២. ធម្មវារោ

(១) ឧប្បាទនិរោធកាលសម្ភេទវារោ

២១. (ក) យំ ចិត្តំ ឧប្បជ្ជតិ ន និរុជ្ឈតិ តំ ចិត្តំ និរុជ្ឈិស្សតិ ន ឧប្បជ្ជិស្សតិ?

(ខ) យំ វា បន ចិត្តំ និរុជ្ឈិស្សតិ ន ឧប្បជ្ជិស្សតិ តំ ចិត្តំ ឧប្បជ្ជតិ ន និរុជ្ឈតិ?

(ក) យំ ចិត្តំ ន ឧប្បជ្ជតិ និរុជ្ឈតិ តំ ចិត្តំ ន និរុជ្ឈិស្សតិ ឧប្បជ្ជិស្សតិ?

(ខ) យំ វា បន ចិត្តំ ន និរុជ្ឈិស្សតិ ឧប្បជ្ជិស្សតិ តំ ចិត្តំ ន ឧប្បជ្ជតិ និរុជ្ឈតិ?

(២) ឧប្បាទុប្បន្នវារោ

២២. (ក) យំ ចិត្តំ ឧប្បជ្ជតិ តំ ចិត្តំ ឧប្បន្នំ?

(ខ) យំ វា បន ចិត្តំ ឧប្បន្នំ តំ ចិត្តំ ឧប្បជ្ជតិ?

(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បន្នំ?

(ខ) យំ វា បន ចិត្តំ ន ឧប្បន្នំ តំ ចិត្តំ ន ឧប្បជ្ជតិ?

(៣) និរោធុប្បន្នវារោ

២៣. (ក) យំ ចិត្តំ និរុជ្ឈតិ តំ ចិត្តំ ឧប្បន្នំ?

(ខ) យំ វា បន ចិត្តំ ឧប្បន្នំ តំ ចិត្តំ និរុជ្ឈតិ?

(ក) យំ ចិត្តំ ន និរុជ្ឈតិ តំ ចិត្តំ ន ឧប្បន្នំ?

(ខ) យំ វា បន ចិត្តំ ន ឧប្បន្នំ តំ ចិត្តំ ន និរុជ្ឈតិ?

(៤) ឧប្បាទវារោ

២៤. (ក) យំ ចិត្តំ ឧប្បជ្ជតិ តំ ចិត្តំ ឧប្បជ្ជិត្ថ?

(ខ) យំ វា បន ចិត្តំ ឧប្បជ្ជិត្ថ តំ ចិត្តំ ឧប្បជ្ជតិ?

(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បជ្ជិត្ថ?

(ខ) យំ វា បន ចិត្តំ ន ឧប្បជ្ជិត្ថ តំ ចិត្តំ ន ឧប្បជ្ជតិ?

២៥. (ក) យំ ចិត្តំ ឧប្បជ្ជតិ តំ ចិត្តំ ឧប្បជ្ជិស្សតិ?

(ខ) យំ វា បន ចិត្តំ ឧប្បជ្ជិស្សតិ តំ ចិត្តំ ឧប្បជ្ជតិ?

(ក) យំ ចិត្តំ ន ឧប្បជ្ជតិ តំ ចិត្តំ ន ឧប្បជ្ជិស្សតិ?

(ខ) យំ វា បន ចិត្តំ ន ឧប្បជ្ជិស្សតិ តំ ចិត្តំ ន ឧប្បជ្ជតិ?

២៦. (ក) យំ ចិត្តំ ឧប្បជ្ជិត្ថ តំ ចិត្តំ ឧប្បជ្ជិស្សតិ?

(ខ) យំ វា បន ចិត្តំ ឧប្បជ្ជិស្សតិ តំ ចិត្តំ ឧប្បជ្ជិត្ថ?

(ក) យំ ចិត្តំ ន ឧប្បជ្ជិត្ថ តំ ចិត្តំ ន ឧប្បជ្ជិស្សតិ?

(ខ) យំ វា បន ចិត្តំ ន ឧប្បជ្ជិស្សតិ តំ ចិត្តំ ន ឧប្បជ្ជិត្ថ?

(៥) និរោធវារោ

២៧. (ក) យំ ចិត្តំ និរុជ្ឈតិ តំ ចិត្តំ និរុជ្ឈិត្ថ?

(ខ) យំ វា បន ចិត្តំ និរុជ្ឈិត្ថ តំ ចិត្តំ និរុជ្ឈតិ?

(ក) យំ ចិត្តំ ន និរុជ្ឈតិ តំ ចិត្តំ ន និរុជ្ឈិត្ថ?

(ខ) យំ វា បន ចិត្តំ ន និរុជ្ឈិត្ថ តំ ចិត្តំ ន និរុជ្ឈតិ?

២៨. (ក) យំ ចិត្តំ និរុជ្ឈតិ តំ ចិត្តំ និរុជ្ឈិស្សតិ?

(ខ) យំ វា បន ចិត្តំ និរុជ្ឈិស្សតិ តំ ចិត្តំ និរុជ្ឈតិ?

(ក) យំ ចិត្តំ ន និរុជ្ឈតិ តំ ចិត្តំ ន និរុជ្ឈិស្សតិ?

(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន និរុជ្ឈតិ?

២៩. (ក) យំ ចិត្តំ និរុជ្ឈិត្ថ តំ ចិត្តំ និរុជ្ឈិស្សតិ?

(ខ) យំ វា បន ចិត្តំ និរុជ្ឈិស្សតិ តំ ចិត្តំ និរុជ្ឈិត្ថ?

(ក) យំ ចិត្តំ ន និរុជ្ឈិត្ថ តំ ចិត្តំ ន និរុជ្ឈិស្សតិ?

(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន និរុជ្ឈិត្ថ?

(៦) ឧប្បាទនិរោធវារោ

៣០. (ក) យំ ចិត្តំ ឧប្បជ្ជតិ តំ ចិត្តំ និរុជ្ឈិត្ថ?

(ខ) យំ វា បន ចិត្តំ និរុជ្ឈិត្ថ តំ ចិត្តំ ឧប្បជ្ជតិ?

(ក) យំ ចិត្តំ ន ឧប្បជ្ជតិ តំ ចិត្តំ ន និរុជ្ឈិត្ថ?

(ខ) យំ វា បន ចិត្តំ ន និរុជ្ឈិត្ថ តំ ចិត្តំ ន ឧប្បជ្ជតិ?

៣១. (ក) យំ ចិត្តំ ឧប្បជ្ជតិ តំ ចិត្តំ និរុជ្ឈិស្សតិ?

(ខ) យំ វា បន ចិត្តំ និរុជ្ឈិស្សតិ តំ ចិត្តំ ឧប្បជ្ជតិ?

(ក) យំ ចិត្តំ ន ឧប្បជ្ជតិ តំ ចិត្តំ ន និរុជ្ឈិស្សតិ?

(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន ឧប្បជ្ជតិ?

៣២. (ក) យំ ចិត្តំ ឧប្បជ្ជិត្ថ តំ ចិត្តំ និរុជ្ឈិស្សតិ?

(ខ) យំ វា បន ចិត្តំ និរុជ្ឈិស្សតិ តំ ចិត្តំ ឧប្បជ្ជិត្ថ?

(ក) យំ ចិត្តំ ន ឧប្បជ្ជិត្ថ តំ ចិត្តំ ន និរុជ្ឈិស្សតិ?

(ខ) យំ វា បន ចិត្តំ ន និរុជ្ឈិស្សតិ តំ ចិត្តំ ន ឧប្បជ្ជិត្ថ?

(៧) ឧប្បជ្ជមាន-ននិរោធវារោ

៣៣. (ក) យំ ចិត្តំ ឧប្បជ្ជតិ តំ ចិត្តំ ន និរុជ្ឈតិ?

(ខ) យំ វា បន ចិត្តំ ន និរុជ្ឈតិ តំ ចិត្តំ ឧប្បជ្ជតិ?

(ក) យំ ចិត្តំ ន ឧប្បជ្ជតិ តំ ចិត្តំ និរុជ្ឈតិ?

(ខ) យំ វា បន ចិត្តំ និរុជ្ឈតិ តំ ចិត្តំ ន ឧប្បជ្ជតិ?

(៨) ឧប្បជ្ជមានុប្បន្នវារោ

៣៤. (ក) យំ ចិត្តំ ឧប្បជ្ជមានំ តំ ចិត្តំ ឧប្បន្នំ?

(ខ) យំ វា បន ចិត្តំ ឧប្បន្នំ តំ ចិត្តំ ឧប្បជ្ជមានំ?

(ក) យំ ចិត្តំ ន ឧប្បជ្ជមានំ តំ ចិត្តំ ន ឧប្បន្នំ?

(ខ) យំ វា បន ចិត្តំ ន ឧប្បន្នំ តំ ចិត្តំ ន ឧប្បជ្ជមានំ?

(៩) និរុជ្ឈមានុប្បន្នវារោ

៣៥. (ក) យំ ចិត្តំ និរុជ្ឈមានំ តំ ចិត្តំ ឧប្បន្នំ?

(ខ) យំ វា បន ចិត្តំ ឧប្បន្នំ តំ ចិត្តំ និរុជ្ឈមានំ?

(ក) យំ ចិត្តំ ន និរុជ្ឈមានំ តំ ចិត្តំ ន ឧប្បន្នំ?

(ខ) យំ វា បន ចិត្តំ ន ឧប្បន្នំ តំ ចិត្តំ ន និរុជ្ឈមានំ?

(១០) ឧប្បន្នុប្បាទវារោ

៣៦. (ក) យំ ចិត្តំ ឧប្បន្នំ តំ ចិត្តំ ឧប្បជ្ជិត្ថ?

(ខ) យំ វា បន ចិត្តំ ឧប្បជ្ជិត្ថ តំ ចិត្តំ ឧប្បន្នំ?

(ក) យំ ចិត្តំ ន ឧប្បន្នំ តំ ចិត្តំ ន ឧប្បជ្ជិត្ថ?

(ខ) យំ វា បន ចិត្តំ ន ឧប្បជ្ជិត្ថ តំ ចិត្តំ ន ឧប្បន្នំ?

(ក) យំ ចិត្តំ ឧប្បន្នំ តំ ចិត្តំ ឧប្បជ្ជិស្សតិ?

(ខ) យំ វា បន ចិត្តំ ឧប្បជ្ជិស្សតិ តំ ចិត្តំ ឧប្បន្នំ?

(ក) យំ ចិត្តំ ន ឧប្បន្នំ តំ ចិត្តំ ន ឧប្បជ្ជិស្សតិ?

(ខ) យំ វា បន ចិត្តំ ន ឧប្បជ្ជិស្សតិ តំ ចិត្តំ ន ឧប្បន្នំ?

(១១) អតីតានាគតវារោ

៣៧. (ក) យំ ចិត្តំ ឧប្បជ្ជិត្ថ នោ ច តំ ចិត្តំ ឧប្បន្នំ, តំ ចិត្តំ ឧប្បជ្ជិស្សតិ?

(ខ) យំ វា បន ចិត្តំ ឧប្បជ្ជិស្សតិ នោ ច តំ ចិត្តំ ឧប្បន្នំ, តំ ចិត្តំ ឧប្បជ្ជិត្ថ?

(ក) យំ ចិត្តំ ន ឧប្បជ្ជិត្ថ នោ ច តំ ចិត្តំ ន ឧប្បន្នំ, តំ ចិត្តំ ន ឧប្បជ្ជិស្សតិ?

(ខ) យំ វា បន ចិត្តំ ន ឧប្បជ្ជិស្សតិ នោ ច តំ ចិត្តំ ន ឧប្បន្នំ, តំ ចិត្តំ ន ឧប្បជ្ជិត្ថ?

(១២) ឧប្បន្នុប្បជ្ជមានវារោ

៣៨. (ក) ឧប្បន្នំ ឧប្បជ្ជមានំ?

(ខ) ឧប្បជ្ជមានំ ឧប្បន្នំ?

(ក) ន ឧប្បន្នំ ន ឧប្បជ្ជមានំ?

(ខ) ន ឧប្បជ្ជមានំ ន ឧប្បន្នំ?

(១៣) និរុទ្ធនិរុជ្ឈមានវារោ

៣៩. (ក) និរុទ្ធំ និរុជ្ឈមានំ?

(ខ) និរុជ្ឈមានំ និរុទ្ធំ?

(ក) ន និរុទ្ធំ ន និរុជ្ឈមានំ?

(ខ) ន និរុជ្ឈមានំ ន និរុទ្ធំ?

(១៤) អតិក្កន្តកាលវារោ

៤០. (ក) យំ ចិត្តំ ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តំ ចិត្តំ?

(ខ) យំ វា បន ចិត្តំ និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តំ ចិត្តំ?

(ក) យំ ចិត្តំ ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ, ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ តំ ចិត្តំ?

(ខ) យំ វា បន ចិត្តំ ន និរុជ្ឈមានំ ខណំ ខណំ វីតិក្កន្តំ អតិក្កន្តកាលំ, ន ឧប្បជ្ជមានំ ខណំ ខណំ វីតិក្កន្តំ អតិក្កន្តកាលំ តំ ចិត្តំ?