១-៧. បដិច្ចវារាទិ

បច្ចយចតុក្កំ

ហេតុបច្ចយោ

១. នោនីវរណំ កុសលំ ធម្មំ បដិច្ច នោនីវរណោ កុសលោ ធម្មោ ឧប្បជ្ជតិ ហេតុបច្ចយា (សំខិត្តំ).

២. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ).

៣. នីវរណំ អកុសលំ ធម្មំ បដិច្ច នីវរណោ អកុសលោ ធម្មោ ឧប្បជ្ជតិ ហេតុបច្ចយា. នីវរណំ អកុសលំ ធម្មំ បដិច្ច នោនីវរណោ អកុសលោ ធម្មោ ឧប្បជ្ជតិ ហេតុបច្ចយា. នីវរណំ អកុសលំ ធម្មំ បដិច្ច នីវរណោ អកុសលោ ច នោនីវរណោ អកុសលោ ច ធម្មា ឧប្បជ្ជន្តិ ហេតុបច្ចយា. (៣) (សំខិត្តំ.)

៤. ហេតុយា នវ, អារម្មណេ នវ…បេ… អវិគតេ នវ (សំខិត្តំ).

បច្ចនីយំ

នហេតុបច្ចយោ

៥. នីវរណំ អកុសលំ ធម្មំ បដិច្ច នីវរណោ អកុសលោ ធម្មោ ឧប្បជ្ជតិ នហេតុបច្ចយា – វិចិកិច្ឆានីវរណំ ឧទ្ធច្ចនីវរណំ បដិច្ច អវិជ្ជានីវរណំ. (១)

នោនីវរណំ អកុសលំ ធម្មំ បដិច្ច នីវរណោ អកុសលោ ធម្មោ ឧប្បជ្ជតិ នហេតុបច្ចយា – វិចិកិច្ឆាសហគតេ ឧទ្ធច្ចសហគតេ ខន្ធេ បដិច្ច អវិជ្ជានីវរណំ. (១)

នីវរណញ្ច នោនីវរណញ្ច អកុសលំ ធម្មំ បដិច្ច នីវរណោ អកុសលោ ធម្មោ ឧប្បជ្ជតិ នហេតុបច្ចយា – វិចិកិច្ឆានីវរណញ្ច ឧទ្ធច្ចនីវរណញ្ច សម្បយុត្តកេ ច ខន្ធេ បដិច្ច អវិជ្ជានីវរណំ. (១) (សំខិត្តំ.)

៦. នហេតុយា តីណិ, នអធិបតិយា នវ, នបុរេជាតេ នវ…បេ… នកម្មេ តីណិ…បេ… នវិប្បយុត្តេ នវ (សំខិត្តំ).

(សហជាតវារេបិ… សម្បយុត្តវារេបិ សព្ពត្ថ នវ.)

៧. នីវរណោ អកុសលោ ធម្មោ នីវរណស្ស អកុសលស្ស ធម្មស្ស ហេតុបច្ចយេន បច្ចយោ (សំខិត្តំ).

៨. ហេតុយា តីណិ, អារម្មណេ នវ, អធិបតិយា នវ…បេ… អាសេវនេ នវ, កម្មេ អាហារេ ឥន្ទ្រិយេ ឈានេ មគ្គេ តីណិ, សម្បយុត្តេ នវ…បេ… អវិគតេ នវ (សំខិត្តំ).

នហេតុយា នវ, នអារម្មណេ នវ (សំខិត្តំ).

ហេតុបច្ចយា នអារម្មណេ តីណិ (សំខិត្តំ).

នហេតុបច្ចយា អារម្មណេ នវ (សំខិត្តំ).

(យថា កុសលត្តិកេ បញ្ហាវារស្ស អនុលោមម្បិ បច្ចនីយម្បិ អនុលោមបច្ចនីយម្បិ បច្ចនីយានុលោមម្បិ គណិតំ, ឯវំ គណេតព្ពំ).

៩. នោនីវរណំ អព្យាកតំ ធម្មំ បដិច្ច នោនីវរណោ អព្យាកតោ ធម្មោ ឧប្បជ្ជតិ ហេតុបច្ចយា (សំខិត្តំ).

១០. ហេតុយា ឯកំ, អារម្មណេ ឯកំ…បេ… អវិគតេ ឯកំ (សំខិត្តំ).

(សហជាតវារេបិ…បេ… បញ្ហាវារេបិ សព្ពត្ថ ឯកំ.)