៦. ឧប្បជ្ជនវារោ

៣៣០. (ក) យស្ស កាមរាគានុសយោ ឧប្បជ្ជតិ តស្ស បដិឃានុសយោ ឧប្បជ្ជតីតិ? អាមន្តា.

(ខ) យស្ស វា បន បដិឃានុសយោ ឧប្បជ្ជតិ តស្ស កាមរាគានុសយោ ឧប្បជ្ជតីតិ? អាមន្តា.

(ក) យស្ស កាមរាគានុសយោ ឧប្បជ្ជតិ តស្ស មានានុសយោ ឧប្បជ្ជតីតិ? អាមន្តា.

(ខ) យស្ស វា បន មានានុសយោ ឧប្បជ្ជតិ តស្ស កាមរាគានុសយោ ឧប្បជ្ជតីតិ?

អនាគាមិស្ស មានានុសយោ ឧប្បជ្ជតិ, នោ ច តស្ស កាមរាគានុសយោ ឧប្បជ្ជតិ. តិណ្ណំ បុគ្គលានំ មានានុសយោ ច ឧប្បជ្ជតិ កាមរាគានុសយោ ច ឧប្បជ្ជតិ (វិត្ថារេតព្ពំ).

៣៣១. (ក) យស្ស កាមរាគានុសយោ នុប្បជ្ជតិ តស្ស បដិឃានុសយោ នុប្បជ្ជតីតិ? អាមន្តា.

(ខ) យស្ស វា បន បដិឃានុសយោ នុប្បជ្ជតិ តស្ស កាមរាគានុសយោ នុប្បជ្ជតីតិ? អាមន្តា.

(ក) យស្ស កាមរាគានុសយោ នុប្បជ្ជតិ តស្ស មានានុសយោ នុប្បជ្ជតីតិ?

អនាគាមិស្ស កាមរាគានុសយោ នុប្បជ្ជតិ, នោ ច តស្ស មានានុសយោ នុប្បជ្ជតិ. អរហតោ កាមរាគានុសយោ ច នុប្បជ្ជតិ មានានុសយោ ច នុប្បជ្ជតិ.

(ខ) យស្ស វា បន មានានុសយោ នុប្បជ្ជតិ តស្ស កាមរាគានុសយោ នុប្បជ្ជតីតិ? អាមន្តា. (វិត្ថារេតព្ពំ).

ឧប្បជ្ជនវារោ.