១-៧. បដិច្ចវារាទិ

បច្ចយចតុក្កំ

ហេតុបច្ចយោ

២៣. នីវរណិយញ្ចេវ នោ ច នីវរណំ កុសលំ ធម្មំ បដិច្ច នីវរណិយោ ចេវ នោ ច នីវរណោ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

២៤. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)

២៥. នីវរណញ្ចេវ នីវរណិយញ្ច អកុសលំ ធម្មំ បដិច្ច នីវរណោ ចេវ នីវរណិយោ ច អកុសលោ ធម្មោ ឧប្បជ្ជតិ ហេតុបច្ចយា… តីណិ.

នីវរណិយញ្ចេវ នោ ច នីវរណំ អកុសលំ ធម្មំ បដិច្ច នីវរណិយោ ចេវ នោ ច នីវរណោ អកុសលោ ធម្មោ ឧប្បជ្ជតិ ហេតុបច្ចយា… តីណិ.

នីវរណញ្ចេវ នីវរណិយំ អកុសលញ្ច នីវរណិយញ្ចេវ នោ ច នីវរណំ អកុសលញ្ច ធម្មំ បដិច្ច នីវរណោ ច នីវរណិយោ ច អកុសលោ ធម្មោ ឧប្បជ្ជតិ ហេតុបច្ចយា… តីណិ (សំខិត្តំ).

២៦. ហេតុយា នវ, អារម្មណេ នវ…បេ… អវិគតេ នវ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ នវ.)

២៧. នីវរណិយញ្ចេវ នោ ច នីវរណំ អព្យាកតំ ធម្មំ បដិច្ច នីវរណិយោ ចេវ នោ ច នីវរណោ អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

២៨. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)