(២) អតីតវារោ

(ក) អនុលោមបុគ្គលោ

២៩. (ក) យស្ស កាយសង្ខារោ ឧប្បជ្ជិត្ថ តស្ស វចីសង្ខារោ ឧប្បជ្ជិត្ថាតិ? អាមន្តា.

(ខ) យស្ស វា បន…បេ…? អាមន្តា.

(ក) យស្ស កាយសង្ខារោ ឧប្បជ្ជិត្ថ តស្ស ចិត្តសង្ខារោ ឧប្បជ្ជិត្ថាតិ? អាមន្តា.

(ខ) យស្ស វា បន…បេ…? អាមន្តា.

៣០. (ក) យស្ស វចីសង្ខារោ ឧប្បជ្ជិត្ថ តស្ស ចិត្តសង្ខារោ ឧប្បជ្ជិត្ថាតិ? អាមន្តា.

(ខ) យស្ស វា បន…បេ…? អាមន្តា.

(ខ) អនុលោមឱកាសោ

៣១. យត្ថ កាយសង្ខារោ ឧប្បជ្ជិត្ថ…បេ…

(យត្ថកម្បិ សព្ពត្ថ ឯកសទិសំ).

(គ) អនុលោមបុគ្គលោកាសា

៣២. (ក) យស្ស យត្ថ កាយសង្ខារោ ឧប្បជ្ជិត្ថ តស្ស តត្ថ វចីសង្ខារោ ឧប្បជ្ជិត្ថាតិ?

ទុតិយជ្ឈានំ តតិយជ្ឈានំ សមាបន្នានំ តេសំ តត្ថ កាយសង្ខារោ ឧប្បជ្ជិត្ថ, នោ ច តេសំ តត្ថ វចីសង្ខារោ ឧប្បជ្ជិត្ថ. បឋមជ្ឈានំ សមាបន្នានំ កាមាវចរានំ តេសំ តត្ថ កាយសង្ខារោ ច ឧប្បជ្ជិត្ថ វចីសង្ខារោ ច ឧប្បជ្ជិត្ថ.

(ខ) យស្ស វា បន យត្ថ វចីសង្ខារោ ឧប្បជ្ជិត្ថ តស្ស តត្ថ កាយសង្ខារោ ឧប្បជ្ជិត្ថាតិ?

រូបាវចរានំ អរូបាវចរានំ តេសំ តត្ថ វចីសង្ខារោ ឧប្បជ្ជិត្ថ, នោ ច តេសំ តត្ថ កាយសង្ខារោ ឧប្បជ្ជិត្ថ. បឋមជ្ឈានំ សមាបន្នានំ កាមាវចរានំ តេសំ តត្ថ វចីសង្ខារោ ច ឧប្បជ្ជិត្ថ កាយសង្ខារោ ច ឧប្បជ្ជិត្ថ.

(ក) យស្ស យត្ថ កាយសង្ខារោ ឧប្បជ្ជិត្ថ តស្ស តត្ថ ចិត្តសង្ខារោ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ ចិត្តសង្ខារោ ឧប្បជ្ជិត្ថ តស្ស តត្ថ កាយសង្ខារោ ឧប្បជ្ជិត្ថាតិ?

ចតុត្ថជ្ឈានំ សមាបន្នានំ រូបាវចរានំ អរូបាវចរានំ តេសំ តត្ថ ចិត្តសង្ខារោ ឧប្បជ្ជិត្ថ, នោ ច តេសំ តត្ថ កាយសង្ខារោ ឧប្បជ្ជិត្ថ. បឋមជ្ឈានំ ទុតិយជ្ឈានំ តតិយជ្ឈានំ សមាបន្នានំ កាមាវចរានំ តេសំ តត្ថ ចិត្តសង្ខារោ ច ឧប្បជ្ជិត្ថ កាយសង្ខារោ ច ឧប្បជ្ជិត្ថ.

៣៣. (ក) យស្ស យត្ថ វចីសង្ខារោ ឧប្បជ្ជិត្ថ តស្ស តត្ថ ចិត្តសង្ខារោ ឧប្បជ្ជិត្ថាតិ? អាមន្តា.

(ខ) យស្ស វា បន យត្ថ ចិត្តសង្ខារោ ឧប្បជ្ជិត្ថ តស្ស តត្ថ វចីសង្ខារោ ឧប្បជ្ជិត្ថាតិ?

ទុតិយជ្ឈានំ តតិយជ្ឈានំ ចតុត្ថជ្ឈានំ សមាបន្នានំ សុទ្ធាវាសានំ ទុតិយេ ចិត្តេ វត្តមានេ តេសំ តត្ថ ចិត្តសង្ខារោ ឧប្បជ្ជិត្ថ, នោ ច តេសំ តត្ថ វចីសង្ខារោ ឧប្បជ្ជិត្ថ. បឋមជ្ឈានំ សមាបន្នានំ កាមាវចរានំ ឥតរេសំ រូបាវចរានំ អរូបាវចរានំ តេសំ តត្ថ ចិត្តសង្ខារោ ច ឧប្បជ្ជិត្ថ វចីសង្ខារោ ច ឧប្បជ្ជិត្ថ.

(ឃ) បច្ចនីកបុគ្គលោ

៣៤. (ក) យស្ស កាយសង្ខារោ នុប្បជ្ជិត្ថ តស្ស វចីសង្ខារោ នុប្បជ្ជិត្ថាតិ? នត្ថិ.

(ខ) យស្ស វា បន វចីសង្ខារោ នុប្បជ្ជិត្ថ តស្ស កាយសង្ខារោ នុប្បជ្ជិត្ថាតិ? នត្ថិ.

(ក) យស្ស កាយសង្ខារោ នុប្បជ្ជិត្ថ តស្ស ចិត្តសង្ខារោ នុប្បជ្ជិត្ថាតិ? នត្ថិ.

(ខ) យស្ស វា បន…បេ…? នត្ថិ.

៣៥. (ក) យស្ស វចីសង្ខារោ នុប្បជ្ជិត្ថ តស្ស ចិត្តសង្ខារោ នុប្បជ្ជិត្ថាតិ? នត្ថិ.

(ខ) យស្ស វា បន…បេ…? នត្ថិ.

(ង) បច្ចនីកឱកាសោ

៣៦. យត្ថ កាយសង្ខារោ នុប្បជ្ជិត្ថ…បេ….

(ច) បច្ចនីកបុគ្គលោកាសា

៣៧. (ក) យស្ស យត្ថ កាយសង្ខារោ នុប្បជ្ជិត្ថ តស្ស តត្ថ វចីសង្ខារោ នុប្បជ្ជិត្ថាតិ?

រូបាវចរានំ អរូបាវចរានំ តេសំ តត្ថ កាយសង្ខារោ នុប្បជ្ជិត្ថ, នោ ច តេសំ តត្ថ វចីសង្ខារោ នុប្បជ្ជិត្ថ. ចតុត្ថជ្ឈានំ សមាបន្នានំ សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ កាយសង្ខារោ ច នុប្បជ្ជិត្ថ វចីសង្ខារោ ច នុប្បជ្ជិត្ថ.

(ខ) យស្ស វា បន យត្ថ វចីសង្ខារោ នុប្បជ្ជិត្ថ តស្ស តត្ថ កាយសង្ខារោ នុប្បជ្ជិត្ថាតិ?

ទុតិយជ្ឈានំ តតិយជ្ឈានំ សមាបន្នានំ តេសំ តត្ថ វចីសង្ខារោ នុប្បជ្ជិត្ថ, នោ ច តេសំ តត្ថ កាយសង្ខារោ នុប្បជ្ជិត្ថ. ចតុត្ថជ្ឈានំ សមាបន្នានំ សុទ្ធាវាសានំ ទុតិយេ ចិត្តេ វត្តមានេ អសញ្ញសត្តានំ តេសំ តត្ថ វចីសង្ខារោ ច នុប្បជ្ជិត្ថ កាយសង្ខារោ ច នុប្បជ្ជិត្ថ.

(ក) យស្ស យត្ថ កាយសង្ខារោ នុប្បជ្ជិត្ថ តស្ស តត្ថ ចិត្តសង្ខារោ នុប្បជ្ជិត្ថាតិ?

ចតុត្ថជ្ឈានំ សមាបន្នានំ រូបាវចរានំ អរូបាវចរានំ តេសំ តត្ថ កាយសង្ខារោ នុប្បជ្ជិត្ថ, នោ ច តេសំ តត្ថ ចិត្តសង្ខារោ នុប្បជ្ជិត្ថ. សុទ្ធាវាសំ ឧបបជ្ជន្តានំ អសញ្ញសត្តានំ តេសំ តត្ថ កាយសង្ខារោ ច នុប្បជ្ជិត្ថ ចិត្តសង្ខារោ ច នុប្បជ្ជិត្ថ.

(ខ) យស្ស វា បន យត្ថ…បេ…? អាមន្តា.

៣៨. (ក) យស្ស យត្ថ វចីសង្ខារោ នុប្បជ្ជិត្ថ តស្ស តត្ថ ចិត្តសង្ខារោ នុប្បជ្ជិត្ថាតិ?

ទុតិយជ្ឈានំ តតិយជ្ឈានំ ចតុត្ថជ្ឈានំ សមាបន្នានំ សុទ្ធាវាសានំ ទុតិយេ ចិត្តេ វត្តមានេ តេសំ តត្ថ វចីសង្ខារោ នុប្បជ្ជិត្ថ, នោ ច តេសំ តត្ថ ចិត្តសង្ខារោ នុប្បជ្ជិត្ថ. សុទ្ធាវាសំ ឧបបជ្ជន្តានំ អសញ្ញសត្តានំ តេសំ តត្ថ វចីសង្ខារោ ច នុប្បជ្ជិត្ថ ចិត្តសង្ខារោ ច នុប្បជ្ជិត្ថ.

(ខ) យស្ស វា បន យត្ថ…បេ…? អាមន្តា.