំ ចិត្តំ ឧប្បជ្ជតិ… យស្ស វីតមោហំ ចិត្តំ ឧប្បជ្ជតិ … យស្ស សំខិត្តំ ចិត្តំ ឧប្បជ្ជតិ… យស្ស វិក្ខិត្តំ ចិត្តំ ឧប្បជ្ជតិ… យស្ស មហគ្គតំ ចិត្តំ ឧប្បជ្ជតិ… យស្ស អមហគ្គតំ ចិត្តំ ឧប្បជ្ជតិ… យស្ស សឧត្តរំ ចិត្តំ ឧប្បជ្ជតិ… យស្ស អនុត្តរំ ចិត្តំ ឧប្បជ្ជតិ… យស្ស សមាហិតំ ចិត្តំ ឧប្បជ្ជតិ… យស្ស អសមាហិតំ ចិត្តំ ឧប្បជ្ជតិ… យស្ស វិមុត្តំ ចិត្តំ ឧប្បជ្ជតិ… យស្ស អវិមុត្តំ ចិត្តំ ឧប្បជ្ជតិ…?
៣. អភិធម្មចិត្តមិស្សកវិសេសោ
៦២. យស្ស កុសលំ ចិត្តំ ឧប្បជ្ជតិ…បេ… យស្ស អកុសលំ ចិត្តំ ឧប្បជ្ជតិ… យស្ស អព្យាកតំ ចិត្តំ ឧប្បជ្ជតិ… យស្ស សុខាយ វេទនាយ សម្បយុត្តំ ចិត្តំ ឧប្បជ្ជតិ…?
(ឯតេន ឧបាយេន យាវ សរណអរណា ឧទ្ធរិតព្ពា.)
(ក) យស្ស អរណំ ចិត្តំ ឧប្បជ្ជតិ ន និរុជ្ឈតិ តស្ស អរណំ ចិត្តំ និរុជ្ឈិស្សតិ ន ឧប្បជ្ជិស្សតិ?
(ខ) យស្ស វា បន អរណំ ចិត្តំ និរុជ្ឈិស្សតិ ន ឧប្បជ្ជិស្សតិ តស្ស អរណំ ចិត្តំ ឧប្បជ្ជតិ ន និរុជ្ឈតិ?